ಹೇ ಪ್ರಭು.. ಇಂತಹ ಯೋಚನೆಗಳು ಎಲ್ಲಿಂದ ಬರುತ್ತವೆ? ಸೊಳ್ಳೆ ಬ್ಯಾಟ್‌ನಿಂದ ಇದನ್ನೂ ಮಾಡಬಹುದಾ?

ಬೆಂಗಳೂರು: ಸೋಷಿಯಲ್ ಮೀಡಿಯಾ ಬಂದ ನಂತರ ರೀಲ್​ಗಳು ಹೆಚ್ಚಾಗಿ ಹೆಸರು ಮತ್ತು ಹಣಕ್ಕೋಸ್ಕರ ಯಾರ್ಯಾರೋ ವೀಡಿಯೋಗಳಲ್ಲಿ ಏನೇನೋ ಮಾಡುವುದನ್ನು ನಿತ್ಯ ನೋಡುತ್ತುರುತ್ತೇವೆ. ಅವುಗಳಲ್ಲಿ ಕೆಲವು ಆಕರ್ಷಕವಾಗಿದ್ದರೆ, ಇನ್ನು ಕೆಲವು ನಗೆಪಾಟಲಿಗೀಡಾಗಿವೆ. ಕೆಲವರು ವೀಕ್ಷಣೆಗಳು ಮತ್ತು ಇಷ್ಟಗಳಿಗಾಗಿ ತಮಾಷೆಯ ಪ್ರಯೋಗಗಳನ್ನು ಮಾಡುವ ಮೂಲಕ ಪ್ರಭಾವ ಬೀರಲು ಪ್ರಯತ್ನಿಸುತ್ತಾರೆ. ಅಂತಹುದೇ ಒಂದು ಪ್ರಯೋಗ ಇಲ್ಲಿ ನಡೆದಿದೆ. ಮಹಿಳೆಯೊಬ್ಬರು ಸೊಳ್ಳೆ ಬ್ಯಾಟ್ ಬಳಸಿ ಬ್ರೆಡ್ ತುಂಡುಗಳನ್ನು ಸುಡುತ್ತಿದ್ದಾಳೆ. ಈ ವಿಡಿಯೋ ಸದ್ಯಕ್ಕೆ ವೈರಲ್ ಆಗುತ್ತಿದೆ. ಇದನ್ನು ನೋಡಿದ್ರೆ ನಗು ತಡೆಯೋಕಾಗಲ್ಲ.

ಇದನ್ನೂ ಓದಿ:1 ರೂಪಾಯಿ ಸಹ ಖರ್ಚಿಲ್ಲ, ಹತ್ತೇ ನಿಮಿಷದಲ್ಲಿ ಕೋಲ್ಡ್​ವಾಟರ್ ರೆಡಿ! ಈ ತಂತ್ರ ನೀವೂ ಬಳಸಬಹುದು..​ 

ವೀಡಿಯೊವನ್ನು ಇನ್​ಸ್ಟಾಗ್ರಾಮ್​ ಹ್ಯಾಂಡಲ್ tulika_world_official ನಲ್ಲಿ ಹಂಚಿಕೊಳ್ಳಲಾಗಿದೆ. ಆ ವೈರಲ್ ವಿಡಿಯೋದಲ್ಲಿ ಮಹಿಳೆಯೊಬ್ಬರು ಸೊಳ್ಳೆ ಬ್ಯಾಟ್ ಬಳಸಿ ಬ್ರೆಡ್ ತುಂಡುಗಳನ್ನು ಸುಡುತ್ತಿದ್ದಾರೆ. ಆಕೆ ಸೊಳ್ಳೆ ಬ್ಯಾಟ್ ಹಿಡಿದು ಹಾಸಿಗೆಯ ಮೇಲೆ ಕುಳಿತು ಅದರ ಮೇಲೆ ಬ್ರೆಡ್ ತುಂಡುಗಳನ್ನು ಹಾಕಿದಳು. ಹುರಿದಂತೆ ಮಾಡಿ ನಂತರ ಅವು ರುಚಿಯಾಗಿವೆ ಎಂಬಂತೆ ವರ್ತಿಸಿ ತಿನ್ನುತ್ತಾಳೆ. ವೀಡಿಯೋಗೆ `` ಬ್ರೆಡ್ ಟೋಸ್ಟಿಂಗ್‌ಗೆ ಇದೊಂದು ಹೊಸ ತಂತ್ರ’’ ಎಂದು ಶೀರ್ಷಿಕೆಯನ್ನೂ ನೀಡಲಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಈ ವೈರಲ್ ವೀಡಿಯೊ ಲಕ್ಷಾಂತರ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಸುಮಾರು 10 ಸಾವಿರ ಲೈಕ್‌ಗಳು ಬಂದಿವೆ. ಈ ವಿಡಿಯೋಗೆ ನೆಟಿಜನ್‌ಗಳು ತಮ್ಮ ಪ್ರತಿಕ್ರಿಯೆಗಳನ್ನು ವ್ಯಕ್ತಪಡಿಸಿದ್ದಾರೆ. ನೆಟಿಜನ್‌ಗಳು ``ಬ್ರೆಡ್ ವಿತ್ ಸೊಳ್ಳೆ ಸ್ಯಾಂಡ್‌ವಿಚ್'', ``ನೀವು ಸೊಳ್ಳೆಗಳ ರುಚಿಯನ್ನು ಸವಿಯಬಹುದು'', ``ದಯವಿಟ್ಟು ಇದನ್ನು ಮಾಡಬೇಡಿ'', ``ಇದು ಕೇವಲ ವೀಕ್ಷಣೆ ಮತ್ತು ಲೈಕ್‌ಗಳಿಗಾಗಿ ಮಾಡಿದ ವಿಡಿಯೋ'', ` "ತುಂಬಾ ತಮಾಷೆ" ಎಂದೆಲ್ಲ ನೆಟ್ಟಿಗರು ಎಚ್ಚರಿಸಿದ್ದಾರೆ.

https://www.vijayavani.net/naveen-chandra-role-highlight-in-chiranjeevi-starrer-viswambhara-movie