ಸಂಸದರು 'ಕಾಣೆಯಾಗಿದ್ದಾರೆ' ಎಂದು ಪೋಸ್ಟರ್​ ಹಿಡಿದ ಕ್ಷೇತ್ರದ ಜನ!

ಗುರುದಾಸ್​ಪುರ/ಮಥುರಾ : ಕರೊನಾ ಸಾಂಕ್ರಾಮಿಕ ಹರಡಿರುವ ಈ ಸಂಕಷ್ಟದ ಸಮಯದಲ್ಲಿ ಜನಪ್ರತಿನಿಧಿಗಳು ಸ್ವಕ್ಷೇತ್ರದಲ್ಲಿದ್ದು ತಮ್ಮ ಅಗತ್ಯಗಳಿಗೆ ಸ್ಪಂದಿಸಬೇಕೆಂದು ಜನ ಅಪೇಕ್ಷಿಸುವುದು ಸ್ವಾಭಾವಿಕ. ಅಂತಹುದೇ ಅಪೇಕ್ಷೆಯನ್ನು ಬಿಜೆಪಿ ಸಂಸದರಾಗಿರುವ ಬಾಲಿವುಡ್​ ನಟಿ ಹೇಮಾ ಮಾಲಿನಿ ಮತ್ತು ಪುತ್ರ ನಟ ಸನ್ನಿ ಡಿಯೋಲ್ ಬಗ್ಗೆ ಅವರ ಲೋಕಸಭಾ ಕ್ಷೇತ್ರಗಳ ನಿವಾಸಿಗಳು ವ್ಯಕ್ತಪಡಿಸಿದ್ದಾರೆ.

ಸನ್ನಿ ಡಿಯೋಲ್ ಪ್ರತಿನಿಧಿಸುವ ಪಂಜಾಬ್​ನ ಗುರುದಾಸ್​ಪುರದಲ್ಲಿ ಒಂದು ವರ್ಷದಿಂದ ಅವರು ಕಾಣಿಸಿಕೊಂಡೇ ಇಲ್ಲ ಎಂದು ಕೆಲವು ನಿವಾಸಿಗಳು ಆರೋಪಿಸಿದ್ದಾರೆ. ಅವರ ಭಾವಚಿತ್ರವನ್ನು ಹಾಕಿ ಕಾಣೆಯಾಗಿದ್ದಾರೆ ಎಂಬ ಪೋಸ್ಟರ್​ಗಳನ್ನು ಮುದ್ರಿಸಿದ್ದಾರೆ. "ಕರೊನಾ ಹಾವಳಿ ಇದೆ, ರೈತರ ಪ್ರತಿಭಟನೆಯೂ ನಡೆದಿದೆ. ಆದರೆ ಸಂಸದರು ಮಾತ್ರ ಇಲ್ಲಿಗೆ ಭೇಟಿ ನೀಡದೆ ಮುಂಬೈನಲ್ಲೇ ಮೊಕ್ಕಾಂ ಹೂಡಿದ್ದಾರೆ" ಎಂದಿದ್ದಾರೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.

ಇದನ್ನೂ ಓದಿ: ಊಟ ಕೇಳಿದ 82 ವರ್ಷದ ತಾಯಿಗೆ ಹೊಡೆದು ಮನೆಯಿಂದ ಹೊರಹಾಕಿದ ಮಗ!

ಮತ್ತೊಂದೆಡೆ, ಸಂಸದೆ ಹೇಮಾ ಮಾಲಿನಿ ಅವರೂ ತಮ್ಮ ಲೋಕಸಭಾ ಕ್ಷೇತ್ರವನ್ನು ಮರೆತುಬಿಟ್ಟಿದ್ದಾರೆ ಎಂದು ಮಥುರಾ ನಿವಾಸಿಗಳು ಅಸಮಾಧಾನ ಹೊರಹಾಕಿದ್ದಾರೆ ಎನ್ನಲಾಗಿದೆ. ಮತ್ತೊಬ್ಬ ಸೆಲೆಬ್ರಿಟಿ ಕಾಂಗ್ರೆಸ್​ ಶಾಸಕರಾದ ಕ್ರಿಕೆಟಿಗ ನವಜೋತ್​ ಸಿಂಗ್ ಸಿಧು ಅವರು ತಮ್ಮ ವಿಧಾನಸಭಾ ಕ್ಷೇತ್ರವಾದ ಅಮೃತಸರಕ್ಕೆ ಭೇಟಿಯೇ ನೀಡುವುದಿಲ್ಲ ಎಂದು ಸ್ಥಳೀಯರು ಆಕ್ಷೇಪ ವ್ಯಕ್ತಪಡಿಸಿದ ವರದಿಗಳೂ ಇತ್ತೀಚೆಗೆ ಬಂದಿದ್ದವು. (ಏಜೆನ್ಸೀಸ್)

https://www.vijayavani.net/646-doctors-dies-of-corona-during-second-wave/

https://www.vijayavani.net/government-sells-corona-vaccines-for-profit-now-asks-vaccines-back/