ಮತದಾನ ಮಾಡಿದ ಅರ್ಧ ಗಂಟೆಯಲ್ಲಿ ಕೊನೆಯುಸಿರೆಳೆದ ಅಜ್ಜಿ!

ಸಿಂಧನೂರು: ವಿಧಾನಸಭಾ ಚುನಾವಣೆ ಹಿನ್ನಲೆಯಲ್ಲಿ ಈ ಬಾರಿ ಎಂಬತ್ತಕ್ಕೂ ಅಧಿಕ ವರ್ಷದ ವೃದ್ಧರಿಗೆ ಮನೆಯಿಂದಲೇ ಮತದಾನ ಮಾಡಲು ಆಯೋಗ ಅವಕಾಶ ನೀಡಲಾಗಿದೆ. ಈಗಾಗಲೇ ಮನೆಯಿಂದಲೇ ಮತದಾನ ಮಾಡುವ ಪ್ರಕ್ರಿಯೆ ಆರಂಭವಾಗಿದೆ. ಅಶಕ್ತರ ಮನೆಗೆ ತೆರಳಿ ಚುನಾವಣಾ ಅಧಿಕಾರಿಗಳು ಮತದಾನ ಮಾಡಿಸುತ್ತಿದ್ದಾರೆ.

ಇದನ್ನೂ ಓದಿ: ಪ್ರಣಾಳಿಕೆಯಲ್ಲಿ ಬಜರಂಗದಳ ಬ್ಯಾನ್ ಪ್ರಸ್ತಾಪ | ‘ಕೈ’ ನಾಯಕರಲ್ಲೇ ಗೊಂದಲ; ನಿಷೇಧ ಕೈಬಿಡುವಂತೆ ಹಲವರಿಂದ ಒತ್ತಾಯ

ಅರ್ಧ ಗಂಟೆಯಲ್ಲಿ ಇನ್ನಿಲ್ಲ!

ಇದೀಗ ಅಜ್ಜಿಯೊಬ್ಬರು ಮನೆಯಲ್ಲಿ ಮತದಾನ ಮಾಡಿದ ಅರ್ಧಗಂಟೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ತಾಲೂಕಿನ ಅಲಬನೂರು ಗ್ರಾಮದ ಮಂಗಮ್ಮ ರಾಜಪ್ಪ ಅಗಸರ(82) ಮೃತಪಟ್ಟ ಅಜ್ಜಿ. ಈ ವಿಷಯವನ್ನು ಸಹಾಯಕ ಚುನಾವಣಾಧಿಕಾರಿ ಅರುಣ ಎಚ್.ದೇಸಾಯಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ‘ಗಂಭೀರ’ ಸಮಸ್ಯೆಯಿದ್ದರೆ ಕರೆ ಮಾಡಿ… ‘ವಿರಾಟ’ ರೂಪದಲ್ಲಿ ಸಹಾಯ ಮಾಡುತ್ತೇವೆ; ವೈರಲ್ ಆಯ್ತು ಹು-ಧಾ ಪೊಲೀಸರ ಟ್ವೀಟ್

ಪಿಆರ್‌ಓ ದಿನೇಶ ಕೆ.ಪಿ ಹಾಗೂ ಎಪಿಆರ್‌ಓ ಬಸಪ್ಪ ಹೆಚ್. ಹಾಗೂ ಸಿಬ್ಬಂದಿ ಮಂಗಮ್ಮ ಅವರ ಮನೆಗೆ ತೆರಳಿದ್ದರು. ಮತಪತ್ರ ಸಂಖ್ಯೆ 349 ಪಡೆದು ಮಧ್ಯಾಹ್ನ 12.20ರ ಸುಮಾರಿಗೆ ಮತದಾನ ಮಾಡಿದ್ದರು. ಇದಾಗಿ 12.50 ಸುಮಾರಿಗೆ ಅಜ್ಜಿ ನಿಧನರಾಗಿದ್ದಾರೆ.

https://www.vijayavani.net/bihar-man-fined-for-not-wearing-seatbelt-on-his-scooter

https://www.vijayavani.net/hd-deve-gowda-campaigned-for-hd-kumaraswamy-in-channapatna