ಜಲ ಸಂರಕ್ಷಣೆಗೆ ಬೇಕು ದೃಢ ಸಂಕಲ್ಪ

ರಾಜೇಂದ್ರ ಮತ್ತಿನ್ನಿತರ ರೈತರು ವಾಣಿಜ್ಯ ಬೆಳೆಗಳಾದ ಅಕ್ಕಿ, ಅಡಿಕೆ, ತೆಂಗಿನಕಾಯಿ, ಅರಿಶಿಣ ಮತ್ತು ವರ್ಷವಿಡೀ ನೀರಿನ ಅವಶ್ಯಕತೆಯನ್ನುಳ್ಳ ಬೆಳೆಗಳನ್ನು ಬೆಳೆಯುತ್ತಾರೆ. ‘ನಾವು ಕೇವಲ ಆರು ತಿಂಗಳಿಗಾಗಿ ಬೆಳೆಗಳನ್ನು ಬೆಳೆಯುವಂತಹ, ಒಣಗಿದ ಭೂಮಿಯಲ್ಲಿ ಬೆಳೆಗಳನ್ನು ಬೆಳೆಯುವಂತಹ ರೈತರಲ್ಲ. ಇಲ್ಲಿ ಎಲ್ಲ ರೈತರೂ ಪಂಪ್​ಸೆಟ್ಟುಗಳನ್ನು, ಬೋರ್ವೆಲ್​ಗಳನ್ನು ಹೊಂದಿರುವವರೇ. ಪುನರ್ಜಲೀಕರಣ ಕಟ್ಟಡಗಳ ನಿರ್ಮಾಣ ಸರಳವಾದ ಉಪಾಯವಾಗಿದ್ದು, ಈ ತಾಲೂಕಿನ ರೈತರು ಇದರಿಂದ ಬಹಳ ಲಾಭ ಪಡೆದಿದ್ದಾರೆ’ ಎಂದು ರಾಜೇಂದ್ರ ವಿವರಿಸಿದರು.

‘ಐದಾರು ವರ್ಷಗಳ ಹಿಂದೆ ನೀರು ಬೋರ್ವೆಲ್​ಗಳಲ್ಲಿ ಪೂರ್ಣವಾಗಿ ಬತ್ತಿ ಹೋಗಿತ್ತು. ಈ ಪುನರ್ಜಲೀಕರಣ ಕಟ್ಟಡಗಳನ್ನು ಮಾಡಿದಾಗ ನೀರು 40-45 ಅಡಿಗಳಿಗೇ ಸಿಗಲು ಆರಂಭವಾಯಿತು. ಈಗ 10-12 ಅಡಿಗಳಿಗೇ ಬೋರ್ವೆಲ್​ನಲ್ಲಿ ನೀರು ಸಿಗುತ್ತದೆ. ಮೊದಲು ನಮಗೆ ಯಾವ ರೀತಿಯಾಗಿ ನೀರು ಸಿಗುತ್ತಿತ್ತೋ, ಅದೇ ರೀತಿಯಾಗಿ ಈಗ ನೀರು ನಮಗೆ ಸಿಗಲು ಆರಂಭವಾಗಿದೆ’ ಎನ್ನುತ್ತಾರೆ ರೈತರು. ಈ ಪ್ರದೇಶದ ದೇವರಾಜ್, ‘ನೀರು ಕಡಿಮೆಯಾದಾಗ ನಾವು ಬೆಳೆಯುವ ಬೆಳೆಯೂ ಕಡಿಮೆಯಾಗುತ್ತದೆ. ಈಗ ಸಮಯಕ್ಕೆ ಸರಿಯಾಗಿ ನೀರು ಸಿಗುವುದರಿಂದ ಬೆಳೆಯೂ ಚೆನ್ನಾಗಿ ಬೆಳೆಯುತ್ತದೆ. ಹಿಂದಿಗಿಂತಲೂ ನಾವು ಈಗ ಒಂದೊಂದು ಬೆಳೆಗೂ 10,000-15,000 ರೂಪಾಯಿಗಳನ್ನು ಹೆಚ್ಚಾಗಿ ಗಳಿಸುತ್ತಿದ್ದೇವೆ. ಹೀಗೇ ಬೇಸಿಗೆಯಲ್ಲಿ ಮುಂದುವರಿದರೆ, ಹೆಚ್ಚು ಬೆಳೆ ಲಭ್ಯವಾಗುತ್ತದೆ. ಎರಡು ಬೆಳೆಗಳನ್ನು ಬೆಳೆಯುವವರಿಗೆ ಇದರಿಂದ ಹೆಚ್ಚು ಲಾಭ. ಒಂದೇ ಬೆಳೆಯನ್ನು ಬೆಳೆಯುವವರಿಗೆ ಕಡಿಮೆ ಲಾಭ’ ಎನ್ನುತ್ತಾರೆ.

ಪುನರ್ಜಲೀಕರಣ ಕಟ್ಟಡಗಳ ನಿರ್ಮಾಣ ಹೇಗಾಗುತ್ತದೆ?

• 15-20 ಅಡಿಗಳಷ್ಟು ಗುಂಡಿ ಅಗೆಯುವುದು. ಅದರ ನಂತರ, ಸಿಮೆಂಟಿನ ರಿಂಗ್ ಹಾಕುವುದು.
• ನಂತರ ಆ ರಿಂಗಿನ ಸುತ್ತಲೂ ಕಲ್ಲುಗಳನ್ನು ಹಾಕುವುದು.
• ಕಲ್ಲುಗಳ ಮೇಲೆ ದೊಡ್ಡ ಬೌಲ್ಡರ್​ಗಳನ್ನು ಹಾಕುವುದು.
• ಜೆಲ್ಲಿ ಕಲ್ಲುಗಳನ್ನು ರಿಂಗಿನ ಒಳಗೆ ಹಾಕಿ, ಅದನ್ನು ಮುಚ್ಚಳದಿಂದ ಮುಚ್ಚುವುದು. ನೀರು ಅದರ ಮೂಲಕ ಭೂಮಿಯೊಳಗೆ ಹೋಗುತ್ತದೆ.

‘2021ರಲ್ಲಿ ಈ ಯೋಜನೆಯಲ್ಲಿ ಕೆಲಸ ಮಾಡಲು ಆರಂಭಿಸಿದೆವು. ನಾವೆಲ್ಲರೂ ಜೊತೆಯಾಗಿ ಕೆಲಸ ಮಾಡಿದೆವು. ಇದರಿಂದಾಗಿ ನಮಗೆಲ್ಲರಿಗೂ ಇದರಲ್ಲಿ ಪೂರ್ಣ ಅನುಭವ ಈಗ ಬಂದಾಗಿದೆ. 100% ಫಲಿತಾಂಶ ನಮಗೆ ದೊರೆತಿದೆ. ಆ ಗುಂಡಿಗಳಿಂದ ನೀರು ಉಕ್ಕಿ ಬರುತ್ತಿರುವುದನ್ನು ನಾವೆಲ್ಲರೂ ಕಂಡಿದ್ದೇವೆ. ಇದು ಬೇರೆ ರೈತರಿಗೂ ಸಹಾಯವಾಗುತ್ತದೆ’ ಎನ್ನುತ್ತಾರೆ ರಾಜೇಂದ್ರ. ಹೀಗೆ ಜಲ ಸ್ವಾವಲಂಬನೆ ನಿಟ್ಟಿನಲ್ಲಿ ಸಣ್ಣ ಹೊಂಡಗಳು ದೊಡ್ಡ ಪರಿಹಾರ ಒದಗಿಸುತ್ತಿರುವುದು ಖುಷಿಯ ಸಂಗತಿ.

(ಲೇಖಕರು ಆಧ್ಯಾತ್ಮಿಕ ಗುರುಗಳು)

https://www.vijayavani.net/ex-bigg-boss-contestant-marries-for-the-third-time

https://www.vijayavani.net/chaos-erupted-in-marriage-hall-ami-ex-lover-entry