ಕಾಲಿವುಡ್ನ ಟಾಪ್ ಹೀರೋ ವಿಜಯ್, ಇತ್ತೀಚೆಗಷ್ಟೇ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಈ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳು ಮತ್ತು ಹಿತೈಷಿಗಳಷ್ಟೇ ಅಲ್ಲ, ಚಿತ್ರರಂಗದ ಹಲವು ಜನಪ್ರಿಯ ಸೆಲೆಬ್ರಿಟಿಗಳು ತಮ್ಮದೇ ರೀತಿಯಲ್ಲಿ ಶುಭ ಕೋರಿದ್ದಾರೆ.
ಇದನ್ನೂ ಓದಿ: ಸುಶಾಂತ್ ವ್ಯಕ್ತಿತ್ವ ಎಂಥದ್ದು ಎನ್ನುವುದಕ್ಕೆ ಲಾರೆನ್ ಗಾಟ್ಲೀಬ್ ನಡುವಿನ ವಾಟ್ಸ್ಆ್ಯಪ್ ಚಾಟ್ ಸಾಕ್ಷಿ
ಈ ಪೈಕಿ ಸಿಕ್ಕಾಪಟ್ಟೆ ವೈರಲ್ ಆಗಿರುವುದು ಮಹಾನಟಿ ಖ್ಯಾತಿಯ ಕೀರ್ತಿ ಸುರೇಶ್ ಅವರ ಶುಭಾಶಯ. ಒಳ್ಳೆಯ ನಟಿಯಷ್ಟೇ ಅಲ್ಲ, ಸಂಗೀತದಲ್ಲೂ ಸಾಕಷ್ಟು ಸಾಧನೆ ಮಾಡಿರುವ ಕೀರ್ತಿ, ವಿಜಯ್ ಅವರ ಹುಟ್ಟುಹಬ್ಬಕ್ಕೆ ಪಿಟೀಲು ನುಡಿಸುವ ಮೂಲಕ ಶುಭ ಕೋರಿದ್ದಾರೆ. ವಿಜಯ್ ಅಭಿನಯ್ ಮಾಸ್ಟರ್ ಚಿತ್ರದ ಹಾಡೊಂದನ್ನು ನುಡಿಸುವ ಮೂಲಕ ಕೀರ್ತಿ ಶುಭ ಕೋರಿದ್ದಾರೆ. ಒಂದೂವರೆ ನಿಮಿಷದ ಈ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡುವುದರ ಜತೆಗೆ, ಲೈಫ್ ಈಸ್ ವೆರಿ ಶಾರ್ಟ್ ನನ್ಬಾ, ಆಲ್ವೇಸ್ ಬೀ ಹ್ಯಾಪಿ ಎಂದು ಹೇಳಿದ್ದಾರೆ.
ಕೀರ್ತಿ ಅವರೇ ಹೇಳಿಕೊಂಡಂತೆ, ಅವರು ಬಾಲ್ಯದಿಂದಲೂ ವಿಜಯ್ ಅವರ ದೊಡ್ಡ ಅಭಿಮಾನಿಯಂತೆ. ಅಷ್ಟೇ ಅಲ್ಲ, ಅವರ ಜತೆಗೆ ಭೈರವ ಮತ್ತು ಸರ್ಕಾರ್ ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಹಾಗಾಗಿ ವಿಜಯ್ ಅವರ 46ನೇ ಹುಟ್ಟುಹಬ್ಬದ ಸಂದರ್ಭದಲ್ಲಿ, ತಮ್ಮ ಮೆಚ್ಚಿನ ನಟನಿಗೆ ವಿಶೇಷ ರೀತಿಯಲ್ಲಿ ಶುಭ ಕೋರಿದ್ದಾರೆ ಕೀರ್ತಿ.
ಇದನ್ನೂ ಓದಿ: ಬಿಹಾರದಲ್ಲಿ ಸಲ್ಮಾನ್ ಸಿನಿಮಾ ಬ್ಯಾನ್? ಸಿಡಿದೆದ್ದ ಸುಶಾಂತ್ ಅಭಿಮಾನಿಗಳು
ಇನ್ನು ವಿಜಯ್ ಅವರ ಈ ಹುಟ್ಟುಹಬ್ಬಕ್ಕೆ ಅವರ ಬಹುನಿರೀಕ್ಷಿತ ಚಿತ್ರವಾದ ಮಾಸ್ಟರ್ ಬಿಡುಗಡೆಯಾಗುತ್ತದೆ ಎಂದು ಹೇಳಲಾಗಿತ್ತು. ವಿಜಯ್ ಅವರ ಅಭಿಮಾನಿಗಳು ಸಹ, ಚಿತ್ರಕ್ಕೆ ಕುತೂಹಲದಿಂದ ಕಾಯುತ್ತಿದ್ದರು. ಆದರೆ, ವೈರಸ್ ಹರಡುವ ಭಯದಿಂದ, ಕೇಂದ್ರ ಸರ್ಕಾರವು ಚಿತ್ರಪ್ರದರ್ಶನಕ್ಕೆ ಬ್ರೇಕ್ ಹಾಕಿರುವುದರಿಂದ, ವಿಜಯ್ ಹುಟ್ಟುಹಬ್ಬಕ್ಕೆ ಯಾವುದೇ ಸಿನಿಮಾ ಬಿಡುಗಡೆಯಾಗಿಲ್ಲ.
ಸುದೀಪ್ ಆಯ್ತು ಈಗ ದರ್ಶನ್ ಸರದಿ: ದಚ್ಚು ವಾಸವಿರೋ ಅಪಾರ್ಟ್ಮೆಂಟ್ನಲ್ಲಿ ಕರೊನಾ ಪತ್ತೆ