IPL 2023| ಬ್ಯಾಟ್ಸ್​ಮ್ಯಾನ್​-ಬೌಲರ್​ಗಳ ಸಂಘಟಿತ ಪ್ರದರ್ಶನ; RCBಗೆ 112ರನ್​ ಜಯ

ಜೋಧ್​ಪುರ್​: ಬೌಲರ್​ಗಳ ಸಂಘಟಿತ ದಾಳಿಯ ಫಲವಾಗಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ರಾಜಸ್ಥಾನ ರಾಯಲ್ಸ್​ ವಿರುದ್ಧ 112ರನ್​ಗಳ ಜಯ ಗಳಿಸಿದೆ.

ಜೋಧ್​ಪುರದ ಸವಾಯಿ ಮಾನ್​ಸಿಂಗ್​ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಆರ್​ಸಿಬಿ ತಂಡವು 20 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 171ರನ್​ ಗಳಿಸಿತ್ತು.

ಆಧರಿಸಿದ ಪ್ಲೆಸಿಸ್​-ಮ್ಯಾಕ್ಸ್​ವೆಲ್​

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ದುಕೊಂಡ ಬೆಂಗಳೂರು ತಂಡಕ್ಕೆ ನಾಯಕ ಫಾಪ್​ ಡು ಪ್ಲೆಸಿಸ್​(55 ರನ್​, 44 ಎಸೆತ, 3 ಬೌಂಡರಿ, 2 ಸಿಕ್ಸರ್​), ಗ್ಲೆನ್​ ಮ್ಯಾಕ್ಸ್​ವೆಲ್​(54 ರನ್​, 33 ಎಸೆತ, 5 ಬೌಂಡರಿ, 3 ಸಿಕ್ಸರ್​), ಅನುಜ್​ ರಾವತ್​(29 ರನ್​, 11 ಎಸೆತ, 3 ಬೌಂಡರಿ, 2 ಸಿಕ್ಸರ್​) ಬಿರುಸಿನ ಆಟದ ಫಲವಾಗಿ ನಿಗದಿತ 20 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 171ರನ್​ ಗಳಿಸಿತ್ತು.

ರಾಜಸ್ಥಾನ ಪರ ಆ್ಯಡಂ ಜಂಪಾ(4-0-25-2), ಕೆ.ಎಂ. ಆಸಿಫ್​(4-0-42-2), ಸಂದೀಪ್​ ಶರ್ಮಾ(4-0-34-1), ಯಜುವೇಂದ್ರ ಚಹಲ್​(4-0-37-0), ಆರ್​. ಅಶ್ವಿನ್​(4-0-33-0) ರನ್​ ನೀಡಿ ವಿಕೆಟ್​ ಪಡೆದಿದ್ದಾರೆ.

ಇದನ್ನೂ ಓದಿ: ಸುರಪುರ ಬಿಜೆಪಿ ಅಭ್ಯರ್ಥಿ ಪರಾಜಿತ; ಕೋಮಾಗೆ ಜಾರಿದ ಮುಖಂಡ

ಬೌಲರ್​ಗಳ ಸಂಘಟಿತ ದಾಳಿ

ಗುರಿ ಬೆನ್ನತ್ತಿದ್ದ ರಾಜಸ್ಥಾನ ರಾಯಲ್ಸ್​ ತಂಡಕ್ಕೆ ಆರ್​ಸಿಬಿ ಬೌಲರ್​ಗಳು ಬಿಟ್ಟು ಬಿಡದಂತೆ ಕಾಡಿದರು. ಶಿಮ್ರೋನ್​ ಹೆಟ್ಮೆಯರ್​(35 ರನ್​, 19 ಎಸೆತ, 1 ಬೌಂಡರಿ, 4 ಸಿಕ್ಸರ್​) ರಾಜಸ್ಥಾನ ತಂಡಕ್ಕೆ ಅಲ್ಪ ಚೇತರಿಕೆ ನೀಡಿದರೂ ಸಹ ಆರ್​ಸಿಬಿ ಬೌಲರ್​ಗಳ ಸಂಘಟಿತ ದಾಳಿಗೆ ನಲುಗಿದ ತಂಡವು 59ರನ್​ಗಳಿಗೆ ಸರ್ವಪತನವಾಯಿತು.

ಬೆಂಗಳೂರು ಪರ ವೇಯ್ನ್​ ಪಾರ್ನೆಲ್​(3-0-10-3), ಮೈಕೆಲ್​ ಬ್ರೇಸ್​ವೆಲ್​(3-0-16-2), ಮೊಹಮ್ಮದ್​ ಸಿರಾಜ್​(2-0-10-1), ಗ್ಲೆನ್​ ಮ್ಯಾಕ್ಸ್​ವೆಲ್​(1-0-3-1), ಕರ್ಣ್​ ಶರ್ಮಾ(1.3-0-19-2) ರನ್​ ನೀಡಿ ವಿಕೆಟ್​ ಪಡೆದಿದ್ಧಾರೆ.

https://www.vijayavani.net/teen-fakes-kidnapping-to-avoid-being-scolded

https://www.vijayavani.net/bjp-experiment-people-to-vote-opposite