ಅಹಮದಾಬಾದ್: ಕೆಲವು ವರ್ಷಗಳ ಹಿಂದೆ ಬಾಲಿವುಡ್ನಲ್ಲಿ ತನ್ನ ಗ್ಲಾಮರ್ನಿಂದ ಗಮನಸೆಳೆದಿದ್ದ ಪಾಯಲ್ ರೊಹಟ್ಗಿ ಎಂಬ ಬಾಲಿವುಡ್ ನಟಿಯನ್ನು ಅಹಮದಾಬಾದ್ ಪೊಲೀಸರು ಬಂಧಿಸಿದ್ದಾರೆ. ಯಾಕೆ ಅಂತೀರಾ? ಪಾಯಲ್ ತನ್ನ ಅಪಾರ್ಟ್ಮೆಂಟ್ನ ಅಧ್ಯಕ್ಷರು ಮತ್ತು ಇತರರಿಗೆ ಕಾಲು ಮುರಿಯುವುದಾಗಿ ಧಮ್ಕಿ ಹಾಕಿದ್ದಾರಂತೆ. ಅದೇ ಕಾರಣಕ್ಕೆ ಅವರನ್ನು ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.
ಇದನ್ನೂ ಓದಿ: ಅನುಪಮ್ ಖೇರ್ ಯಾರೂ ಅಂತಲೇ ಗೊತ್ತಿಲ್ಲವಂತೆ …
ಇಷ್ಟಕ್ಕೂ ಆಗಿದ್ದೇನೆಂದರೆ, ಅಪಾರ್ಟ್ಮೆಂಟ್ನ ಕಾಮನ್ ಪ್ಯಾಸೇಜ್ ಬಳಸಿಕೊಳ್ಳುವ ವಿಷಯವಾಗಿ ಪಾಯಲ್ ಮತ್ತು ಅಪಾರ್ಟ್ಮೆಂಟ್ನ ಇತರರ ನಡುವೆ ವಾಟ್ಸಾಪ್ ಗ್ರೂಪ್ನಲ್ಲಿ ಜಗಳ ಆಗಿದೆಯಂತೆ. ಮಾತಿಗೆ ಮಾತು ಬೆಳೆದು, ಅಪಾರ್ಟ್ಮೆಂಟ್ ಹಿತರಕ್ಷಣಾ ವೇದಿಕೆಯ ಅಧ್ಯಕ್ಷರು ಮತ್ತು ಇತರ ಕೆಲವರ ಕಾಲು ಮುರಿಯುವುದಾಗಿ ಪಾಯಲ್ ಧಮ್ಕಿ ಹಾಕಿದ್ದಾರೆ. ಇದರಿಂದ ಬೇಸರಗೊಂಡಿರುವ ಇನ್ನಿತರು, ಪಾಯಲ್ ವಿರುದ್ಧ ಕೇಸ್ ಹಾಕಿದ್ದಾರೆ. ತಕ್ಷಣವೇ ಆಕೆಯನ್ನು ಅರೆಸ್ಟ್ ಮಾಡಲಾಗಿದೆ.
ಇದನ್ನೂ ಓದಿ: ‘ಕ್ರಿಷ್ 4’ ಮೂಲಕ ಜಾದೂ ರೀಎಂಟ್ರಿ? ಬಾಲಿವುಡ್ನಲ್ಲಿ ಹೀಗೊಂದು ಸುದ್ದಿ
ಪಾಯಲ್ ತೊಂದರೆಗೆ ಸಿಲುಕುತ್ತಿರುವುದು ಇದು ಮೊದಲೇನಲ್ಲ. ಇದಕ್ಕೂ ಮುನ್ನ ಅವರು ಅಪಾರ್ಟ್ಮೆಂಟ್ ಜನರ ಜತೆಗೆ ಕಿತ್ತಾಡಿಕೊಂಡಿದ್ದರು. ಇನ್ನು, ಕಳೆದ ವರ್ಷ ಸುಶಾಂತ್ ಸಿಂಗ್ ರಜಪೂತ್ ನಿಧನದ ನಂತರ ಬಾಲಿವುಡ್ನಲ್ಲಾದ ನೆಪೋಟಿಸಂ ಕುರಿತಾದ ಚರ್ಚೆಯಲ್ಲಿ, ಜನಪ್ರಿಯ ನಟ-ನಟಿಯರ ವಿರುದ್ಧ ಅವಾಚ್ಯವಾಗಿ ಮಾತನಾಡಿದ್ದಕ್ಕೆ, ಪಾಯಲ್ ಅವರ ಟ್ವಿಟರ್ ಅಕೌಂಟ್ಗೆ ಎರಡು ಬಾರಿ ನಿಷೇಧ ಹೇರಲಾಗಿತ್ತು.