ಈ ಅವಕಾಶದಿಂದಲೇ ದೀಪಿಕಾ, ಕತ್ರಿನಾ ರಾತ್ರೋ ರಾತ್ರಿ ಸ್ಟಾರ್​ ಆಗಿದ್ದು! ವಿಜಯ್ ಮಲ್ಯ ಓಪನ್ ಟಾಕ್​ | Vijay Mallya

Vijay Mallya: ಕಿಂಗ್​ಫಿಶರ್​ ಏರ್​ಲೈನ್ಸ್​ ಮಾಲೀಕನಾಗಿ ಮೆರೆದ ಉದ್ಯಮಿ ವಿಜಯ್​ ಮಲ್ಯ, ಆರ್​ಸಿಬಿ ಚೊಚ್ಚಲ ಟ್ರೋಫಿ ಗೆದ್ದ ಬೆನ್ನಲ್ಲೇ ಟ್ವೀಟ್ ಮಾಡಿ ಅಭಿನಂದಿಸಿದರು. ಸದ್ಯ ಭಾರತದಿಂದ ಹೊರಗಿರುವ ಮಲ್ಯ ಬಹಳ ವರ್ಷಗಳ ನಂತರ ಸಂದರ್ಶನವೊಂದರಲ್ಲಿ ಭಾಗಿಯಾಗಿ ತಮ್ಮ ಮನದಾಳದ ಮಾತುಗಳನ್ನು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಮಾನ್ಸೂನ್​ ಪ್ರಬಲಕ್ಕೆ ಪೂರಕ ವಾತಾವರಣ ಹಿನ್ನೆಲೆ: ಜೂ.12ರಿಂದ ರಾಜ್ಯದಲ್ಲಿ ಮುಂಗಾರು ಬಿರುಸು

2000ದ ದಶಕದಲ್ಲಿ, ಹೆಸರಾಂತ ಏರ್​ಲೈನ್ಸ್​ ಬ್ರ್ಯಾಂಡ್​ನಿಂದಲೇ ಭಾರೀ ಖ್ಯಾತಿ ಮತ್ತು ಚರ್ಚೆಗೆ ಗ್ರಾಸವಾಗಿದ್ದ ವಿಜಯ್ ಮಲ್ಯ, ಕಿಂಗ್‌ಫಿಷರ್ ಕ್ಯಾಲೆಂಡರ್​ ಅನ್ನು ಬಿಡುಗಡೆಗೊಳಿಸಿದ್ದರು. ಇದು 2003ರಲ್ಲಿ ಛಾಯಾಗ್ರಾಹಕ ಅತುಲ್ ಕಸ್ಬೇಕರ್ ಅವರೊಂದಿಗೆ ಬಿಡುಗಡೆಯಾದ ದಿಟ್ಟ ವಾರ್ಷಿಕ ಕ್ಯಾಲೆಂಡರ್ ಆಗಿತ್ತು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಾಲೀಕತ್ವವನ್ನು ವಹಿಸಿಕೊಂಡಿದ್ದ ವಿಜಯ್ ಮಲ್ಯ, ಒಂದಷ್ಟು ಕ್ರಿಮಿನಲ್​ ಪ್ರಕರಣಗಳಿಂದ ಜನಪ್ರಿಯತೆಯ ಅಮಲನ್ನು ತೊರೆದು ಸದ್ಯ ವಿದೇಶದಲ್ಲಿ ಕುಳಿತಿದ್ದಾರೆ. ಇದೀಗ ಆರ್​ಸಿಬಿ ಚೊಚ್ಚಲ ಕಪ್​ ಗೆದ್ದ ಬೆನ್ನಲ್ಲೇ ರಾಜ್ ಶಮಾನಿ ಅವರ ಪಾಡ್​ಕಾಸ್ಟ್​ನಲ್ಲಿ ಮಲ್ಯ ಮುಕ್ತವಾಗಿ ಮಾತನಾಡಿದ್ದಾರೆ.

ರಾತ್ರೋ ರಾತ್ರಿ ಸ್ಟಾರ್ ಪಟ್ಟ!

"ಬಾಲಿವುಡ್​ ನಟಿಯರಾದ ದೀಪಿಕಾ ಪಡುಕೋಣೆ, ಕತ್ರಿನಾ ಕೈಫ್‌ವರೆಗೆ ಎಲ್ಲರೂ ಅಂದು ನಮ್ಮ ಕಿಂಗ್​ಫಿಶರ್​ ಕ್ಯಾಲೆಂಡರ್‌ನ ಭಾಗವಾಗಿದ್ದರು. ಇವರೆಲ್ಲ ರಾತ್ರೋ ರಾತ್ರಿ ಸ್ಟಾರ್​ ಆದರು. ಅದು ದೀಪಿಕಾ ಆಗಿರಲಿ ಅಥವಾ ಕತ್ರಿನಾ ಆಗಿರಲಿ, ನಾವು ಸರಿಯಾದ ಹಾಗೂ ಸೂಕ್ತ ಯುವತಿಯರನ್ನೇ ಆಯ್ಕೆ ಮಾಡಿದ್ದೀವಿ. ಒಳ್ಳೊಳ್ಳೆ ಯುವ ಪ್ರತಿಭೆಗಳನ್ನೇ ನಮ್ಮ ತಂಡದ ಭಾಗವಾಗಿ ಆಯ್ಕೆ ಮಾಡಿಕೊಂಡೆವು. ಬಹುತೇಕ ನಟಿಮಣಿಯರು ಮತ್ತು ಸ್ಟಾರ್​ಗಳು ನಮ್ಮ ಕ್ಯಾಲೆಂಡರ್​ನಲ್ಲಿ ಬಹಳ ಚಿಕ್ಕ ವಯಸ್ಸಿನಲ್ಲೇ ಭಾಗಿಯಾಗಿದ್ದರು. ಈ ಬ್ರ್ಯಾಂಡ್​ ಒಂದು ದೊಡ್ಡದಾಗಿ ಬೆಳೆಯಿತು" ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮರವೂರು ಸೇತುವೆ -ಮರಕಡ ರಸ್ತೆ ಅಗಲೀಕರಣಕ್ಕೆ ಸಂಸದ ಕ್ಯಾ. ಬ್ರಿಜೇಶ್ ಚೌಟ ಆಗ್ರಹ

2003ರ ಮೊದಲ ಕಿಂಗ್​ಫಿಶರ್​ ಕ್ಯಾಲೆಂಡರ್​ ಆವೃತ್ತಿಯಲ್ಲಿ ಕತ್ರಿನಾ ಕೈಫ್ ಕಾಣಿಸಿಕೊಂಡರೆ, 2006ರಲ್ಲಿ ದೀಪಿಕಾ ಪಡುಕೋಣೆ ಕಾಣಿಸಿಕೊಂಡರು. ಅದಾದ ನಂತರ ಇಬ್ಬರೂ ಬಾಲಿವುಡ್ ಸ್ಟಾರ್ ನಟಿಯರಾಗಿ ಗುರುತಿಸಿಕೊಂಡರು,(ಏಜೆನ್ಸೀಸ್).

https://www.vijayavani.net/these-cricketers-should-be-in-top-5-in-ind-vs-eng-test