ಯಾವ ರೈತ ಫೋಟೋಶೂಟ್​ ಮಾಡಿಸ್ಕೋತಾನೆ ... ಸಲ್ಮಾನ್​ಗೆ ಟ್ರೋಲಿಗರ ಪ್ರಶ್ನೆ?

ಬಾಲಿವುಡ್​ ನಟ ಸಲ್ಮಾನ್​ ಖಾನ್ ಇತ್ತೀಚೆಗಷ್ಟೇ ಪನ್ವೇಲ್​ನ ತಮ್ಮ ಜಮೀನಿನಲ್ಲಿ ಕೃಷಿ ಮಾಡುತ್ತಿರುವ ಫೋಟೋಗಳನ್ನು ಸೋಷಿಯಲ್​ ಮೀಡಿಯಾ ಮೂಲಕ ಪೋಸ್ಟ್​ ಮಾಡಿದ್ದರು. ಈಗ ಆ ಫೋಟೋಗಳು ಸಿಕ್ಕಾಪಟ್ಟೆ ಟ್ರೋಲ್​ ಆಗುತ್ತಿದ್ದು, ನೆಟ್ಟಿಗರು ಇದನ್ನೊಂದು ನಾಟಕ ಎಂದು ಕರೆದಿದ್ದಾರೆ.

ಇದನ್ನೂ ಓದಿ: ಹೆದರಿಸುವಂತ ಪಾತ್ರ ನನ್ನದು: ವಿಭಿನ್ನ ಅನುಭವ ಕೊಟ್ಟ ಭಜರಂಗಿ 2 ಬಗ್ಗೆ ಶ್ರುತಿ

ಲಾಕ್​ಡೌನ್​ ಶುರುವಾದಾಗಿನಿಂದಲೂ ಪನ್ವೇಲ್​ನ ತಮ್ಮ ಫಾರ್ಮ್​ ಹೌಸ್​ನಲ್ಲಿ ಬೀಡುಬಿಟ್ಟಿರುವ ಸಲ್ಮಾನ್, ಕೆಲವು ದಿನಗಳ ಹಿಂದೆ ಗದ್ದೆಯಲ್ಲಿ ಕೆಲಸ ಮಾಡುವ ಮತ್ತು ಮೈಯೆಲ್ಲಾ ಕೆಸರಾಗಿರುವ ಫೋಟೋಗಳನ್ನು ಶೇರ್​ ಮಾಡಿಕೊಂಡಿದ್ದರು. ಈ ಫೋಟೋಗೆ, ‘ಜೈ ಜವಾನ್​ ಜೈ ಕಿಸಾನ್​’ ಎಂಬ ಕ್ಯಾಪ್ಶನ್​ ನೀಡಿದ್ದ ಅವರು, ಈ ಮೂಲಕ ತಾವು ಕೃಷಿಯಲ್ಲಿ ತೊಡಗಿಸಿಕೊಂಡಿರುವುದಾಗಿ ಸೂಚಿಸಿದ್ದರು.

ಸಲ್ಮಾನ್​ ನಿಜಕ್ಕೂ ಕೃಷಿಯಲ್ಲಿ ಆಸಕ್ತರಾಗಿದ್ದಾರಾ ಅಥವಾ ಟೈಂಪಾಸ್​ಗೆಂದು ಕೃಷಿ ಮಾಡಿದರಾ ಎಂಬ ವಿಷಯ ಗೊತ್ತಿಲ್ಲ. ಆದರೆ, ಈ ಫೋಟೋಗಳನ್ನು ನೋಡಿರುವ ನೆಟ್ಟಿಗರು ಮಾತ್ರ ಸುಮ್ಮನೆ ಇಲ್ಲ. ಫೋಟೋವೊಂದರಲ್ಲಿ ಸಲ್ಮಾನ್​ ಮೈ ಮೇಲೆ ಕೆಸರನ್ನು ನೋಡಿರುವ ಕೆಲವರು, ಇದನ್ನು ಯಾರೋ ಫೋಟೋಗಾಗಿ ಹಚ್ಚಿದ್ದಾರೆ ಎಂದು ಆರೋಪಿಸಿದ್ದಾರೆ.

ಇನ್ನೂ ಕೆಲವರು, ಯಾವ ರೈತ ತನ್ನ ಹೊಲದಲ್ಲಿ ಕುಳಿತುಕೊಂಡು ಈ ತರಹ ಫೋಟೋ ಶೂಟ್​ ಮಾಡಿಸ್ಕೋತಾನೆ ಹೇಳಿ ಎಂದು ಪ್ರಶ್ನೆ ಕೇಳಿದರೆ, ಇನ್ನೊಬ್ಬರು, ತಾನು ಇದವುರೆಗೂ ಹಲವು ರೈತರನ್ನು ನೋಡಿದ್ದು, ಯಾರು ಸಹ ಮುಖಕ್ಕೆ ಕೆಸರು ಹೆಚ್ಚಿಕೊಳ್ಳುವುದಿಲ್ಲ, ಸಲ್ಮಾನ್​ ಮಾತ್ರ ಫೋಟೋಗಾಗಿ ಮುಖಕ್ಕೆ ಕೆಸರು ಹಚ್ಚಿಕೊಂಡಿದ್ದಾರೆ ಎಂದು ದೂರಿದ್ದಾರೆ.

ಇದನ್ನೂ ಓದಿ: ಲವ್ ಮಾಕ್​ಟೇಲ್ ತೆಲುಗು ರೀಮೆಕ್​ನಲ್ಲಿ ತಮನ್ನಾ

ಒಟ್ಟಿನಲ್ಲಿ ಸಲ್ಮಾನ್​ ಖಾನ್​ ಇನ್ನೊಂದು ವಿವಾದಕ್ಕೆ ಕಾರಣವಾಗಿದ್ದಾರೆ. ಇತ್ತೀಚೆಗಷ್ಟೇ ಸುಶಾಂತ್​ ಸಿಂಗ್​ ರಜಪೂತ್​ ಅವರ ಆತ್ಮಹತ್ಯೆಯ ವಿಚಾರವಾಗಿ, ಸೋಷಿಯಲ್​ ಮೀಡಿಯಾದಲ್ಲಿ ಸಲ್ಮಾನ್​ ಪರೋಕ್ಷ ಕಾರಣ ಎಂದು ಸುದ್ದಿಯಾಗಿ, ಆ ಕುರಿತು ಸಾಕಷ್ಟು ಛೀಮಾರಿಗೆ ಒಳಗಾಗಿದ್ದರು. ಈಗ ಮತ್ತೊಮ್ಮೆ ಫೋಟೋವೊಂದರ ಕಾರಣ, ಮತ್ತೊಮ್ಮೆ ವಿಲನ್​ ಆಗಿದ್ದಾರೆ. ಈ ತರಹ ಅದೆಷ್ಟು ವಿವಾದಗಳನ್ನು ಸಲ್ಮಾನ್​ ಮೈಮೇಲೆ ಎಳೆದುಕೊಂಡಿದ್ದಾರೋ ಲೆಕ್ಕ ಇಟ್ಟವರಿಲ್ಲ.

https://www.vijayavani.net/rekha-refuses-to-get-covid-test-done/