ಖುಷಿ ಖುಷಿಯಲ್ಲಿ ಸಮಂತಾ ; ಅನಾರೋಗ್ಯದ ನಡುವೆಯೂ ವಿಜಯ್​ ಜತೆ ಡಾನ್ಸ್​

ಇತ್ತೀಚೆಗೆ ನಟಿ ಸಮಂತಾ ಚಿತ್ರರಂಗದಿಂದ ಬ್ರೇಕ್​ ಪಡೆದು ಸ್ನಾಯು ಸಂಬಂಧಿ ಮಯೋಸಿಟಿಸ್​ಗೆ ಚಿಕಿತ್ಸೆ ಪಡೆಯಲು ಅಮೆರಿಕಕ್ಕೆ ತೆರಳುವುದಾಗಿ ಹೇಳಿಕೊಂಡಿದ್ದರು. ಸಮಂತಾ ಹಾಗೂ ವಿಜಯ್​ ದೇವರಕೊಂಡ ಮುಖ್ಯಭೂಮಿಕೆಯಲ್ಲಿರುವ "ಖುಷಿ' ಸಿನಿಮಾದ ಚಿತ್ರೀಕರಣದ ಬಳಿಕ ನಟಿ ಚಿತ್ರರಂಗದಿಂದ ದೂರವಿದ್ದರು. ಆ ನಂತರ ಸ್ವಲ್ಪ ಸಮಯ ಸದ್ಗುರು ಅವರ ಇಶಾ ಫೌಂಡೇಷನ್​ನಲ್ಲಿ ಧ್ಯಾನ ಮಾಡುತ್ತಿರುವ ಹಾಗೂ ಬಾಲಿಯಲ್ಲಿ ಟ್ರಿಪ್​ ಹೋಗಿರುವ ಫೋಟೋಗಳನ್ನು ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದರು.

ಇದನ್ನೂ ಓದಿ : ಸಂಜು- ಗೀತಾ ವೆಡ್ಡಿಂಗ್​ನಲ್ಲಿ ಸ್ಟಾರ್​ಗಳ ದರ್ಬಾರ್​ ; ನಾಗಶೇಖರ್​ ನಿರ್ದೇಶನದಲ್ಲಿ ಶ್ರೀನಗರ ಕಿಟ್ಟಿ, ರಚಿತಾ ರಾಮ್​

ಇತ್ತೀಚೆಗಷ್ಟೆ "ಖುಷಿ' ಚಿತ್ರದ ಟ್ರೇಲರ್​ ಬಿಡುಗಡೆ ಕಾರ್ಯಕ್ರಮದಲ್ಲೂ ಸಮಂತಾ ಕಾಣಿಸಿಕೊಂಡಿರಲಿಲ್ಲ. ಆದರೆ, ಈಗ "ಖುಷಿ' ಸಿನಿಮಾದ ಮ್ಯೂಸಿಕಲ್​ ಕಾನ್ಸರ್ಟ್​ನಲ್ಲಿ ಭಾಗಿಯಾಗುವ ಮೂಲಕ ಚಿತ್ರತಂಡಕ್ಕೆ ಸಾಥ್​ ನೀಡಿದ್ದಾರೆ. ಈ ಹಿಂದೆ "ಯಶೋದಾ' ಸಿನಿಮಾದ ಪ್ರಚಾರ ಕಾರ್ಯಗಳಲ್ಲಿ ಸಮಂತಾ ಅನಾರೋಗ್ಯದ ನಡುವೆ ಭಾಗಿಯಾಗಿ ಚಿತ್ರತಂಡದ ಜತೆ ನಿಂತಿದ್ದರು. ಇದೀಗ "ಖುಷಿ' ಚಿತ್ರದ ಸಂಗೀತ ಕಾರ್ಯಕ್ರಮದಲ್ಲೂ ಭಾಗಿಯಾಗಿ ನಾಯಕ ವಿಜಯ್​ ಜತೆ ಕುಣಿದು ಸಂಭ್ರಮಿಸಿದ್ದಾರೆ. ಸದ್ಯ ಈ ಜೋಡಿಯ ಡಾನ್ಸ್​ ವಿಡಿಯೋ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಇಬ್ಬರ ಕೆಮಿಸ್ಟ್ರಿ ಬಗ್ಗೆ ಜನ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಇದನ್ನೂ ಓದಿ : ವಾಮನನ ಭರ್ಜರಿ ಆ್ಯಕ್ಷನ್; ಧನ್ವೀರ್, ರೀಷ್ಮಾ ನಾಣಯ್ಯ ಅಭಿನಯದ ಚಿತ್ರದ ಟೀಸರ್

ಈ ಕಾರ್ಯಕ್ರಮದಲ್ಲಿ ಸಂಗೀತ ನಿರ್ದೇಶಕ ಹೇಶಮ್​ ಅಬ್ದುಲ್​ ವಹಾಬ್​ ಹಾಗೂ ಗಾಯಕ ಸಿಡ್​ ಶ್ರೀರಾಮ್​ ಕೂಡ ಹಾಡಿ ಮನರಂಜಿಸಿದರು. ಇನ್ನು, ಶಿವ ನಿರ್ವಾಣ ನಿರ್ದೇಶನದ "ಖುಷಿ' ಸಿನಿಮಾ ಸೆಪ್ಟೆಂಬರ್​ 1ಕ್ಕೆ ಪ್ಯಾನ್​ ಇಂಡಿಯಾ ರಿಲೀಸ್​ ಆಗಲು ರೆಡಿಯಾಗಿದೆ. ಇನ್ನೊಂದೆಡೆ ನಟಿ ಸಮಂತಾ "ಖುಷಿ' ಪ್ರಚಾರ ಕಾರ್ಯಗಳು ಮುಗಿದ ಬಳಿಕ ಚಿಕಿತ್ಸೆ ಪಡೆಯಲು ತೆರಳಲಿದ್ದಾರೆ ಎನ್ನಲಾಗಿದೆ.
-ಏಜೆನ್ಸೀಸ್​

https://www.vijayavani.net/raj-b-shetty-got-nose-pierced-for-toby-movie