ಹೈದರಾಬಾದ್: ಬಹುಭಾಷಾ ನಟಿ ಪ್ರಿಯಾಮಣಿ ಅವರು ರಾಷ್ಟ್ರಪ್ರಶಸ್ತಿ ಜಯಿಸಿದ ದಕ್ಷಿಣ ಭಾರತದ ಖ್ಯಾತ ಕಲಾವಿದೆ. ಕನ್ನಡ, ತಮಿಳು, ತೆಲುಗು ಹಾಗೂ ಮಲಯಾಳಂನಲ್ಲಿ ತಮ್ಮದೇ ಛಾಪು ಮೂಡಿಸಿರುವ ಪ್ರಿಯಾಮಣಿ ಅಸಂಖ್ಯಾತ ಅಭಿಮಾನಿಗಳ ಬಳಗವನ್ನೇ ಹೊಂದಿದ್ದಾರೆ.
ನಟನೆಗೂ ಸೈ, ಡ್ಯಾನ್ಸ್ಗೂ ಸೈ, ಅಷ್ಟೇ ಯಾಕೆ ಬೋಲ್ಡ್ ಪಾತ್ರಗಳಿಗೂ ಜೀವ ತುಂಬುವ ಸಕಲಕಲಾವಲ್ಲಭೆ ಎಂದರೆ ತಪ್ಪಾಗಲಾರದು. ಇದೀಗ ಪ್ರಿಯಾಮಣಿ ಕುರಿತು ನಿರ್ಮಾಪಕ ಡಿ.ಎಸ್. ರಾವ್ ಅವರು ಮಾತನಾಡಿದ್ದು, ಚಿತ್ರವೊಂದರ ವಿವಾದಕ್ಕೆ ಬಹುದಿನಗಳ ಬಳಿಕ ತೆರೆಎಳೆದಿದ್ದಾರೆ.
ಪ್ರಿಯಾಮಣಿ ತೆಲುಗು ಚಿತ್ರ ದ್ರೋಣದಲ್ಲಿ ಬಿಕಿನಿ ತೊಡುವ ಮೂಲಕ ತುಂಬಾ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದರು. ದ್ರೋಣ ಚಿತ್ರದಲ್ಲಿ ನಿತಿನ್, ಸೀತಾ, ಮುಕೇಶ್ ರಿಶಿ, ಬಾಬು ಆಂಟೋನಿ ಮತ್ತು ರಾಖಿ ಸಾವಂತ್ ಸಹ ನಟಿಸಿದ್ದಾರೆ. ಈ ಚಿತ್ರವನ್ನು ಕರುಣ್ ಕುಮಾರ್ ಅವರು ನಿರ್ದೇಶಿಸಿದ್ದು, ಆಭರಣ ಕದಿಯುವ ಸುತ್ತಾ ಚಿತ್ರಕತೆ ಸಾಗುತ್ತದೆ.
ಈ ಚಿತ್ರ 2009ರಲ್ಲಿ ಬಿಡುಗಡೆಯಾದರೂ ಬಾಕ್ಸ್ ಆಫೀಸ್ನಲ್ಲಿ ಹೇಳಿಕೊಳ್ಳುವಷ್ಟು ಕಮಾಲ್ ಮಾಡಲಿಲ್ಲ. ಆದರೆ, ಪ್ರಿಯಾಮಣಿ ಅವರ ಬಿಕಿನಿ ಡ್ರೆಸ್ ಆ ಸಂದರ್ಭದಲ್ಲಿ ಸಾಕಷ್ಟು ಸದ್ದು ಮಾಡಿತ್ತು. ಈಗಲೂ ಪ್ರಿಯಾಮಣಿ ಅವರ ಬಿಕಿನಿ ಸಾಂಗ್ ಪಡ್ಡೆ ಹುಡುಗರ ಫೇವರಿಟ್ ಆಗಿದೆ.
ಇತ್ತೀಚೆಗೆ ಚಿತ್ರದ ನಿರ್ಮಾಪಕ ಡಿ.ಎಸ್. ರಾವ್ ಸಂದರ್ಶನವೊಂದರಲ್ಲಿ ಭಾಗವಹಿಸಿ ದ್ರೋಣ ಚಿತ್ರದ ವೇಳೆ ಕೇಳಿಬಂದಿದ್ದ ವಿವಾದ ಬಗ್ಗೆ ಮೆಲುಕು ಹಾಕಿದರು. ಚಿತ್ರದಲ್ಲಿ ಬಿಕಿನಿ ತೊಡಲು ಪ್ರಿಯಾಮಣಿ ಭಾರಿ ಹಣವನ್ನು ತೆಗೆದುಕೊಂಡಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಆದರೆ, ಪ್ರಿಯಾಮಣಿ ಮೊದಲು ನಿಗದಿಯಾಗಿದ್ದ ಹಣಕ್ಕಿಂತ ಹೆಚ್ಚಿನ ಹಣಕ್ಕಾಗಿ ಡಿಮ್ಯಾಂಡ್ ಮಾಡಲೇ ಇಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಚಿತ್ರದಲ್ಲಿ ಬಿಕಿನಿ ಡ್ರೆಸ್ ಹಾಕಬೇಕೆಂದು ಕೇಳಿದಾಗಲೇ ಅವರು ಒಪ್ಪಿಕೊಂಡರು. ಬಿಕಿನಿ ಹಾಕಿಕೊಂಡು ಸಾಂಗ್ನಲ್ಲಿ ಕಾಣಿಸಿಕೊಳ್ಳುವ ಭರವಸೆಯನ್ನು ನೀಡಿದರು. ಅದರಂತೆಯೇ ಶೂಟಿಂಗ್ನಲ್ಲಿ ಭಾಗವಹಿಸಿದರು ಎಂದು ರಾವ್ ಹೇಳಿಕೊಂಡಿದ್ದಾರೆ.
ಇನ್ನು ಪ್ರಸ್ತುತ ಸಿನಿಮಾ ವಿಚಾರಕ್ಕೆ ಬರುವುದಾರೆ, ರಾಣಾ ದಗ್ಗುಬಾಟಿ ಹಾಗೂ ಸಾಯಿ ಪಲ್ಲವಿ ಅಭಿನಯದ ವಿರಾಟ ಪರ್ವಂ ಚಿತ್ರದಲ್ಲಿ ಪ್ರಮುಖ ಪಾತ್ರಕ್ಕೆ ಪ್ರಿಯಾಮಣಿ ಬಣ್ಣ ಹಚ್ಚಿದ್ದಾರೆ. (ಏಜೆನ್ಸೀಸ್)
ಇದು ದೇಶವೇ ಬೆಚ್ಚಿಬೀಳಿಸುವ ಘಟನೆ: ಅರೆಬೆಂದ ಕರೊನಾ ಸೋಂಕಿತನ ಮೃತದೇಹ ತಿಂದ ವ್ಯಕ್ತಿ!
ಆಕ್ಸಿಜನ್ ಭರ್ತಿಗೆ ಕ್ಯೂನಲ್ಲಿ ನಿಂತಿದ್ದ ವೇಳೆ ಬಂತು ಫೋನ್ ಕರೆ: ಮಾತು ಕೇಳ್ತಿದ್ದಂತೆ ಕುಸಿದು ಬಿದ್ದ ಮಹಿಳೆ