ಆಂಧ್ರಪ್ರದೇಶ: ಬಹಳ ದಿನಗಳಿಂದ ತಮಿಳು ಚಿತ್ರರಂಗದ ಸ್ಟಾರ್ ನಟ ದಳಪತಿ ವಿಜಯ್ ಶೀಘ್ರವೇ ರಾಜಕೀಯಕ್ಕೆ ಕಾಲಿಡಲಿದ್ದಾರೆ ಎಂಬ ವದಂತಿಗಳು ಸಾಮಾಜಿಕ ಜಾಲತಾಣ ಸೇರಿದಂತೆ ಮಾಧ್ಯಮಗಳಲ್ಲಿ ಸಿಕ್ಕಾಪಟ್ಟೆ ಹರಿದಾಡುತ್ತಿತ್ತು. ಕೆಲವರು ಇಲ್ಲ ನಟ ತನ್ನ ಅಭಿಮಾನಿಗಳಿಗಾಗಿ ರಾಜಕೀಯಕ್ಕೆ ಇಳಿಯುವುದಿಲ್ಲ, ಹೀಗಾದರೆ ಸಿನಿಮಾ ಕಥೆ ಏನು? ಎಂಬ ಆತಂಕವನ್ನು ಮುಂದಿಟ್ಟಿದ್ದರು. ಆದ್ರೆ, ಇದೀಗ ಈ ಸುದ್ದಿ ಸತ್ಯವಾಗಿದ್ದು, 'ತಮಿಳಿಗ ವೆಟ್ರಿ ಕಳಗಂ' ಎಂಬ ಪಕ್ಷವನ್ನು ವಿಜಯ್ ಸ್ಥಾಪಿಸಿದ್ದಾರೆ. ಈ ಮುಖೇನ ತಮ್ಮ ಅಪಾರ ಅಭಿಮಾನಿಗಳಿಗೆ ಖುಷಿ ಹಂಚಿದ ದಳಪತಿ, ಸದ್ಯ ಮುಂದಿನ ಕೆಲಸಗಳತ್ತ ಹೆಜ್ಜೆಯಿಟ್ಟಿದ್ದಾರೆ. ಆದರೆ ಇದೆಲ್ಲದರ ಮಧ್ಯೆ ಒಂದು ವಿಷಯ ಮಾತ್ರ ವ್ಯಾಪಕವಾಗಿ ಸೋಷಿಯಲ್ ಮೀಡಿಯಾವನ್ನು ಸುತ್ತುವರೆದಿದೆ.
