ಎರಡು ಮನೆಗಳನ್ನು ಮಾರಿದ್ರಂತೆ ಪ್ರಿಯಾಂಕಾ ಚೋಪ್ರಾ!

ಮುಂಬೈ: ಪ್ರಿಯಾಂಕಾ ಚೋಪ್ರಾ, ಮುಂಬೈ ಬಿಟ್ಟು ಹೊರದೇಶದಲ್ಲೇ ಸೆಟ್ಲ್​ ಆಗುತ್ತಾರಾ ಎಂಬ ಪ್ರಶ್ನೆಯೊಂದು ಕೇಳಿಬರುತ್ತಿದೆ. ಅದಕ್ಕೆ ಕಾರಣವೂ ಇದೆ. ಪ್ರಿಯಾಂಕಾ ಇತ್ತೀಚೆಗೆ ಮುಂಬೈನ ತಮ್ಮ ಎರಡು ಮನೆಗಳನ್ನು ಮಾರಿದ್ದಾರೆ. ಜತೆಗೆ ಒಂದು ಆಫೀಸ್​ ಬಾಡಿಗೆಗೆ ಕೊಟ್ಟಿದ್ದಾರೆ. ಅದಕ್ಕೂ ಮುನ್ನ, ಕಳೆದ ವರ್ಷ ಅವರೊಂದು ಮನೆಯನ್ನು ಮಾರಿದ್ದರು. ಇವೆಲ್ಲ ನೋಡುತ್ತಿದ್ದರೆ, ಮುಂಬೈ ಬಿಟ್ಟು ವಿದೇಶದಲ್ಲೇ ನೆಲೆಸುವುದಕ್ಕೆ ಪ್ರಿಯಾಂಕಾ ಸಜ್ಜಾಗಿದ್ದಾರಾ ಎಂಬ ಪ್ರಶ್ನೆಯೊಂದು ಎಲ್ಲರನ್ನೂ ಕಾಡುತ್ತಿದೆ.

ಇದನ್ನೂ ಓದಿ: ಕಾರ್ತಿಕ್​ ಆರ್ಯನ್​ ಈಗ ‘ಕ್ಯಾಪ್ಟನ್​ ಇಂಡಿಯಾ’ …

ಪ್ರಿಯಾಂಕಾ ಮೂರು ತಿಂಗಳುಗಳ ಹಿಂದೆ ಮುಂಬೈನ ಅಂಧೇರಿ ವೆಸ್ಟ್​​ನಲ್ಲಿರುವ ರಾಜ್​ ಕ್ಲಾಸಿಕ್​ ಎಂಬ ಅಪಾರ್ಟ್​ಮೆಂಟ್​ನಲ್ಲಿದ್ದ ಎರಡು ಮನೆಗಳನ್ನು ಮಾರಿದ್ದಾರೆ. ಈ ಮನೆಗಳಿಂದ ಅವರಿಗೆ ಸಿಕ್ಕ ಮೊತ್ತ ಏಳು ಕೋಟಿ ರೂಪಾಯಿ ಮಾತ್ರ. 900 ಮತ್ತು 1300 ಚದರಡಿ ವಿಸ್ತೀರ್ಣದ ಈ ಮನೆಗಳನ್ನು ಪ್ರಿಯಾಂಕಾ ಯಾವಾಗ ಖರೀದಿಸಿದ್ದರೋ ಗೊತ್ತಿಲ್ಲ? ಒಟ್ಟಾರೆ ಎರಡೂ ಮನೆಗಳನ್ನು ಅವರು ಮಾರಿದ್ದಾರೆ.

ಮನೆ ಮಾರಾಟ ಮಾಡುವುದರ ಜತೆಗೆ ಒಂದು ಆಫೇಸ್​ನ್ನು ಅವರು ಪ್ರತಿ ತಿಂಗಳು ಎರಡು ಲಕ್ಷ ರೂ. ಬಾಡಿಗೆಗೆ ಬಿಟ್ಟಿದ್ದಾರೆ. ಹೀಗೆ ಒಂದೊಂದೇ ಆಸ್ತಿಯನ್ನು ಮಾರುತ್ತಿರುವುದರಿಂದ ಸಹಜವಾಗಿ ಪ್ರಿಯಾಂಕಾ ಬಗ್ಗೆ ಹಲವು ಪ್ರಶ್ನೆಗಳು ಎದ್ದಿವೆ.

ಇದನ್ನೂ ಓದಿ: ಬ್ಲೂ ಫಿಲ್ಮ್​ ವಿಚಾರ ಶಿಲ್ಪಾಗೆ ಗೊತ್ತಿತ್ತಾ? ಪೊಲೀಸರಿಂದ ವಿಚಾರಣೆ- ಕುಂದ್ರಾಗೆ 27ರವರೆಗೆ ಜೈಲು

ಸದ್ಯ ಪ್ರಿಯಾಂಕಾ ಹಾಲಿವುಡ್​ನಲ್ಲೇ ಬ್ಯುಸಿಯಾಗಿದ್ದು, 'ಮ್ಯಾಟ್ರಿಕ್ಸ್​ 4' ಮತ್ತು 'ಟೆಕ್ಸ್ಟ್​​ ಫಾರು ಯೂ' ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಇದಲ್ಲದೆ, 'ಸಿಟಾಡೆಲ್​' ಎಂಬ ಸರಣಿಯಲ್ಲೂ ನಟಿಸುತ್ತಿದ್ದಾರೆ.

https://www.vijayavani.net/actress-chaitra-kotoor-clarifies-about-meditation-camp/