ಇಲಿಗೆ ಸಿಕ್ಕಿತು ಪ್ರತಿಷ್ಠಿತ ಚಿನ್ನದ ಪದಕ, ಶೌರ್ಯ ಪ್ರಶಸ್ತಿ- ಇದರ ಸಾಹಸ ಏನು ಗೊತ್ತಾ?

ಕಾಂಬೋಡಿಯಾ: ಏನಾದರೊಂದು ಸಾಹಸ ಮಾಡಿದಾಗ ಕೇಂದ್ರ, ರಾಜ್ಯ ಸರ್ಕಾರಗಳಿಂದ ಶೌರ್ಯ ಪ್ರಶಸ್ತಿ ಸಿಗುವುದು ಮಾಮೂಲು. ಅದರಂತೆಯೇ ಸೇನೆಯಲ್ಲಿರುವ ಶ್ವಾನಗಳಿಗೂ ಈ ಪ್ರಶಸ್ತಿಗಳನ್ನು ಕೊಡುವುದುಂಟು.

ಆದರೆ. ಅಪರೂಪದ ಪ್ರಕರಣದಲ್ಲಿ ಇಲಿಗೆ ಶೌರ್ಯ ಪ್ರಶಸ್ತಿ ಜತೆಗೆ ಚಿನ್ನದ ಪದಕವನ್ನೂ ನೀಡಲಾಗಿದೆ.

ಇದು ನಡೆದಿರುವುದು ಕಾಂಬೋಡಿಯಾದಲ್ಲಿ. “ಜೀವ ಉಳಿಸುವ ಶೌರ್ಯ ಮತ್ತು ಕರ್ತವ್ಯದ ಭಕ್ತಿ” ಪ್ರಶಸ್ತಿಗೆ ಇಲಿ ಭಾಜನವಾಗಿದೆ.

ಅಂದಹಾಗೆ ಈ ಇಲಿಯ ಹೆಸರು ಮಗಾವಾ. ಆಫ್ರಿಕಾದ ದೈತ್ಯ ಪೌಚ್ ತಳಿಯ ಇಲಿ ಇದು. ಮನುಷ್ಯರಿಗೆ ಮೃಗಗಳನ್ನು ಪಳಗಿಸುವುದು ಎಂದರೆ ಹೊಸ ವಿಷಯ ಅಲ್ಲವಲ್ಲ. ಅದರಂತೆ ಇಲ್ಲಿ ಈ ತಳಿಯ ಇಲಿಯೊಂದನ್ನು ಪಳಗಿಸಲಾಗಿದ್ದು, ಅದಕ್ಕೆ ವಿಶೇಷ ತರಬೇತಿ ನೀಡಲಾಗಿದೆ.

ಅದೇನಂದರೆ ಇಲ್ಲಿ ಸ್ಫೋಟಕಗಳನ್ನು ಇರಿಸುವುದು ಮಾಮೂಲಾಗಿದೆ. ಈ ಇಲಿಯು 28 ನೆಲಬಾಂಬ್​ಗಳ ಸುಳಿವನ್ನು ನೀಡಿದ್ದರೆ, 39 ಬಾರಿ ಸ್ಫೋಟಕಗಳನ್ನು ಪತ್ತೆಹಚ್ಚಿವೆ. ಈ ಹಿನ್ನೆಲೆಯಲ್ಲಿ ಎಚ್ಚೆತ್ತುಕೊಂಡ ಜನರು ಮುಂಜಾಗರೂಕತೆ ವಹಿಸಿದ್ದರಿಂದ ಅಪಾರ ಪ್ರಮಾಣ ಸಾವುನೋವು ಕಡಿಮೆಯಾಗಿದೆ ಎಂದು ಮೂಲಗಳು ಹೇಳಿವೆ.

ಇದನ್ನೂ ಓದಿ: ವಿರಾಟ್​ ಕೊಹ್ಲಿ ಕುರಿತು ಅಸಭ್ಯ ಕಮೆಂಟ್​: ಸುನಿಲ್​ ಗಾವಸ್ಕರ್​ ವಿರುದ್ಧ ಭುಗಿಲೆದ್ದ ಆಕ್ರೋಶ

ಸ್ಫೋಟಕಗಳೊಳಗಿನ ರಾಸಾಯನಿಕ ಸಂಯುಕ್ತವನ್ನು ಕಂಡುಹಿಡಿಯಲು ಇಲಿಗಳಿಗೆ ತರಬೇತಿ ನೀಡಲಾಗುತ್ತದೆ ಮತ್ತು ಪ್ರಮಾಣೀಕರಿಸುವ ಮೊದಲು ಒಂದು ವರ್ಷದ ತರಬೇತಿಯ ಅಗತ್ಯವಿರುತ್ತದೆ. ಈ ತರಬೇತಿಯನ್ನು ಅಪೋಪೋ ಸಂಸ್ಥೆ ಮಗಾವಾ ಇಲಿಗೆ ನೀಡಿದ್ದು, ಅದು ಸಾಕಷ್ಟು ಪರಿಣತಿ ಪಡೆದಿದೆ. ಈ ಇಲಿಗೆ ಏಳು ವರ್ಷಗಳಾಗಿದ್ದು, ಕೆಲ ವರ್ಷಗಳಿಂದ ಬಾಂಬ್​ ಪತ್ತೆಯನ್ನು ಮಾಡಲು ಇದನ್ನು ಬಳಸಿಕೊಳ್ಳಲಾಗುತ್ತದೆ ಎಂದು ಸಂಸ್ಥೆ ಹೇಳಿದೆ.

ಒಂದು ಟೆನ್ನಿಸ್​ ಕೋರ್ಟ್​ನಷ್ಟು ಜಾಗದಲ್ಲಿ ನೆಲಬಾಂಬ್​ಗಳನ್ನು ಇಟ್ಟರೆ, ಅದನ್ನು ಡಿಟೆಕ್ಟರ್​ ಮೂಲಕ ಕಂಡುಹಿಡಿಯಲು ಮೂರ್ನಾಲ್ಕು ದಿನಗಳು ಬೇಕಾಗಬಹುದು. ಆದರೆ ಈ ಇಲಿಯು ಕೇವಲ 20 ನಿಮಿಷದಲ್ಲಿ ಸಂಪೂರ್ಣ ಚೆಕ್​ ಮಾಡಿ ಬಾಂಬ್​ ಇರುವಿಕೆ ಸ್ಥಳವನ್ನು ಪತ್ತೆಹಚ್ಚಬಲ್ಲುದು ಎನ್ನುತ್ತಾರೆ ಅಪೋಪೊ ಸಂಸ್ಥೆಯ ತರಬೇತುದಾರರು.

https://www.vijayavani.net/s-9-year-old-boy-shoots-dead-aunt/

https://www.vijayavani.net/s-reffel-jet-first-woman-shivangi/

https://www.vijayavani.net/s-ecretly-filmed-in-school-toilet-blackmailed/

https://www.vijayavani.net/s-man-swallows-toothbrush-while-brushing-undergoes-surgery/