ನೆರೆಮನೆ ಮಗುವಿನ ಜೀವ ಉಳಿಸಲು ಪ್ರಾಣತ್ಯಾಗ ಮಾಡಿದ ಯುವತಿ..!

ಕಣ್ಣೂರು: ನದಿ ನೀರಿನಲ್ಲಿ ಕೊಚ್ಚಿ ಹೋಗುತ್ತಿದ್ದ ನೆರೆಮನೆಯ ಮಗುವಿನ ಪ್ರಾಣ ಉಳಿಸಲು ಹೋಗಿ ಯುವತಿಯೊಬ್ಬಳು ನೀರಿನಲ್ಲಿ ಮುಳುಗಿ ಸಾವಿಗೀಡಾಗಿರುವ ಘಟನೆ ಕೇರಳದ ಮಟ್ಟನೂರ್​ ನದಿಯಲ್ಲಿ ನಡೆದಿದೆ.

ಮೃತಳನ್ನು ಅಮೃತಾ (25) ಎಂದು ಗುರುತಿಸಲಾಗಿದೆ. ಗುರುವಾರ ಬೆಳಗ್ಗೆ ಈ ಘಟನೆ ನಡೆದಿದೆ.

ನದಿಗೆ ಬಿದ್ದ ನೆರೆಮನೆಯ ಮಗುವನ್ನು ಕಾಪಾಡಲು ಅಮೃತಾ ನದಿಗೆ ಜಿಗಿದಿದ್ದಳು. ಆದರೆ, ಸುಳಿಗೆ ಸಿಲುಕಿ ಅಮೃತಾ ಪ್ರಾಣ ಬಿಟ್ಟಿದ್ದಾಳೆ. ಅದೃಷ್ಟವಶಾತ್​ ಘಟನೆಯಲ್ಲಿ ಮಗು ಬದುಕುಳಿದಿದೆ.

ಅಮೃತ ಮುಂಡೇರಿ ಪ್ರೌಢಶಾಲೆಯ ಲ್ಯಾಬ್ ಸಹಾಯಕ ಸಿ ಬಾಲಕೃಷ್ಣನ್ ಮತ್ತು ರಮಣಿಯವರ ಪುತ್ರಿ. ಅನಘಾ ಅವಳ ಸಹೋದರಿ. ಇದೀಗ ಮಗಳನ್ನು ಕಳೆದುಕೊಂಡ ಕುಟುಂಬ ಶೋಕ ಸಾಗರದಲ್ಲಿ ಮುಳುಗಿದೆ. (ಏಜೆನ್ಸೀಸ್​)

https://www.vijayavani.net/r-in-delhi-she-fell-to-knees-and-begged-for-oxygen/

https://www.vijayavani.net/girl-is-tied-up-and-attack-after-being-lured-with-the-promise-of-a-coronavirus-vaccine-in-india/

https://www.vijayavani.net/first-emergency-covid-relief-supplies-arrive-from-us-stand-with-india/