ಬ್ಯಾಕ್​ ಟು ಬ್ಯಾಕ್​ 5 ಸಿಕ್ಸರ್​ ಸಿಡಿಸಿದ RCB ಆಟಗಾರ: ವಿಲ್​ ಜ್ಯಾಕ್ಸ್​ ಐಪಿಎಲ್​ನಲ್ಲಿ ಏಕೆ ಆಡಲಿಲ್ಲ?

ನವದೆಹಲಿ: ಇಂಗ್ಲೆಂಡ್​ ತಂಡದ ಆಲ್​ರೌಂಡರ್​ ಆಟಗಾರ ವಿಲ್​ ಜ್ಯಾಕ್ಸ್ ಟಿ20 ಬ್ಲ್ಯಾಸ್ಟ್​ ಟೂರ್ನಿಯಲ್ಲಿ ತಮ್ಮ ಅಬ್ಬರದ ಬ್ಯಾಟಿಂಗ್​ ಪ್ರದರ್ಶನ ಮಾಡುವ ಮೂಲಕ ಕ್ರೀಡಾಭಿಮಾನಿಗಳ ಗಮನ ಸೆಳೆದಿದ್ದಾರೆ.

ಗುರುವಾರ ನಡೆದ ಪಂದ್ಯದಲ್ಲಿ ಸರ್ರೆ ತಂಡದ ವಿಲ್​ ಜ್ಯಾಕ್ಸ್​ ಎದುರಾಳಿ ಮಿಡಲ್​ಸೆಕ್ಸ್​ ತಂಡದ ವಿರುದ್ಧ ಒಂದೇ ಓವರ್​ನಲ್ಲಿ 5 ಸಿಕ್ಸರ್​ ಬಾರಿಸಿದರು. ಗಮನಿಸಬೇಕಾದ ಸಂಗತಿ ಏನೆಂದರೆ, ಇತ್ತೀಚೆಗಷ್ಟೇ ಮುಗಿದ ಇಂಡಿಯನ್​ ಪ್ರೀಮಿಯರ್​ ಲೀಗ್​ (ಐಪಿಎಲ್​) ತಂಡದಲ್ಲಿ ವಿಲ್​ ಜ್ಯಾಕ್ಸ್​ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (ಆರ್​ಸಿಬಿ) ತಂಡದಲ್ಲಿದ್ದರು. ಆದರೆ, ಗಾಯದ ಸಮಸ್ಯೆಯಿಂದಾಗಿ ಆರ್​ಸಿಬಿ ತಂಡಕ್ಕೆ ಅಲಭ್ಯರಾಗಿದ್ದು ನಿಜಕ್ಕೂ ದುರಾದೃಷ್ಟವೇ ಸರಿ.

ಇದನ್ನೂ ಓದಿ: ಜಲಾಂತರ್ಗಾಮಿ ನೌಕೆಯಲ್ಲಿದ್ದ ಐವರು ದುರಂತ ಅಂತ್ಯ: ಸಾವಿಗೆ ಆಮ್ಲಜನಕ ಕೊರತೆ ಕಾರಣವಲ್ಲ, ಇಲ್ಲಿದೆ ಪೂರ್ಣ ಮಾಹಿತಿ…

ಮಿಡಲ್​ಸೆಕ್ಸ್​ ತಂಡದ ಲ್ಯೂಕ್​ ಹೊಲಮ್ಯಾನ್​ ಎಸೆದ 11ನೇ ಓವರ್​ನಲ್ಲಿ ವಿಲ್​ ಜ್ಯಾಕ್ಸ್​ ಸತತ 5 ಸಿಕ್ಸರ್​ ಬಾರಿಸಿದರ. ಆರನೇ ಎಸೆತವೂ ಕೂಡ ಸಿಕ್ಸರ್​ ಆಗುವ ಸಾಧ್ಯತೆ ಇತ್ತು. ಆದರೆ, ಹೈಪುಲ್​ ಟಾಸ್​ ಬಾಲ್​ ಆದ್ದರಿಂದ ಟೈಮಿಂಗ್​ ಸರಿಹೊಂದಲಿಲ್ಲ. ಒಂದು ವೇಳೆ ಆರು ಸಿಕ್ಸರ್​ ಬಾರಿಸಿದ್ದರೆ, ಟೀಂ ಇಂಡಿಯಾದ ಮಾಜಿ ಆಲ್​ರೌಂಡರ್​ ಯುವರಾಜ್​ ಸಿಂಗ್​ ಮತ್ತು ದಕ್ಷಿಣ ಆಫ್ರಿಕಾದ ಮಾಜಿ ಕ್ರಿಕೆಟಿಗ ಹರ್ಷಲ್​ ಗಿಬ್ಸ್​ ಸಾಲಿಗೆ ಜ್ಯಾಕ್ಸ್​ ಕೂಡ ಸೇರಿಕೊಳ್ಳುತ್ತಿದ್ದರು.

ಕೊನೆಯ ಎಸೆತದಲ್ಲಿ ಸಿಕ್ಸರ್​ ಮಿಸ್​ ಆಗಿದ್ದಕ್ಕೆ ಜ್ಯಾಕ್ಸ್​​ ಕೂಡ ಬೇಸರಗೊಂಡರು. ಇತಿಹಾಸ ಪುಟ ಸೇರುವ ಅದೃಷ್ಟ ಒಂದು ಎಸೆತದಲ್ಲಿ ಕೈತಪ್ಪಿತು.

ಅಂದಹಾಗೆ ಕಳೆದ ಡಿಸೆಂಬರ್​ನಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ವಿಲ್​ ಜ್ಯಾಕ್​ ಅವರನ್ನು ಆರ್​ಸಿಬಿ ತಂಡ 3.2 ಕೋಟಿ ರೂಪಾಯಿಗೆ ಖರೀದಿಸಿದೆ. ಆದರೆ, ಈ ವರ್ಷದ ಆರಂಭದಲ್ಲಿ ಬಾಂಗ್ಲಾದೇಶದ ಮಿರ್ಪೂರ್​ನಲ್ಲಿ ಬಾಂಗ್ಲಾ ವಿರುದ್ಧ ನಡೆದ ಎರಡನೇ ಏಕದಿನ ಪಂದ್ಯದ ವೇಳೆ ಇಂಗ್ಲೆಂಡ್ ಆಟಗಾರ ವಿಲ್​ ಜ್ಯಾಕ್ಸ್​ ಗಾಯಗೊಂಡರು. ಈ ಹಿನ್ನೆಲೆಯಲ್ಲಿ ಜ್ಯಾಕ್ಸ್​ ಐಪಿಎಲ್​ ಆಡಲು ಸಾಧ್ಯವಾಗಲಿಲ್ಲ.

ಇದನ್ನು ಓದಿ: ಮೆಟ್ರೋ ಪಿಲ್ಲರ್ ಕುಸಿದು ತಾಯಿ-ಮಗ ಸಾವು ಪ್ರಕರಣ: 1100 ಪುಟಗಳ ಚಾರ್ಜ್​ಶೀಟ್ ಸಲ್ಲಿಕೆ, 11 ಮಂದಿ ವಿರುದ್ಧ ಆರೋಪ

ಪಂದ್ಯದ ಫಲಿತಾಂಶ

ಇನ್ನೂ ಪಂದ್ಯದ ವಿಚಾರಕ್ಕೆ ಬಂದರೆ, ಓವಲ್​ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್​ ಮಾಡಿದ ಸರ್ರೆ ತಂಡ ಲೌರಿ ಇವಾನ್ಸ್​ (37ಕ್ಕೆ 85 ರನ್​) ಅವರ ಅಬ್ಬರದ ಬ್ಯಾಟಿಂಗ್​ ನೆರವಿನೊಂದಿಗೆ 20 ಓವರ್​ಗಳಲ್ಲಿ 7 ವಿಕೆಟ್​ ನಷ್ಟಕ್ಕೆ 252 ರನ್​ ಗಳಿಸಿತು. ಬೃಹತ್​ ಮೊತ್ತದ ಗುರಿ ಬೆನ್ನತ್ತಿದ ಮಿಡಲ್​ಸೆಕ್ಸ್​ ತಂಡ 19.2 ಓವರ್​ಗಳಲ್ಲಿ ಗುರಿ ಮುಟ್ಟುವ ಮೂಲಕ ಗೆಲುವಿನ ನಗೆ ಬೀರಿತು. (ಏಜೆನ್ಸೀಸ್​)

https://www.vijayavani.net/when-india-grows-whole-world-grows-pm-modi-tells-us-congress

https://www.vijayavani.net/shock-to-people-hotel-associations-are-plannig-to-hike-price