ದೆಹಲಿ: ವಿಶ್ವದಾದ್ಯಂತ ಮಿಲಿಯನ್ಗಟ್ಟಲೇ ಬಳಕೆದಾರರನ್ನು ಹೊಂದಿರುವ ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್ ವಾಟ್ಸ್ಆ್ಯಪ್ ತನ್ನ ಗ್ರಾಹಕರಿಗಾಗಿ ಮತ್ತೊಂದು ಅದ್ಭುತ ಫೀಚರ್ನ್ನು ಹೊರತಂದಿದೆ.
ಇದನ್ನೂ ಓದಿ: ಪ್ರಿಯತಮೆಯ ಗಂಡನ ಪ್ರಾಣ ತೆಗೆದು, ಮೃತದೇಹವನ್ನು 6 ತುಂಡುಗಳಾಗಿ ಕತ್ತರಿಸಿದ ಪ್ರಿಯಕರ
ಈ ಹಿಂದೆ, ವಾಟ್ಸ್ಆ್ಯಪ್ ಬಳಕೆದಾರರು ಬೇರೆಯವರೊಂದಿಗೆ ಸಂಭಾಷಣೆಯನ್ನು ಪ್ರಾರಂಭಿಸುವ ಮೊದಲು, ಆ ವ್ಯಕ್ತಿಯ ಮೊಬೈಲ್ ಸಂಖ್ಯೆಯನ್ನು ಸೇವ್ ಮಾಡಿಕೊಳ್ಳಬೇಕಾದ ಅನಿವಾರ್ಯತೆ ಇತ್ತು. ಆದರೆ ಸದ್ಯ, ವಾಟ್ಸ್ಆ್ಯಪ್ ಗ್ರಾಹಕರ ಅನುಕೂಲಕ್ಕಾಗಿ ಬಳಕೆದಾರರು ಯಾವುದೇ ನಂಬರ್ನ್ನು ತಮ್ಮ ಮೊಬೈಲ್ನಲ್ಲಿ ಸೇವ್ ಮಾಡದೇ ಅಪರಿಚಿತ ಸಂಖ್ಯೆಗಳೊಂದಿಗೆ ಚಾಟ್ ಮಾಡಲು ಅನುಮತಿಸುತ್ತದೆ.
ಸದ್ಯ ಈ ಫೀಚರ್, ಈ ಹೊಸ ಅಪ್ಡೇಟ್ ವಾಟ್ಸ್ಆ್ಯಪ್ನ ಇತ್ತೀಚಿನ ಆವೃತ್ತಿಯಲ್ಲಿ ಲಭ್ಯವಿದ್ದು, ಕೆಲವು ಬಳಕೆದಾರರಿಗೆ ಮಾತ್ರ ದೊರಕಿದೆ. ಶೀಘ್ರದಲ್ಲೇ ಇತರ ಗ್ರಾಹಕರಿಗೂ ಈ ಫೀಚರ್ ಸಿಗಲಿದೆ ಎನ್ನಲಾಗಿದ್ದು, ಆ್ಯಂಡ್ರಾಯ್ಡ್ ಮತ್ತು iOS ಬಳಕೆದಾರರು ಇದರ ಪ್ರಯೋಜನವನ್ನು ಪಡೆಯಬಹುದಾಗಿದೆ. ವಾಟ್ಸ್ಆ್ಯಪ್ನಲ್ಲಿ ಸ್ಟಾರ್ಟ್ ನ್ಯೂ ಚಾಟ್ ಬಟನ್ ಕ್ಲಿಕ್ ಮಾಡಿ, ನೇರವಾಗಿ ಫೋನ್ ನಂಬರ್ ನಮೂದಿಸಿ ಮೆಸೇಜ್ ಕಳುಹಿಸಬಹುದಾಗಿದೆ ಎಂದು ಹೇಳಲಾಗಿದೆ.(ಏಜೆನ್ಸೀಸ್)
