ದೇಶ ಸೇವೆ ಛಲ ಸುಮ್ಮನೆ ಕೂರಿಸಲಿಲ್ಲ: ಬೆಂಗಳೂರಿನ ಬಿಐಟಿನಲ್ಲಿ ಇಂಜಿನಿಯರಿಂಗ್ ಮುಗಿಸಿ 3 ವರ್ಷ ಸಿಸ್ಕೋ ಕಂಪನಿಯಲ್ಲಿ ಕೆಲಸ ಮಾಡಿ ಆನಂತರ ಯುಪಿಎಸ್ಸಿ ಪರೀಕ್ಷೆಗೆ ಸಿದ್ಧತೆ ನಡೆಸಿದ್ದರು. ಸತತ ಪ್ರಯತ್ನದ ನಡುವೆ, ಭಾರತೀಯ ಕಂದಾಯ ಸೇವೆ (ಐಆರ್ಎಸ್) ಹುದ್ದೆ ಪಡೆದು ಕೆಲಸ ಮಾಡುತ್ತಿದ್ದಾರೆ. ಇಷ್ಟಕ್ಕೆ ಸುಮ್ಮನಾಗದ ಅವರು ಉನ್ನತ ಅಧಿಕಾರದಲ್ಲಿದ್ದು, ದೇಶ ಸೇವೆ ಮಾಡಬೇಕೆಂಬ ಛಲವನ್ನು ಮುಂದುವರೆಸಿದರು. ಈ ಹಿಂದೆ ಐಎಎಸ್ ಹಾಗೂ ಐಪಿಎಸ್ ಕರ್ನಾಟಕ ಕೇಡರ್ಗೆ ಸಿಗಬೇಕಾಗಿದ್ದ ಅವಕಾಶ ಸ್ವಲ್ಪದರಲ್ಲಿಯೇ ಕೈ ತಪ್ಪಿತ್ತು. ಆದರೆ, ನನ್ನ ಪ್ರಯತ್ನ ಬಿಡದೇ, 2019ನೇ ಸಾಲಿನ ಕೊನೆಯ ಪ್ರಯತ್ನದಲ್ಲಿ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ.
