'ಶಾಂತಿ ಕ್ರಾಂತಿ' ಮಾಡಿ 10 ಕೋಟಿ ರೂ. ಕಳ್ಕೊಂಡೆ​! ಆಗ ಅಪ್ಪನಿಗೆ ಒಂದು ಮಾತು ಕೊಟ್ಟೆ…..: ವಿ. ರವಿಚಂದ್ರನ್

ಕೊಪ್ಪಳ: ಕೊಪ್ಪಳದ ಕನಕಗಿರಿ ಉತ್ಸವದಲ್ಲಿ ಭಾಗಿಯಾಗಿ ವೇದಿಕೆ ಮೇಲೆ ಮಾತನಾಡಿದ ಕನ್ನಡ ಚಿತ್ರರಂಗದ ನಟ, ನಿರ್ದೇಶಕ ಕ್ರೇಜಿಸ್ಟಾರ್ ವಿ. ರವಿಚಂದ್ರನ್​, 80ರ ದಶಕದಲ್ಲೇ ಸೂಪರ್​ಡೂಪರ್​ ಹಿಟ್ ಆದ 'ಪ್ರೇಮಲೋಕ' ಸಿನಿಮಾದ ಮುಂದುವರಿದ ಭಾಗದ ಚಿತ್ರೀಕರಣ ಶೀಘ್ರದಲ್ಲೇ ಪ್ರಾರಂಭ ಮಾಡುವುದಾಗಿ ತಿಳಿಸಿದರು. ಇನ್ನು ವಿಶೇಷವಾಗಿ ಇದೇ ಮೇ. 30ರಂದು ಸಿನಿಮಾ ಪ್ರಾರಂಭಿಸುತ್ತೇನೆ ಎಂದು ದೃಢಪಡಿಸಿದರು.

ಇದನ್ನೂ ಓದಿ: ಆಯ್ದ ಕ್ಷೇತ್ರಗಳಿಗೆ ಏಕೈಕ ಹೆಸರು: 1012 ಕ್ಷೇತ್ರಗಳಿಗೆ 3-4 ಆಕಾಂಕ್ಷಿತರು, ಬಿಜೆಪಿ ಸಮಾಧಾನದ ನಿಲುವು

"ಪ್ರೇಮಲೋಕ 2' ಬಗ್ಗೆ ಲವಲವಿಕೆಯಿಂದ ಮಾತನಾಡಿದ ಕ್ರೇಜಿಸ್ಟಾರ್ ವಿ. ರವಿಚಂದ್ರನ್, "1886ರಲ್ಲಿ ನನ್ನ ವೇಗವನ್ನು ತಡೆಯಲು ಆಗ್ತಿರಲಿಲ್ಲ. 86ರಲ್ಲಿ ಪ್ರೇಮಲೋಕ ಪ್ರಾರಂಭಿಸಿ, 87ರಲ್ಲಿ ಮುಗಿಸಿದೆ. ಇದರ ಹಿಂದೆಯೇ ಶಾಂತಿ-ಕ್ರಾಂತಿ ಮಾಡಿದೆ. ನಾಲ್ಕು ಭಾಷೆಯಲ್ಲಿ ರಿಲೀಸ್ ಮಾಡಿದ ಈ ಚಿತ್ರಕ್ಕಾಗಿ 10 ದಿನಗಳ ಚಿತ್ರೀಕರಣ ಮುಗಿಸಿದೆ. ಯಾಕೋ ಮಧ್ಯೆದಲ್ಲಿ ಅನಿಸಿತು ಇದು ಕೈತಪ್ತಿದೆ, ಸರಿಹೋಗುತ್ತಿಲ್ಲ ಎಂದು ನನ್ನ ತಂದೆಗೆ ತಿಳಿಸಿದೆ. ಆಗ ಅವರು ಯಾವುದೇ ಕಾರಣಕ್ಕೂ ನಿಲ್ಲಿಸಬೇಡ, ಮುಂದುವರೆಸು" ಎಂದರು.

"ಜನರಿಗೆ ಮೋಸ ಮಾಡಬಾರದು. ಸಿನಿಮಾ ಶುರು ಮಾಡಿದ್ಯಾ, ಮುಗಿಸು. ನಿನ್ನ ನಂಬಿ ರಜನಿಕಾಂತ್, ನಾಗುರ್ಜನ್​ ಡೇಟ್​​ ಕೊಟ್ಟಿದ್ದಾರೆ. ಯಾವುದೇ ಕಾರಣಕ್ಕೂ ಇಟ್ಟ ಹೆಜ್ಜೆ ಹಿಂದೆ ಇಡಬೇಡ" ಎಂದು ನಮ್ಮ ತಂದೆ ಹೇಳಿದರು. ಈ ಸಿನಿಮಾ ನಾವು ಅಂದುಕೊಂಡಂತೆ ಆಗೋದಿಲ್ಲ ಅಂತ ಗೊತ್ತಿದ್ರು ಮುಗಿಸಿದೆ. ಆಗ 10 ಕೋಟಿ ರೂ. ಕಳೆದುಕೊಂಡೆ. ಅಂದು ನಾನು ಮಾಡಿದ ಅಷ್ಟು ಸಂಪಾದನೆಯನ್ನೇ ಕಳ್ಕೊಂಡೆ ಎಂದು ಹೇಳಿದರು.

ಇದನ್ನೂ ಓದಿ: IPL 2024: ಕ್ಯಾಪ್ಟನ್ ಸ್ಥಾನ ತ್ಯಜಿಸಿದ್ರಾ ಧೋನಿ? ಇನ್ಮುಂದೆ ಮಾಹಿ ಪಾತ್ರವೇ ಬೇರೆ!

"ಸಿನಿಮಾ ನೋಡಿದ ನಮ್ಮ ತಂದೆ ಆಗ ಆಸ್ಪತ್ರೆಯಲ್ಲಿದ್ದರು. ಆದ್ರೂ ಶಾಂತಿ-ಕ್ರಾಂತಿ ತೋರಿಸಿದೆ. ನಿನ್ನ ತಪ್ಪು ನಿನಗೆ ಗೊತ್ತಾದರೆ, ನೀನು ಮುಂದೆ ಬೆಳೆವಣಿಗೆ ನೋಡ್ತ್ಯಾ. ಆದ್ರೂ ನೀನೊಬ್ಬ ಒಳ್ಳೆಯ ನಿರ್ದೇಶಕ ಕಣೋ ಎಂದರು. ಆ ಕ್ಷಣವೇ ನಾನು ನಮ್ಮ ಅಪ್ಪನಿಗೆ ಒಂದು ಮಾತು ಕೊಟ್ಟೆ, ನನ್ನ ಸೋಲು ನೋಡಿ, ಅವರನ್ನು ಅಳುತ್ತ ಕಳಿಸಿಕೊಡಬಾರದು ಎಂದು ನಿರ್ಧರಿಸಿ, 'ರಾಮಾಚಾರಿ' ಮಾಡಿ, ಸಕಸ್ಸ್ ಕಂಡೆ. ಅದನ್ನು ತಂದೆಗೆ ತೋರಿಸಿ, ಅವರನ್ನು ಖುಷಿಯಿಂದಲೇ ಕಳಿಸಿಕೊಟ್ಟೆ" ಎಂದು ರವಿಚಂದ್ರನ್ ಹೇಳಿದರು.

https://www.vijayavani.net/dhoni-cryptic-post-gives-a-hint

https://www.vijayavani.net/woman-marries-unemployed-lover-a-week-before-her-marriage