ಚಿತ್ತೂರು: ಇತ್ತೀಚಿಗೆ ದೇಶ ವಿದೇಶಗಳ ನಡುವಿನ ಲವ್ ಸ್ಟೋರಿಗಳು ಬೆಳಕಿಗೆ ಬರುತ್ತಿದ್ದು, ಈಗಾಗಲೇ ಪಾಕಿಸ್ತಾನ ಸೀಮಾ ಹೈದರ್, ರಾಜಸ್ಥಾನ ಅಂಜು ಎಂಬಾಕೆ ಪಾಕಿಸ್ತಾನಕ್ಕೆ ತೆರಳಿದ್ದು ಸುದ್ದಿ ಇನ್ನೂ ಹಸಿರಾಗಿರುವಂತೆಯೇ, ಸದ್ಯ ಶ್ರೀಲಂಕಾದ ಹುಡುಗಿಯೊಬ್ಬಳು ಆಂಧ್ರ ಪ್ರದೇಶದ ಯುವಕನನ್ನು ವರಿಸಿರುವ ಘಟನೆ ಬೆಳಕಿಗೆ ಬಂದಿದೆ.
ಇದನ್ನೂ ಓದಿ: ಮಹಿಳೆಯರ ಗ್ಯಾಂಗ್ ಕಟ್ಟಿಕೊಂಡು ಎರಡನೇ ಪತ್ನಿಗೆ ಮನಬಂದಂತೆ ಥಳಿಸಿದ ಪತಿಯ ಮೊದಲ ಹೆಂಡತಿ..!
ಚಿತ್ತೂರು ಜಿಲ್ಲೆಯ ವಿ.ಕೋಟ ಮಂಡಲದ ಅರಿಮಾಕುಲಪಲ್ಲೆ ಗ್ರಾಮದ ನಿವಾಸಿಯಾಗಿರುವ ಲಕ್ಷ್ಮಣ್ ಎಂಬ ಯುವಕ, ಶ್ರೀಲಂಕಾದ ಬೆಳಂಗುಡು ಪ್ರದೇಶದ ವಿಘ್ನೇಶ್ವರಿಕಿ ಎಂಬ ಯುವತಿಯೊಂದಿಗೆ ಫೇಸ್ ಬುಕ್ನಲ್ಲಿ ಸ್ನೇಹ ಬೆಳೆಸಿದ್ದು, ಈ ಸ್ನೇಹವು ದಿನಗಳೆದಂತೆ ಪ್ರೀತಿಗೆ ತಿರುಗಿತ್ತು. ಈ ಜೋಡಿಯು ಏಳು ವರ್ಷಗಳಿಂದ ಪ್ರೀತಿಸುತ್ತಿದ್ದು, ಇದೇ ತಿಂಗಳ 8ರಂದು ವಿಘ್ನೇಶ್ವರಿಯು ಪ್ರವಾಸಿ ವೀಸಾ ಪಡೆದುಕೊಂಡು ಚೆನ್ನೈಗೆ ಆಗಮಿಸಿದ್ದಾಳೆ. ಮೇಸ್ತ್ರಿಯಾಗಿ ಜೀವನ ಸಾಗಿಸುತ್ತಿರುವ ಲಕ್ಷ್ಮಣ್, ಅವಳನ್ನು ಆತ್ಮೀಯವಾಗಿ ಸ್ವಾಗತಿಸಿ ತನ್ನ ಮನೆಗೆ ಕರೆತಂದರು.
ಕೊನೆಗೆ ಈ ಜೋಡಿಯು ಜುಲೈ 20ರಂದು ವೆಂಕಟಗಿರಿಕೋಟಾದ ಸಾಯಿಬಾಬಾ ದೇವಸ್ಥಾನದಲ್ಲಿ ವಿವಾಹವಾಗಿದ್ದು, ವಿಶ್ಲೇಶ್ವರಿ ಇಲ್ಲಿ ವಾಸ್ತವ್ಯ ಹೂಡಿರುವ ವಿಷಯ ತಿಳಿದ ಜಿಲ್ಲಾಧಿಕಾರಿಗಳು ಮೂರು ದಿನಗಳ ಹಿಂದೆ ದಂಪತಿಯನ್ನು ಸಂಪರ್ಕಿಸಿದ್ದರು. ಅಲ್ಲದೇ, ಪೊಲೀಸ್ ವರಿಷ್ಠಾಧಿಕಾರಿ ವೈ.ರಿಶಾಂತ್ ರೆಡ್ಡಿ, ಈ ದಂಪತಿಯನ್ನು ಭೇಟಿಯಾಗಿ ಆಕೆಗೆ ಪ್ರವಾಸಿ ವೀಸಾ ಅವಧಿ ಮುಗಿಯುವ ಆಗಸ್ಟ್ 6ರೊಳಗೆ ಶ್ರೀಲಂಕಾಕ್ಕೆ ಮರಳಬೇಕು ಎಂದು ನೋಟಿಸ್ ನೀಡಲಾಗಿದೆ.
ಕಳೆದ ಕೆಲ ದಿನಗಳ ಹಿಂದೆ ಪಾಕಿಸ್ತಾನದ ಸೀಮಾ ಹೈದರ್ ತನ್ನ ಪ್ರಿಯಕರನನ್ನು ಭೇಟಿಯಾಗಲು ಪಾಕಿಸ್ತಾನದಿಂದ ಭಾರತಕ್ಕೆ ಬಂದಿದ್ದರು. ಅದರಂತೆ ಭಾರತ ಮೂಲದ ಅಂಜು ಎಂಬಾಕೆ ಸಾಮಾಜಿಕ ಜಾಲತಾಣದಲ್ಲಿ ಪರಿಚಯವಾದ ನಸ್ರುಲ್ಲಾ ಎಂಬ ವ್ಯಕ್ತಿಯನ್ನು ಪಾಕಿಸ್ತಾನಕ್ಕೆ ತೆರಳಿ ಮತಾಂತರಗೊಂಡು ಮದುವೆಯಾಗಿದ್ದರು. ಜತೆಗೆ ಚೀನಾದ ಗಾವೊ ಪೆಂಗ್(21) ತನ್ನ ಪ್ರಿಯಕರ ಜಾವೇದ್(18)ನನ್ನು ಭೇಟಿಯಾಗಲು ಪಾಕಿಸ್ತಾದ ಇಸ್ಲಾಮಾಬಾದ್ಗೆ ತೆರಳಿದ್ದರು.(ಏಜೆನ್ಸೀಸ್)
