ಹಿಂದಿಯ ಕಿರುತೆರೆಯ ಹಿರಿಯ ನಟಿ ವೀಣಾ ಕಪೂರ್ ಇದೇ ಡಿ. 6ರಂದು ಮುಂಬೈನ ಜುಹುನಲ್ಲಿರುವ ಮನೆಯಲ್ಲಿ 43 ವರ್ಷದ ಪುತ್ರ ಸಚಿನ್ ಕಪೂರ್ನಿಂದಲೇ ಕೊಲೆಯಾಗಿದ್ದರು. ತಾಯಿಯಯನ್ನು ಬೇಸ್ಬಾಲ್ ಬ್ಯಾಟ್ನಿಂದ ಸುಮಾರು 40 ಸಲ ತಲೆಗೆ ಬಾರಿಸಿ ಕೊಲೆ ಮಾಡಿದ್ದ ಪುತ್ರ ಸಚಿನ್, ಬಳಿಕ ಆಕೆಯ ಶವವನ್ನು ಮನೆಗೆಲಸದ ಚೋಟು (ಲಲು ಕುಮಾರ್ ಮಂಡಲ್) ಸಹಾಯದಿಂದ ತೆರವುಗೊಳಿಸಿದ್ದ. ರಕ್ತದ ಕಲೆಯನ್ನು ಚೋಟು ಒರೆಸಿ ಹಾಕಿದ್ದಲ್ಲದೆ, ಶವವನ್ನು ಮೂಟೆಗಟ್ಟಿ ಸಾಗಿಸಿ ಮಹಾರಾಷ್ಟ್ರದ ರಾಯಗಢದಲ್ಲಿನ ನದಿಗೆಸೆಯಲು ನೆರವಾಗಿದ್ದ. ಕೊಲೆಗೂ ಮೊದಲು ಸಚಿನ್ ತಮ್ಮ ಫ್ಲ್ಯಾಟ್ ಇರುವ ಅಪಾರ್ಟ್ಮೆಂಟ್ನ 13 ಸಿಸಿಟಿವಿ ಕ್ಯಾಮರಾಗಳನ್ನು ನಿಷ್ಕ್ರಿಯಗೊಳಿಸಿದ್ದ ಎಂದು ಆತ ವಿಚಾರಣೆ ವೇಳೆ ಹೇಳಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ.
