ನಿರ್ದೇಶಕ ಸುಕುಮಾರ್ ಚಿತ್ರದ ಸ್ಕ್ರಿಪ್ಟ್ ಅನ್ನು ರಾಮ್ ಚರಣ್ಗೆ ವಿವರಿಸುವಾಗ ಚಿತ್ರದಲ್ಲಿ ಲಿಪ್ಲಾಕ್ ದೃಶ್ಯವಿದೆ ಎಂದು ಹೇಳಿದ್ದರು. ಆದರೆ, ಇದು ರಾಮ್ ಚರಣ್ ಇಷ್ಟವಾಗದೇ ಭಾರಿ ಚರ್ಚೆ ಮಾಡಿದ ಆ ಸೀನ್ ಅನ್ನು ತೆಗೆದುಹಾಕುವಂತೆ ಹೇಳಿದ್ದರು. ಅದಕ್ಕೆ ಒಪ್ಪಿದ ನಿರ್ದೇಶಕರು ಶೂಟಿಂಗ್ ಶುರು ಮಾಡಿದರು. ಆದರೆ, ಚಿತ್ರಕ್ಕೆ ಆ ದೃಶ್ಯದ ಅವಶ್ಯಕತೆ ಇದ್ದಿದ್ದರಿಂದ ಮತ್ತೊಮ್ಮೆ ರಾಮ್ ಚರಣ್ ಮನವೊಲಿಸಲು ಮುಂದಾದರು. ಆದರೆ, ಇನ್ನು ಸಿನಿಮಾ ಒಪ್ಪಂದ ಮಾಡಿಕೊಳ್ಳದೇ ಇದ್ದಿದ್ದರಿಂದ ಯಾವುದೇ ಕಾರಣಕ್ಕೂ ಆ ದೃಶ್ಯವನ್ನು ಮಾಡುವುದಿಲ್ಲ ಎಂದು ಕಡ್ಡಿ ಮುರಿದಂತೆ ರಾಮ್ ಚರಣ್ ಹೇಳಿದ್ದರು. ತನ್ನ ಪತ್ನಿ ಉಪಾಸನಾ ಕಮಿನೇನಿಯ ಅಸಮಾಧಾನಕ್ಕೆ ಕಾರಣವಾಗಬಹುದು ಎಂಬ ಉದ್ದೇಶದಿಂದ ರಾಮ್ ಚರಣ್ ಬಲವಾಗಿಯೇ ಲಿಪ್ಲಾಕ್ ದೃಶ್ಯವನ್ನು ನಿರಾಕರಿಸಿದ್ದರು. ಎಲ್ಲ ಪ್ರಯತ್ನ ವಿಫಲವಾದ ಬಳಿಕ ಆ ಐಡಿಯಾವನ್ನೇ ಸುಕುಮಾರ್ ಕೈಚೆಲ್ಲಿದ್ದರು.
