ಕ್ಯಾಲಿಫೋರ್ನಿಯಾ: ಒಂದೇ ಗಂಟೆಗೆ ನೂರಾರು ಕೋಟಿ ರೂಪಾಯಿ ಒಡೆಯನಾಗುವುದಾದರೆ ಏನು ಬೇಕಾದರೂ ಮಾಡುವಿರಾ? ಎಂದು ಯಾರಾದರೂ ಪ್ರಶ್ನೆ ಕೇಳಿದರೆ, ಥಟ್ಟನೆ ಹಾಂ ಎಂದು ಹೇಳುವವರೇ ಹೆಚ್ಚು. ನೀವೂ ಹಾಗೆ ಹೇಳಿದ್ದೇ ಹೌದಾದರೆ ಇಲ್ಲೊಂದು ಚಾಲೆಂಜ್ ನಿಮಗಿದೆ ನೋಡಿ.
ಈ ಫೋಟೋ ನೋಡಿಯೇ ನಿಮಗೆ ಷಾಕ್ ಆಗಿರಲಿಕ್ಕೆ ಸಾಕು ಅಥವಾ ಫೋಟೋ ನೋಡಿಯೇ ಇಲ್ಲಪ್ಪಾ ಇಲ್ಲ… ಸಾವಿರ ಕೋಟಿ ರೂಪಾಯಿ ಕೊಟ್ಟರೂ ಅದು ನನಗೆ ಬೇಡ ಎನ್ನಲಿಕ್ಕೂ ಸಾಕು. ಫೋಟೋ ನೋಡಿಯೇ ಹೀಗೆಂದುಕೊಂಡಿದ್ದರೆ ಒಮ್ಮೆ ಈ ಕೆಳಗಿರುವ ವಿಡಿಯೋನೂ ನೋಡಿಬಿಡಿ. ಎದೆ ಧಸಕ್ಕೆನ್ನದೇ ಇರಲಾರದು!
ಇಂಥದ್ದೊಂದು ಭಯಾನಕ ಧೈರ್ಯಶಾಲಿಗಳ ಇರುವುದು ಕ್ಯಾಲಿಫೋರ್ನಿಯಾದ ಸರೀಸೃಪ ಮೃಗಾಲಯದಲ್ಲಿ. ಭಾರೀ ಗಾತ್ರದ, ವಿಷಪೂರಿತ ಹಾವುಗಳ ರಾಶಿ ಮಧ್ಯೆ ಯಾವುದೇ ಅಳುಕೂ ಇಲ್ಲದೇ ವ್ಯಕ್ತಿಯೊಬ್ಬ ಧೈರ್ಯದಿಂದ ಕುಳಿತುಕೊಂಡು ಮಾತನಾಡುತ್ತಿದ್ದಾನೆ.
CAN YOU SPEND 1 HOUR INSIDE HERE FOR 50 MILLION DOLLARS??? pic.twitter.com/WP8Rt4rT6W
— Aqualady𓃤 𓅇 𓅋 𓆘 (@Aqualady6666) February 3, 2021
ಕಳೆದ ವರ್ಷದ ಈ ವಿಡಿಯೋ ಇದೀಗ ಮತ್ತೆ ಶೇರ್ ಆಗುತ್ತಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗುತ್ತಿದೆ. ಇಂಥದ್ದೊಂದು ಸಾಹಸಿ ಮೃಗಾಲಯದ ಸಂಸ್ಥಾಪಕ ಜೇ ಬ್ರೂಯರ್. ನೂರಾರು ಹಾವುಗಳ ಮಧ್ಯೆ ಕುಳಿತು ಆರಾಮಾಗಿ ಈತ ‘ನಾನು ಹಾವುಗಳ ಮಧ್ಯೆ ಸಿಲುಕಿಕೊಂಡಿದ್ದೇನೆ’ ಎಂದು ಹೇಳಿಕೊಳ್ಳುತ್ತಾನೆ.
ಈ ವಿಡಿಯೋ ಅನ್ನು ಶೇರ್ ಮಾಡಿರುವ ಟ್ವಿಟರ್ ಖಾತೆದಾರರೊಬ್ಬರು ನೀವೂ ಏನಾದರೂ ಹೀಗೆಯೇ ಹಾವುಗಳ ಮಧ್ಯೆ ಕುಳಿತುಕೊಂಡರೆ ನಾನು 50 ಮಿಲಿಯನ್ ಡಾಲರ್ (ಸುಮಾರು 365 ಕೋಟಿ ರೂಪಾಯಿ) ನೀಡುವುದಾಗಿ ಚಾಲೆಂಜ್ ಮಾಡಿದ್ದಾರೆ. 12 ಸೆಕೆಂಡ್ ಇರುವ ಈ ವೀಡಿಯೋ ನೋಡಿ ನೀವೂ ಡಿಸೈಡ್ ಮಾಡಬಹುದು!
ರೈತರ ಹೋರಾಟಕ್ಕೆ ಬೆಂಬಲ ಸೂಚಿಸಿ ‘ಯದುವೀರ್ ಒಡೆಯರ್’ ಟ್ವೀಟ್- ಆದರೆ ಅಸಲಿಯತ್ತೇ ಬೇರೆ!
ಪಾಕಿಸ್ತಾನಕ್ಕೆ ಮರ್ಮಾಘಾತ! ನಡೆಯಿತು ಇನ್ನೊಂದು ಸರ್ಜಿಕಲ್ ಸ್ಟ್ರೈಕ್- ಉಗ್ರರ ನೆಲೆ ಮೇಲೆ ಯಶಸ್ವಿ ದಾಳಿ