ನಮ್ಮ ದೇಹದಲ್ಲಿ ರಕ್ತದ ಕೊನೇ ಹನಿ ಇರುವವರೆಗೂ ತಾಲಿಬಾನ್​ ವಿರುದ್ಧ ಹೋರಾಡ್ತೇವೆ: ಅಹ್ಮದ್​ ಮಸೂದ್​

ಕಾಬುಲ್: ಪಂಜ್​ಶೀರ್​ ಪ್ರಾಂತ್ಯವನ್ನು ಗೆದ್ದು ಸಂಪೂರ್ಣ ಹಿಡಿತ ಸಾಧಿಸಿದ್ದೇವೆ ಎಂದು ಹೇಳಿಕೊಳ್ಳುತ್ತಿರುವ ತಾಲಿಬಾನ್​ ವಾದವನ್ನು ಅಫ್ಘಾನಿಸ್ತಾನದ ನ್ಯಾಷನಲ್​ ರೆಸಿಸ್ಟೆನ್ಸ್​ ಫ್ರಂಟ್ ನಾಯಕ ಅಹ್ಮದ್​ ಮಸೂದ್​ ತಳ್ಳಿಹಾಕಿದ್ದು,​ ನಾವಿನ್ನು ಸೋತಿಲ್ಲ, ನಾವು ಅಜೇಯರೆಂದು ಹೇಳಿಕೊಂಡಿದ್ದಾರೆ.

ತಾಲಿಬಾನ್​ ಮತ್ತು ಪಂಜ್​ಶೀರ್​ ನಡುವಿನ ಸಂಘರ್ಷದಲ್ಲಿ ರೆಸಿಸ್ಟೆನ್ಸ್​ ಫ್ರಂಟ್​ನ ವಕ್ತಾರ ಫಾಹಿಮ್​ ದಾಶ್ತಿ ಮೃತಪಟ್ಟ ಬೆನ್ನಲ್ಲೇ ಪ್ರತಿಕ್ರಿಯೆ ನೀಡಿರುವ ಮಸೂದ್​, ನಮ್ಮ ದೇಹದಲ್ಲಿ ರಕ್ತದ ಕೊನೆಯ ಹನಿ ಇರುವವರೆಗೂ ನಾವು ತಾಲಿಬಾನ್​ ವಿರುದ್ಧ ಹೋರಾಡುತ್ತೇವೆ ಎಂದಿದ್ದಾರೆ.

ತಮ್ಮ ಫೇಸ್​ಬುಕ್​ ಪೇಜ್​ನಲ್ಲಿ ಅಪ್​ಲೋಡ್​ ಮಾಡಿರುವ ವಿಡಿಯೋದಲ್ಲಿ ಮಾತನಾಡಿರುವ ಮಸೂದ್​, ನಾವು ಎಲ್ಲಿಯೂ ಓಡಿ ಹೋಗಿಲ್ಲ. ಇನ್ನು ಪಂಜ್​ಶೀರ್​ನಲ್ಲೇ ಇದೀವಿ ಮತ್ತು ತಾಲಿಬಾನ್​ ವಿರುದ್ಧ ನಮ್ಮ ಹೋರಾಟವನ್ನು ಮುಂದುವರಿಸುತ್ತೇವೆ ಎಂದಿದ್ದಾರೆ. ಅಲ್ಲದೆ, ತಾಲಿಬಾನಿಗಳ ವಿರುದ್ಧ ಹೋರಾಡುವಂತೆ ಅಫ್ಘಾನಿಸ್ತಾನ ಜನತೆಗೆ ಮಸೂದ್​ ಕರೆ ನೀಡಿದ್ದಾರೆ.

ಕುತಂತ್ರಿ ಪಾಕ್​
ಪಾಕ್​ ವಿರುದ್ಧ ಹರಿಹಾಯ್ದಿರುವ ಮಸೂದ್​, ತಾಲಿಬಾನ್​ ಜತೆ ಸೇರಿಕೊಂಡು ಪಾಕ್​ ಪಂಜ್​ಶೀರ್​ ಮೇಲೆ ದಾಳಿ ಮಾಡಿದೆ. ಆದರೂ ಅಂತಾರಾಷ್ಟ್ರೀಯ ಸಮುದಾಯ ಸುಮ್ಮನೇ ನೋಡಿಕೊಂಡು ಕುಳಿತಿದೆ. ನನ್ನ ಕುಟುಂಬದ ಸದಸ್ಯರನ್ನು ಕೊಲ್ಲಲು ತಾಲಿಬಾನ್​ಗೆ ಪಾಕಿಸ್ತಾನ ನೆರವು ನೀಡುತ್ತಿದೆ ಎಂದಿದ್ದಾರೆ.

ತಾಲಿಬಾನ್​ ಜತೆ ಪಾಕ್​ ಕೈಜೋಡಿಸಿರುವುದು ಎಲ್ಲ ದೇಶಗಳಿಗೂ ತಿಳಿದಿದೆ. ಆದರೂ ಎಲ್ಲರೂ ಸುಮ್ಮನಿದ್ದಾರೆ. ಪಾಕಿಸ್ತಾನ ಪಂಜಶೀರ್​ ಮೇಲೆ ನೇರವಾಗಿ ದಾಳಿ ಮಾಡಿತು. ಇದನ್ನು ನೋಡಿಯೂ ಅಂತಾರಾಷ್ಟ್ರೀಯ ಸಮುದಾಯ ಏನು ಮಾಡುತ್ತಿಲ್ಲ ಎಂದು ಅಹ್ಮದ್​ ಮಸೂದ್​ ಅಸಮಾಧಾನ ಹೊರಹಾಕಿದರು.

ತಾಲಿಬಾನ್ ಬದಲಾಗಿಲ್ಲ. ಅದು ಬದಲಾಗುವುದೂ ಇಲ್ಲ. ಬದಲಾಗಿ "ಹೆಚ್ಚು ದಬ್ಬಾಳಿಕೆ, ನಿರ್ದಯ, ಉಗ್ರಗಾಮಿ ಮತ್ತು ಹಿಂಸಾತ್ಮಕ"ವಾಗುತ್ತದೆ ಎಂದು ಮಸೂದ್ ಹೇಳಿದರು. (ಏಜೆನ್ಸೀಸ್​)

https://www.vijayavani.net/taliban-detains-panjshir/

https://www.vijayavani.net/r-who-is-ashu-reddy-bigg-boss-telugu-participant-who-slapped-ram-gopal-varma-in-a-video/

https://www.vijayavani.net/actress-meghana-gaonkar-in-new-photoshoot/