ಫೇಸ್​​ಬುಕ್ ಸುಂದರಿ ಹಿಂದೆ ಬಿದ್ದ ಗಂಡ; ಮನನೊಂದ ಪತ್ನಿ ಮಾಡಿದ್ದೇನು?

ಕೋಲಾರ: ಸಕ್ರೀಯ ಸಾಮಾಜಿಕ ಜಾಲತಾಣಗಳಲ್ಲಿ ಒಂದಾದ ಫೇಸ್​ಬುಕ್​ನಲ್ಲಿ ದಿನವೂ ಹೊಸ ಹೊಸ ಜನರ ಪರಿಚಯ ಆಗುತ್ತಲೇ ಇರುತ್ತವೆ. ಕೆಲವೊಮ್ಮೆ ಫೇಸ್​ಬುಕ್​ನಲ್ಲಾದ ಪರಿಚಯ ಆತ್ಮೀಯ ಗೆಳೆತನಕ್ಕೆ ಕಾರಣಗುತ್ತದೆ. ಜತೆಗೆ ಅನೇಕರು ಫೇಸ್​ಬುಕ್ ಪರಿಚಯಸ್ಥರನ್ನೇ ಪ್ರೀತಿಸಿ ವಿವಾಹವಾಗಿದ್ದಾರೆ. ಇನ್ನು ಕೆಲವರ ಬಾಳಿನಲ್ಲಿ ಬಿರುಕು ಉಂಟಾಗಲೂ ಕೂಡ ಫೇಸ್​ಬುಕ್ ಕಾರಣವಾಗಿದೆ.

ಇದೀಗ ಇಲ್ಲೊಬ್ಬಳು ವಿವಾಹಿತೆ ತನ್ನ ಗಂಡನ ವಿರುದ್ಧ ಬೇಸತ್ತು ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ್ದಾಳೆ. ಈಕೆಯ ಗಂಡ ಫೇಸ್​ಬುಕ್​ನಲ್ಲಿ ಸಕ್ರೀಯನಾಗಿದ್ದ. ಈ ವೇಳೆ ಸುಂದರಿಯೊಬ್ಬಳ ಪರಿಚಯ, ಆತ್ಮೀಯ ಸ್ನೇಹಕ್ಕೆ ತಿರುಗಿತ್ತು. ಇಬ್ಬರೂ ಪ್ರತಿ ದಿನ ಗಂಟೆಗಟ್ಟಲೇ ಮಾತನಾಡಿಕೊಳ್ಳುತ್ತಿದ್ದರು. ಈ ವಿಚಾರ ಪತ್ನಿಗೆ ಗೊತ್ತಾಗಿದೆ.

ತನ್ನ ಗಂಡ ಶಶಿಕುಮಾರ್ ಫೇಸ್​​ಬುಕ್ ಸುಂದರಿಯ ಹಿಂದೆ ಬಿದ್ದಿರುವುದರಿಂದ ಪತ್ನಿ ಆಶಾರಾಣಿ ನೊಂದುಕೊಂಡಿದ್ದಳು. ಶಶಿಕುಮಾರ್ ಫೇಸ್​ಬುಕ್ ಸುಂದರಿಯನ್ನು ಈ ಹಿಂದೆ ಭೇಟಿಯಾಗಿದ್ದಾಗ ತೆಗೆದಿದ್ದ ಪೋಟೋ ತೋರಿಸಿ ಪತ್ನಿಗೆ ಚಿತ್ರಹಿಂಸೆ ನೀಡುತ್ತಿದ್ದ. ಗಂಡನ ವರ್ತನೆಯಿಂದ ಮನನೊಂದ ಆಶಾರಾಣಿ ವಿಷ ಸೇವಿಸಿ ಆತ್ಮಹತ್ಯೆಗೆ ಮಾಡಿಕೊಳ್ಳಲು ಯತ್ನಿಸಿದ್ದಾಳೆ.

ಈ ಘಟನೆ ಜಿಲ್ಲೆಯ ಶ್ರೀನಿವಾಸಪುರ ತಾಲ್ಲೂಕಿನ ಸೋಮಯಾಜಲಹಳ್ಳಿ ಗ್ರಾಮದಲ್ಲಿ ನಡೆದಿದೆ. ಸದ್ಯ ಆತ್ಮಹತ್ಯೆಗೆ ಯತ್ನಿಸಿ ಬದುಕುಳಿದಿರುವ ಆಶಾರಾಣಿಯನ್ನು ಶ್ರೀನಿವಾಸಪುರ ಸರ್ಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಶ್ರೀನಿವಾಸಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

https://www.vijayavani.net/rowdysheeter-manjunath-arrested-was-threatened-a-woman-to-give-free-fast-food/

https://www.vijayavani.net/tripura-cm-performs-dental-surgery/

https://www.vijayavani.net/sanath-jayasuriya-said-the-real-winner-was-the-sportsmanship-of-rohit-sharma/