ಆ ಆಸೆ ಈಡೇರದೆ ಹೋದರೂ ಸಹ ಕನಿಷ್ಠ ಉದ್ಯೋಗದಲ್ಲಿದ್ದಾನೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳುತ್ತಾರೆ. ಕೆಲಸ ಮಾಡುತ್ತಿದ್ದಾರೆ ಓಕೆ ತೊಂದರೆಯಿಲ್ಲ, ಹುಡುಗ ಒಳ್ಳೆಯವನ್ನೇ ನಮ್ಮ ಮಗಳನ್ನು ನೋಡಿಕೊಳ್ಳುತ್ತಾನೆ ಎಂದೆಲ್ಲಾ ಪೋಷಕರು ಲೆಕ್ಕಾಚಾರ ಹಾಕಿಕೊಳ್ಳುತ್ತಾರೆ. ಆದರೆ, ಉದ್ಯೋಗವಿಲ್ಲದೇ ಸದ್ಯಕ್ಕೆ ಖಾಲಿ ಕೂತ್ತಿದ್ದಾರೆ ಅಂದರೂ, ಖಂಡಿತವಾಗಿ ಯಾರು ತಮ್ಮ ಮಗಳನ್ನು ಧಾರೆ ಎರೆದು ಕೊಡಲು ಮುಂದೆ ಬರುವುದಿರಲಿ, ಅವರತ್ತ ತಿರುಗಿಯೂ ಸಹ ನೋಡೋದಿಲ್ಲ. ಇಂತಹ ಕಾಲಘಟ್ಟದಲ್ಲಿ ಮಹಿಳೆಯೊಬ್ಬಳು ಒಳ್ಳೆಯ ಕೆಲಸ, ಕುಟುಂಬದವರು ನಿಶ್ಚಯಿಸಿದ್ದ ವರನನ್ನು ತೊರೆದು ನಿರುದ್ಯೋಗಿಯಾಗಿದ್ದ ಯುವಕನ ಕೈಹಿಡಿದ ಅಚ್ಚರಿ ಘಟನೆಯೊಂದು ಸದ್ಯ ಬೆಳಕಿಗೆ ಬಂದಿದೆ.
