ಲಾಕ್ಡೌನ್ ಶುರುವಾದ ಮೇಲಿಂದ ‘ಗೋಲ್ಡನ್ ಸ್ಟಾರ್’ ಗಣೇಶ್ ಅಭಿಮಾನಿಗಳು ಬೇಸರಿಸಿಕೊಂಡಿದ್ದೇ ಹೆಚ್ಚು. ನೆಚ್ಚಿನ ನಟನಿಂದ ಸಿನಿಮಾ ವಿಚಾರವಾಗಿ ಏನಾದರೂ ಅಪ್ಡೇಟ್ ಬರುತ್ತದೆ ಎಂದು ಫ್ಯಾನ್ಸ್ ಕಾದಿದ್ದೇ ಬಂತು. ಆದರೆ, ಅವರ ಯಾವ ಸಿನಿಮಾ ತಂಡದಿಂದ ಏನು ನಡೆಯುತ್ತಿದೆ ಎಂಬ ಮಾಹಿತಿಯೂ ಹೊರಬಿದ್ದಿರಲಿಲ್ಲ. ಇದೀಗ ಅದೆಲ್ಲದಕ್ಕೂ ಉತ್ತರ ಎಂಬಂತೆ ‘ಸಖತ್’ ಸಿನಿಮಾ ತಂಡ, ಗಣೇಶ್ ಫ್ಯಾನ್ಸ್ಗೆ ಸರ್ಪ್ರೈಸ್ ನೀಡಲು ಮುಂದೆ ಬಂದಿದೆ.
ಇದನ್ನೂ ಓದಿ: ಸುದೀಪ್ ಆಯ್ತು ಈಗ ದರ್ಶನ್ ಸರದಿ: ದಚ್ಚು ವಾಸವಿರೋ ಅಪಾರ್ಟ್ಮೆಂಟ್ನಲ್ಲಿ ಕರೊನಾ ಪತ್ತೆ
ಏನದು ಉಡುಗೊರೆ? ಹೌದು, ಜುಲೈ 2ಕ್ಕೆ ‘ಗೋಲ್ಡನ್ ಸ್ಟಾರ್’ ಗಣೇಶ್ ಜನ್ಮದಿನ. ಆವತ್ತು ಸಿಂಪಲ್ ಸುನಿ ನಿರ್ದೇಶನದ ‘ಸಖತ’ ಚಿತ್ರದ ಮೋಷನ್ ಪೋಸ್ಟರ್ ಬಿಡುಗಡೆ ಆಗಲಿದೆ. ಈ ಖುಷಿಯ ವಿಚಾರವನ್ನು ಸ್ವತಃ ಸುನಿ ಟ್ವಿಟ್ ಮಾಡಿಕೊಂಡಿದ್ದು, ‘ಜುಲೈ2 ರಂದು ‘ಗೋಲ್ಡನ್ ಸ್ಟಾರ್ ಗಣೇಶ್’ ರವರ ಹುಟ್ಟುಹಬ್ಬದ ಪ್ರಯುಕ್ತ ‘ಸಖತ್’ ಚಿತ್ರದ #Rap ಮೋಷನ್ ಪೋಸ್ಟರ್ ಅನ್ನು ಬಿಡುಗಡೆಗೊಳಿಸಲಾಗುತ್ತದೆ. ಅಭಿಮಾನಿಗಳು ಜೊತೆಗಿರಬೇಕಾಗಿ ವಿನಂತಿ’ ಎಂದು ಹೇಳಿಕೊಂಡಿದ್ದಾರೆ.
ಜುಲೈ2 ರಂದು "ಗೋಲ್ಡನ್ ಸ್ಟಾರ್ ಗಣೇಶ್" ರವರ ಹುಟ್ಟುಹಬ್ಬದ ಪ್ರಯುಕ್ತ #ಸಖತ್ ಚಿತ್ರದ #Rap ಮೋಷನ್ ಪೋಸ್ಟರ್ ಅನ್ನು ಬಿಡುಗಡೆಗೊಳಿಸಲಾಗುತ್ತದೆ…
ಅಭಿಮಾನಿಗಳು ಜೊತೆಗಿರಬೇಕಾಗಿ ವಿನಂತಿ@Official_Ganesh @Surbhiactress @Sheelam55387743 #suprith #venkatsir #sakathmotionposter@GaneshFans— ಸುನಿ/SuNi (@SimpleSuni) June 24, 2020
ಇದನ್ನೂ ಓದಿ: ವಿಜಯ್ಗೆ ವಿಶೇಷ ರೀತಿಯಲ್ಲಿ ಹುಟ್ಟುಹಬ್ಬದ ಶುಭಾಶಯ ಹೇಳಿದ ಕೀರ್ತಿ!
ಇನ್ನು ಈಗಾಗಲೇ ಲಾಕ್ಡೌನ್ ಹೊತ್ತಲ್ಲೇ ಸಂಗೀತದ ಕೆಲಸಗಳನ್ನು ಮುಗಿಸಿಕೊಂಡಿರುವ ನಿರ್ದೇಶಕ ಸುನಿ ಮತ್ತು ಜೂಡಾ ಸ್ಯಾಂಡಿ, ಶೂಟಿಂಗ್ಗೆ ಅನುಮತಿಗಾಗಿ ಕಾಯುತ್ತಿದ್ದಾರೆ. ಇನ್ನು ಕೆವಿಎನ್ ಮತ್ತು ಸುಪ್ರಿತ್ ಬ್ಯಾನರ್ನಲ್ಲಿ ಸಿನಿಮಾ ನಿರ್ಮಾಣವಾಗಲಿದ್ದು, ಸೌತ್ ಚೆಲುವೆ ಸುರಭಿ ಮೊದಲ ಬಾರಿ ಸಖತ್ ಮೂಲಕ ಕನ್ನಡಕ್ಕೆ ಆಗಮಿಸುತ್ತಿದ್ದಾರೆ. ಸಂತೋಷ್ ರೈ ಪಾತಾಜೆ ಛಾಯಾಗ್ರಹಣ ಮಾಡಲಿದ್ದಾರೆ.