ಪ್ರಧಾನಿ ರೋಡ್ ಶೋ; ಭದ್ರತೆಯ ಕಾರಣಕ್ಕೆ ವಧುವನ್ನು ತಡೆದ ಪೊಲೀಸರು | ಮೋದಿಯಂತೆ ವೇಷ ತೊಟ್ಟ ಬಾಲಕ

Published on:

29 Apr 2023, 11:46 am

ಬೆಂಗಳೂರು: ಪ್ರಧಾನಿ ನರೇಂದ್ರ ಮೋದಿ ಮಾಗಡಿ ರಸ್ತೆಯ ನೈಸ್ ರಸ್ತೆ ಜಂಕ್ಷನ್ನಿಂದ ಸುಮನಹಳ್ಳಿಯವರೆಗೆ ನಾಲ್ಕು ಮುಕ್ಕಾಲು ಕಿ.ಮೀ ದೂರದವರೆಗೆ ರೋಡ್ ಶೋ ನಡೆಸುವ ಕಾರಣ ಸಾಕಷ್ಟು ಭದ್ರತೆ ಒದಗಿಸಲಾಗಿದೆ. ಮೋದಿ ರೋಡ್ ಶೋ ವೀಕ್ಷಿಸಲು ಸಾವಿರಾರು ಜನರು ಆಗಮಿಸಿದ್ದಾರೆ.

ವಧುವನ್ನು ತಡೆದ ಪೊಲೀಸರು

ಮೋದಿ ರೋಡ್ ಶೋ ಹಿನ್ನೆಲೆ ಒದಗಿಸಲಾಗಿರುವ ಭದ್ರತೆ ಮದುಮಗಳಿಗೆ ಸಮಸ್ಯೆ ತಂದೊಡ್ಡಿದೆ. ಸುಂಕದ ಕಟ್ಟೆ ಬಳಿಯ ಕಲ್ಯಾಣ ಮಂಟಪಕ್ಕೆ ತೆರಳಲು ಮದುಮಗಳು ಬಂದಿದ್ದಾಳೆ. ಈ ವೇಳೆ ಭದ್ರತಾ ನಿರತ ಪೊಲೀಸರು ಮದುಮಗಳಿಗೆ ತೆರಳಲು ಅಡ್ಡಿಪಡಿಸಿದ್ದಾರೆ. ವಧುವನ್ನು ತಡೆದು ನಿಲ್ಲಿಸಿದ್ದಾರೆ.

ಇದನ್ನೂ ಓದಿ: ರಾಹುಲ್ ಗಾಂಧಿಗೆ ಬುದ್ದಿ ಭ್ರಮಣೆಯಾಗಿದ್ದು ಮೆಡಿಕಲ್ ಚೆಕಪ್ ಮಾಡಿಸಿಕೊಳ್ಳಲಿ: ಬಿಎಸ್ವೈ

ಕಲಶ ಹಿಡಿದು ಬಂದ ವಧು

ಕಲಶ ಹಿಡಿದು ಸ್ಕೂಟರ್ನಲ್ಲಿ ಬಂದ ಮದುಮಗಳಿಗೆ ಭದ್ರತೆಯ ಕಾರಣದಿಂದ ಮದುವೆ ಮಂಟಪಕ್ಕೆ ತೆರಳಲು ಪೊಲೀಸರು ಅಡ್ಡಿ ಪಡಿಸಿದ ಘಟನೆ ನಡೆದಿದೆ. ವಿಚಾರಣೆ ನಡೆಸಿ, ಮಾಧ್ಯಮಗಳ ಕ್ಯಾಮರಾ ಕಂಡು ಕೊನಗೆ ಮದುಮಗಳಿಗೆ ತೆರಳಲು ಪೊಲೀಸರು ಅವಕಾಶ ಮಾಡಿಕೊಟ್ಟಿದ್ದಾರೆ.