VIDEO: ಟ್ರಾಫಿಕ್​ ಪೊಲೀಸ್​ನನ್ನೇ ಎಳೆದೊಯ್ದ ಕಾರುಚಾಲಕ- ಸಿಸಿಟಿವಿಯಲ್ಲಿ ಸೆರೆ

ನವದೆಹಲಿ: ಟ್ರಾಫಿಕ್​ ನಿಯಮ ಉಲ್ಲಂಘಿಸಿರುವ ಕಾರುಚಾಲಕನೊಬ್ಬ, ತನ್ನನ್ನು ತಡೆಯಲು ಬಂದ ಟ್ರಾಫಿಕ್​ ಪೊಲೀಸ್​ನನ್ನು ಕಾರಿನ ಬಾನೆಟ್​ ಮೇಲೆ ಎಳೆದೊಯ್ದಿರುವ ಭಯಾನಕ ಘಟನೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಡೆದಿದೆ.

ಆಲಂಕಾರಿಕ ನಂಬರ್‌ಪ್ಲೇಟ್ ಬಳಸುವುದನ್ನು ದೆಹಲಿಯಲ್ಲಿ ನಿಷೇಧಿಸಲಾಗಿದೆ. ಆದರೂ ಇಂಥ ನಂಬರ್​ ಪ್ಲೇಟ್​ ಒಂದು ಕಾರಿನಲ್ಲಿ ಕಾಣಿಸಿದೆ. ಆದ್ದರಿಂದ ಟ್ರಾಫಿಕ್​ ಪೊಲೀಸ್ ಕಾರನ್ನು ತಡೆಯಲು ಬಂದಿದ್ದಾನೆ. ಈ ಸಮಯದಲ್ಲಿ ಕಾರಿನಲ್ಲಿದ್ದ ಚಾಲಕ, ಕಾರು ನಿಲ್ಲಿಸದೇ ರಭಸದಿಂದ ಹೋಗಿದ್ದಾನೆ.

ಆಗ ಕಾರಿನ ಬಾನೆಟ್​ ಮೇಲೆ ಪೊಲೀಸ್​ ಬಿದ್ದುಬಿಟ್ಟಿದ್ದಾರೆ. ಆದರೂ ಬಿಡದ ಚಾಲಕ ಜನನಿಬಿಡ ಪ್ರದೇಶದಲ್ಲಿ ವೇಗವಾಗಿ ಕಾರನ್ನು ವಾಹನ ಚಲಾಯಿಸಿದ್ದಾನೆ.

ಇದರಿಂದಾಗಿ ‘ಸುಮಾರು 400 ಮೀಟರ್ ದೂರದವರೆಗೆ ಕಾರಿನ ಬಾನೆಟ್​ ಮೇಲೆ ಪೊಲೀಸ್​ ಎಳೆಯಲ್ಪಟ್ಟಿದ್ದಾರೆ.

ಉಳಿದ ಸವಾರರು ಇದನ್ನು ನೋಡುತ್ತಿದ್ದರೂ ಕಾರು ಸ್ಪೀಡ್​ನಲ್ಲಿ ಇರುವ ಕಾರಣ ಭಯದಿಂದ ಹೋಗುತ್ತಿರುವುದನ್ನು ಸಿಸಿಟಿವಿಯಲ್ಲಿ ಕಾಣಬಹುದಾಗಿದೆ. ಸುಮಾರು 400 ಮೀಟರ್ ಹೋದ ಮೇಲೆ ಆಯ ತಪ್ಪಿ ಟ್ರಾಫಿಕ್ ಪೊಲೀಸ್​ ಕೆಳಕ್ಕೆ ಬಿದ್ದಿದ್ದಾರೆ.

ಕಾಲು ಕಾರಿನ ಚಕ್ರದಲ್ಲಿ ಸಿಲುಕುವುದರಿಂದ ಸ್ವಲ್ಪದರಲ್ಲೇ ಪಾರಾಗಿರುವುದು ಈ ದೃಶ್ಯದಲ್ಲಿ ದಾಖಲಾಗಿದೆ. ಕಳೆದ ಸೋಮವಾರ ದಕ್ಷಿಣ ದೆಹಲಿಯ ಧೌಲಾ ಕುವಾನ್​ ಎಂಬಲ್ಲಿ ಘಟನೆ ನಡೆದಿದ್ದು, ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ. ಸಂಪೂರ್ಣ ದೃಶ್ಯ ಸಿಸಿಟಿವಿಯಲ್ಲಿ ದಾಖಲಾಗಿದೆ.

https://www.vijayavani.net/s-17years-old-girl-quarreled-with-parents-and-missing/

https://www.vijayavani.net/s-aged-man-in-freezer-overnight/

https://www.vijayavani.net/s-kerala-gold-smugling-case-davood/

https://www.vijayavani.net/s-husband-locked-wife-in-toilet/