ನಿಮ್ಮ ಮಗನನ್ನು ಬಿಡಬೇಕೆಂದರೆ 40 ಸಾವಿರ ರೂ. ಕೊಡಿ; ಪಾಕ್​​​ ವಂಚಕನಿಗೆ ವ್ಯಕ್ತಿ ಕೊಟ್ಟ ಉತ್ತರ ವೈರಲ್

ಮುಂಬೈ: ಮೋಸ ಹೋಗುವವರು ಎಲ್ಲಿಯವರೆಗೂ ಇರುತ್ತಾರೋ, ಅಲ್ಲಿವರೆಗೂ ಮೋಸ ಹೋಗುವವರು ಇರುತ್ತಾರೆ ಎಂಬುದಕ್ಕೆ ಇತ್ತೀಚಿನ ದಿನಗಳಲ್ಲಿ ಸೈಬರ್​ ಕ್ರೈಂ ಪ್ರಕರಣಗಳೇ ಪ್ರಮುಖ ಸಾಕ್ಷಿಯಾಗಿದೆ. ಮುಗ್ದ ಜನರ ನಂಬಿಕೆಗಳನ್ನೇ ಸೈಬರ್ ಖದೀಮರು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದು, ಇದೀಗ ವ್ಯಕ್ತಿಯೊಬ್ಬರಿಗೆ ಬಂದಿರುವ ಫೋನ್​ ಕರೆ ಸೈಬರ್​ ಖದೀಮರ ಕೃತ್ಯಕ್ಕೆ ಪ್ರಮುಖ ಸಾಕ್ಷಿಯಾಗಿದೆ.

ತಂದೆಯೊಬ್ಬರು ಮುಂಬೈ ಪೊಲೀಸ್ ಅಧಿಕಾರಿಯಂತೆ ನಟಿಸುವ ವಂಚಕನ ಜೊತೆ ಬುದ್ಧಿವಂತಿಕೆಯಿಂದ ವ್ಯವಹರಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ಎಲ್ಲರೂ ವ್ಯಕ್ತಿಯ ಚಾಣಾಕ್ಷ ನಡೆಗೆ ಮೆಚ್ಚುಗೆ ಸೂಚಿಸಿದ್ದಾರೆ.

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಪಾಕಿಸ್ತಾನದ ನಂಬರ್​ನಿಂದ ವ್ಯಕ್ತಿಯೊಬ್ಬರಿಗೆ ವಾಟ್ಸ್​ಆ್ಯಪ್​ನಲ್ಲಿ ಕರೆ ಬರುತ್ತದೆ. ಮೊದಲಿಗೆ ನಂಬರ್​ ಕಂಡು ಭಯಭೀತರಾದ ವ್ಯಕ್ತಿ ಇದನ್ನು ವಿಡಿಯೋ ಮಾಡಿಕೊಳ್ಳುತ್ತಾರೆ. ಕರೆ ಸ್ವೀಕರಿಸಿದಾಗ ಮಾತನಾಡುವ ಖದೀಮ ನಿಮ್ಮ ಮಗ ಆಯುಷ್​ ಹಾಗೂ ಆತನ ಸ್ನೇಹಿತರು ಯುವತಿಯೊಬ್ಬಳ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿದ್ದು, ಆತನನ್ನು ಬಂಧಿಸಲಾಗಿದೆ. ನಿಮ್ಮ ಮಗ ನಮ್ಮ ಸುಪರ್ದಿಯಲ್ಲಿದ್ದು, ಆತ ನಿಮ್ಮೊಂದಿಗೆ ಮಾತನಾಡುತ್ತಾನೆ ನೋಡಿ ಎಂದು ಹೇಳುತ್ತಾನೆ.

ಇದನ್ನೂ ಓದಿ: ಖ್ಯಾತ ನಟಿಯ ಬಾತ್​ರೂಮ್​ ವಿಡಿಯೋ ಲೀಕ್​; ಪ್ರಚಾರಕ್ಕಾಗಿ ಹೀಗೆ​ ಮಾಡಿದ್ರಾ?

ಬಳಿಕ ವ್ಯಕ್ತಿಯೊಬ್ಬ ಅಳುತ್ತಾ ಪಪ್ಪಾ ನನ್ನನ್ನು ಬಿಡಿಸು ಎಂದು ಗೋಗರೆಯುತ್ತಾನೆ. ನಿಮ್ಮ ಮಗನನ್ನು ಬಿಡಬೇಕೆಂದರೆ ಈ ಕೂಡಲೇ 40 ಸಾವಿರ ರೂಪಾಯಿ ಪಾವತಿಸಿ ಎಂದು ಖದೀಮ ಹೇಳುತ್ತಾನೆ. ಇದಕ್ಕೆ ಉತ್ತರಿಸುವ ವ್ಯಕ್ತಿ ನಾಲ್ಕು ಲಕ್ಷ ಬೇಡವಾ ಎಂದು ಖದೀಮನಿಗೆ ಪ್ರಶ್ನಿಸಿ ಕರೆಯನ್ನು ಕಟ್​​ ಮಾಡುತ್ತಾರೆ. ವಂಚಕ ಮತ್ತು ತಂದೆಯ ನಡುವಿನ ದೂರವಾಣಿ ಸಂಭಾಷಣೆಯ ಈ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.

+92 ಸಂಖ್ಯೆಗಳಿಂದ ನಿಮಗೆ ವಾಟ್ಸ್​ಆ್ಯಪ್​ನಲ್ಲಿ ಕರೆ ಬಂದರೆ ಅದನ್ನು ಸ್ವೀಕರಿಸಲು ಹೋಗಬೇಡಿ. ಕೂಡಲೇ ನಿಮ್ಮ ಹತ್ತಿರದ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿ. ಇಲ್ಲವಾದಲ್ಲಿ ನಿಮಗೆ ಅಪಾಯವಾಗಲಿದೆ ಎಂದು ಪೊಲೀಸರು ಎಚ್ಚರಿಸಿದ್ದಾರೆ.

https://www.vijayavani.net/im-preparing-the-hardik-pandya-role-young-ipl-star-opens-up-on-team-india-opportunity

https://www.vijayavani.net/uttarakhand-village-boycotts-dalit-families-over-drummers-no-show