ಭಗವದ್ಗೀತೆಯಲ್ಲಿ ಯೋಗೇಶ್ವರ ಶ್ರೀಕೃಷ್ಣನು ಹೇಳುತ್ತಾನೆ: ಅನನ್ಯಾಶ್ಚಿಂತಯನ್ತೋ ಮಾಂ ಯೇ ಜನಾಃ ಪರ್ಯುಪಾಸತೇ, ತೇಷಂ ನಿತ್ಯಾಭಿಯುಕ್ತಾನಂ ಯೋಗಕ್ಷೇಮ ವಹಾಮ್ಯಹಂ - (ಭಕ್ತರು ನಿರಂತರವಾಗಿ ನನ್ನನ್ನು ಧ್ಯಾನಿಸುವಾಗ, ಅವರ ಯೋಗಕ್ಷೇಮ ವನ್ನು ನಾನು ನೋಡಿಕೊಳ್ಳುತ್ತೇನೆ) ಎಂದು ಭರವಸೆ ನೀಡುತ್ತಾನೆ. ಉಪನಿಷತ್ತಿನಲ್ಲಿ ಯೋಗಕ್ಷೇಮಪದವನ್ನು ವ್ಯಕ್ತಿಯ ಆಧ್ಯಾತ್ಮಿಕ ಮತ್ತು ಬೌದ್ಧಿಕ ಕಲ್ಯಾಣವನ್ನು ಸೂಚಿಸಲು ಬಳಸಲಾಗಿದೆ. ಇದು ಆತ್ಮ ಸಾಕ್ಷಾತ್ಕಾರ ಮತ್ತು ದೈಹಿಕ ಸಮತೋಲನವನ್ನು ಪ್ರತಿಪಾದಿಸುತ್ತದೆ. ಪುರಾಣಗಳಲ್ಲಿ ಯೋಗಕ್ಷೇಮ ಪದವು ದೇವತೆಗಳ ಮತ್ತು ಭಕ್ತರ ಕಲ್ಯಾಣವನ್ನು ಸೂಚಿಸಲು ಬಳಸಲಾಗಿದೆ. ಶುಭ - ಮಂಗಳಕರ ಸಂದರ್ಭಗಳಲ್ಲಿ ಯೋಗಕ್ಷೇಮ ಪದವನ್ನು ಶುಭಾಶಯ ರೂಪದಲ್ಲಿ ಬಳಸಲಾಗುತ್ತದೆ. ಇದು ವ್ಯಕ್ತಿಯ ಸಮಗ್ರ ಸುಖ ಮತ್ತು ಸಮೃದ್ಧಿಯನ್ನು ಕೋರುತ್ತದೆ. ಈ ತತ್ವವನ್ನು ಆಧುನಿಕ ಜೀವನದಲ್ಲಿ ಹೇಗೆ ಅಳವಡಿಸಿ ಕೊಳ್ಳಬಹುದು? ಅದು ಆರೋಗ್ಯ, ಆರ್ಥಿಕ ಸ್ಥಿರತೆ, ಆತ್ಮ ಚಿಂತನೆ, ಸಾಮಾಜಿಕ ಸುಧಾರಣೆ ಮತ್ತು ಪರಿಸರ ಸಂರಕ್ಷಣೆಗೆ ಹೇಗೆ ಅನ್ವಯಿಸುತ್ತದೆ?
