ಪಟನಾ: ಬಿಹಾರದ ಬರೌನಿ ಪೋಲೀಸ್ ಠಾಣೆಯ ಸಬ್ ಇನ್ಸ್ಪೆಕ್ಟರ್ ಪ್ರೀತಿ ಶರ್ಮಾ ಎಂಬುವರು ಆತ್ಮಹತ್ಯೆಗೆ ಶರಣಾಗಿರುವುದು ಸ್ಥಳೀಯವಾಗಿ ಭಾರೀ ಚರ್ಚೆಯಾಗುತ್ತಿದೆ.
ಸಾಕಷ್ಟು ಮಾತ್ರೆ ಸೇವಿಸಿ ನಿತ್ರಾಣ ಸ್ಥಿತಿಯಲ್ಲಿದ್ದ ಪ್ರೀತಿ ಅವರನ್ನು ಆಸ್ಪತ್ರೆಗೆ ದಾಖಲಿಸಿದಾದರೂ ಚಿಕಿತ್ಸೆಗೆ ಸ್ಪಂದಿಸಿದೇ ಪ್ರೀತಿ ಕೊನೆಯುಸಿರೆಳೆದಿದ್ದಾರೆ. ಪ್ರೀತಿ 2018ನೇ ಬ್ಯಾಚ್ನ ಬಿಹಾರ ಪೊಲೀಸ್ ಸಬ್ ಇನ್ಸ್ಪೆಕ್ಟರ್. ಪ್ರಸ್ತುತ ಬರೌನಿ ಠಾಣೆಯಲ್ಲಿ ಕೆಲಸ ಮಾಡುತ್ತಿದ್ದರು. ಆದರೆ, ಕಳೆದ 1 ತಿಂಗಳಿಂದ ಕೆಲಸಕ್ಕೆ ಬಂದಿರಲಿಲ್ಲ. ನಿರಂತರ ರಜೆಯಲ್ಲಿದ್ದರು. ಗಂಡನ ಸಾವಿನ ಆಘಾತದಲ್ಲಿದ್ದ ಪ್ರೀತಿ ತವರು ಮನೆಯಲ್ಲೇ ವಾಸವಿದ್ದರು ಎಂದು ತಿಳಿದುಬಂದಿದೆ.
ಒಂದು ತಿಂಗಳ ಹಿಂದಷ್ಟೇ ಗಂಡನ ಸಾವು
ಎಸ್ಐ ಪ್ರೀತಿ, ರೋಶನ್ ಕುಮಾರ್ ಎಂಬುವರನ್ನು ಪ್ರೀತಿಸಿ ಮದುವೆ ಆಗಿದ್ದರು. ರೋಶನ್ ಜಾರ್ಖಂಡ್ನ ಬಕಾರೋ ಜಿಲ್ಲೆಯ ನಿವಾಸಿ. ಪಟನಾದ ಶೂ ಕಂಪನಿ ಒಂದರಲ್ಲಿ ಕೆಲಸ ಮಾಡುತ್ತಿದ್ದ. ಮೌರ್ಯ ದಾರಿಯಲ್ಲಿರುವ ಅಮರ್ ಅಪಾರ್ಟ್ಮೆಂಟ್ನ ಫ್ಲ್ಯಾಟ್ ನಂ 404ರಲ್ಲಿ ವಾಸವಿದ್ದನು. ಡಿಸೆಂಬರ್ 9ರಂದು ರೋಶನ್ ಫ್ಲ್ಯಾಟ್ನ ಕೋಣೆಯೊಳಗಡೆ ನೇಣಿಗೆ ಶರಣಾಗಿದ್ದರು.
ಗಂಡನ ಸಾವಿನಿಂದ ಪ್ರೀತಿ ಖಿನ್ನತೆಗೆ ಜಾರಿದ್ದರು. ರೋಶನ್ ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರೀತಿ ಪ್ರಚೋದನೆ ನೀಡಿದ್ದಾರೆ ಎಂದು ಆಕೆಯ ಅತ್ತೆ ಮನೆಯವರು ಆರೋಪ ಮಾಡಿದ್ದಾರೆ. ಕೆಲವೊಂದು ಕಾರಣಗಳಿಂದ ಇಬ್ಬರ ನಡುವಿನ ಸಂಬಂಧ ಸರಿಯಿರಲಿಲ್ಲ ಎಂಬ ಮಾತುಗಳಿವೆ. ಬಹು ದಿನಗಳಿಂದ ಇಬ್ಬರು ಮಾತನಾಡುತ್ತಿರಲಿಲ್ಲ ಎಂದು ತಿಳಿದುಬಂದಿದೆ. ಇದೇ ಕಾರಣದಿಂದ ಬೇಸತ್ತು ರೋಶನ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.
ಇತ್ತ ಗಂಡನ ಆತ್ಮಹತ್ಯೆಯಿಂದ ಪ್ರೀತಿ ಆಘಾತಕ್ಕೆ ಒಳಗಾಗಿದ್ದರು. ಇದೇ ನೋವಿನಲ್ಲಿ ಪ್ರೀತಿಯು ಕೂಡ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್)
ವೈವಾಹಿಕ ಜೀವನಕ್ಕೆ ಕಾಲಿಟ್ಟ ರತ್ನನ್ ಬೆಡಗಿ: ಬೆಂಗಳೂರಿನಲ್ಲಿ ನಡೆಯಿತು ರೆಬಾ ಮೊನಿಕಾ ವಿವಾಹ
ನೀವು ಯಾವಾಗಲೂ ನಮ್ಮ ಚಾಂಪಿಯನ್: ಸೈನಾ ನೆಹ್ವಾಲ್ ಎದುರು ಮಂಡಿಯೂರಿದ ನಟ ಸಿದ್ಧಾರ್ಥ್!