H1B ವೀಸಾಗೆ 1 ಲಕ್ಷ ಡಾಲರ್! ಭಾರತೀಯರ ಮೇಲೆ ಹೊಸ ಬಾಂಬ್​ ಸಿಡಿಸಿದ ಟ್ರಂಪ್

ಅಮೇರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇದೀಗ ಹೊಸ ಎಚ್​ಒನ್​ಬಿ (H1B ) ವೀಸಾಗಳ ಮೇಲೆ ಯಾರು ಊಹಿಸಲಾರದಷ್ಟು ಅಂದರೆ ಒಂದು ಲಕ್ಷ ಡಾಲರ್, ಅಂದರೆ ಸುಮಾರು 85 ಲಕ್ಷ ರೂ. ಫೀಸ್​ ಘೋಷಿಸಿದ್ದಾರೆ. ಇದು ಪ್ರತಿ ಕಂಪನಿಯ ಮೇಲಲ್ಲ. ಇದು ಪ್ರತಿ ಅಭ್ಯರ್ಥಿಯ ಮೇಲಾಗಿದೆ. ಹೀಗಾಗಿ ಈ ಘೋಷಣೆ ಎಲ್ಲೆಡೆಯೂ ಅಲ್ಲೋಲಕಲ್ಲೋಲ ಸೃಷ್ಟಿಸಿದೆ.

ಇದನ್ನೂ ಓದಿ: ಮಲಯಾಳಂ ಸೂಪರ್ ಸ್ಟಾರ್ ಮೋಹನ್​ ಲಾಲ್​ಗೆ 2023ನೇ ಸಾಲಿನ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ಗರಿ| Mohanlal

ಪ್ರತಿವರ್ಷ ಅಮೆರಿಕವು 65,000 ಹೊಸ H1B ವೀಸಾಗಳನ್ನು ಕೊಡುತ್ತದೆ. ಇದರಲ್ಲಿ ಬಹಳಷ್ಟು ಅಂದ್ರೆ ಶೇ.70ಕ್ಕೂ ಹೆಚ್ಚು ಪಾಲು ಭಾರತ ದೇಶಕ್ಕೆ ಹೋಗುತ್ತದೆ. ಈ ಹೊಸ ನಿಯಮದಿಂದ ಭಾರತೀಯರ "ಅಮೆರಿಕನ್ ಡ್ರೀಮ್" ನುಚ್ಚು ನೂರಾಗಲಿದೆ. ಬಹಳಷ್ಟು ಭಾರತೀಯರು ಅಮೆರಿಕಕ್ಕೆ H1B ವೀಸಾ ಮೂಲಕ ಬಂದು ನಂತರ ಗ್ರೀನ್ ಕಾರ್ಡ ಅಪ್ಲೈ ಮಾಡಿ, ಕೊನೆಗೆ ಯುಎಸ್ಎ ಪೌರತ್ವ ( ಅಂದರೆ ಸಿಟಿಜನ್ ಶಿಪ್) ಪಡೆಯುತ್ತಾರೆ.

ಟ್ರಂಪ್ ಅವರು ಮೋದಿಯವರ 75ನೇ ಹುಟ್ಟುಹಬ್ಬಕ್ಕೆ ವಿಶ್ ಮಾಡಿ, "ಮೋದಿ ನನ್ನ ಉತ್ತಮ ಗೆಳೆಯ" ಎಂದು ಹೇಳಿ, ನಂತರ ಎರಡೇ ದಿನಗಳಲ್ಲಿ ಬೆನ್ನಿಗೆ ಚೂರಿ ಇರಿದಿದ್ದಾರೆ. ಟ್ರಂಪ್​ರನ್ನು ಅರ್ಥ ಮಾಡಿಕೊಳ್ಳಲು ಯಾರಿಗೂ ಸಾಧ್ಯವಿಲ್ಲ. H1B ವೀಸಾದ ಮುಖ್ಯ ಉದ್ದೇಶ ಅಮೆರಿಕದಲ್ಲಿಲ್ಲದ ಅತ್ಯಂತ ಹೆಚ್ಚಿನ ಕೌಶಲ್ಯದ ( highly skilled labor) ಪ್ರತಿಭಾವಂತರನ್ನು ಹೊರದೇಶಗಳಿಂದ ತರುವುದು. ಆದರೆ, ಬಹಳಷ್ಟು ಕಂಪನಿಗಳು ಉದಾಹರಣೆಗೆ ಟಿಸಿಎಸ್, ಇನ್ಫೋಸಿಸ್, ವಿಪ್ರೋ, ಗೂಗಲ್, ಮೈಕ್ರೋಸಾಫ್ಟ್, ಅಮೆಜಾನ್ ಮುಂತಾದ ಕಂಪನಿಗಳು ಇದನ್ನು ವಿದೇಶಗಳಿಂದ, ಕಳಪೆ ಗುಣಮಟ್ಟದ ಸಾಮಾನ್ಯ ಪ್ರತಿಭೆಯ ( avarage skilled) ವ್ಯಕ್ತಿಗಳನ್ನು ತಂದು, ಅವರಿಗೆ ತುಂಬಾ ಕಡಿಮೆ ಸಂಬಳ ಕೊಟ್ಟು ಅಮೆರಿಕದ ಜನಗಳಿಗೆ ಕೆಲಸ ಸಿಗದಂತೆ ದುರ್ಬಳಕೆ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಸೆ.22ರಿಂದ ಮಂಗಳೂರು ದಸರಾ ವೈಭವ, ಜನಾರ್ದನ ಪೂಜಾರಿಯವರ ಅಧ್ಯಕ್ಷತೆಯಲ್ಲಿ ದಸರಾ ಮಹೋತ್ಸವಕ್ಕೆ ಚಾಲನೆ

ಈ ದುರ್ಬಳಕೆಯನ್ನು ತಪ್ಪಿಸಲು ಟ್ರಂಪ್ H1B ವೀಸಾ ಫೀಸ್ ನೂರಾರು ಪಟ್ಟು ಹೆಚ್ಚಿಸಿದ್ದಾರೆ. ಮುಂದಿನ ವರ್ಷಗಳಲ್ಲಿ ಈ ನಿರ್ಧಾರ ಭಾರತೀಯರ ಮೇಲೆ, ಭಾರತೀಯ ಸಾಫ್ಟ್​ವೇರ್​ ಕಂಪನಿಗಳ ಮೇಲೆ ತುಂಬಾ ಪರಿಣಾಮ ಬೀರಲಿದೆ. ಜೊತೆಗೆ ಅಮೇರಿಕಾದ ಎಕಾನಮಿ ಮೇಲೆ ಸಹಿತ ಇದು ದುಷ್ಪರಿಣಾಮ ಬೀಳುವ ಸಾಧ್ಯತೆ ಇದೆ. ಒಟ್ಟಿನಲ್ಲಿ ಮುಂದಿನ ದಿನಗಳಲ್ಲಿ ನಾವು ತುಂಬಾ ಅನಿಶ್ಚಿತೆಯನ್ನು ಎದುರಿಸಬೇಕಿದೆ.

https://www.vijayavani.net/ind-vs-pak-press-meet-cancelled-by-pakistan