ತ್ರಿಪಕ್ಷೀಯ ಸಭೆಯಲ್ಲಿ ಚೀನಾಕ್ಕೆ ಪರೋಕ್ಷ ಚಾಟಿ

ಗಡಿ ಬಿಕ್ಕಟ್ಟು ಪರಿಹಾರಕ್ಕೆ ಭಾರತ ಮತ್ತು ಚೀನಾ ಮಧ್ಯೆ ಮಾತುಕತೆ ನಡೆದಿರುವ ಬೆನ್ನಿಗೆ ರಷ್ಯಾ, ಭಾರತ ಮತ್ತು ಚೀನಾ (ಆರ್​ಐಸಿ) ವಿದೇಶಾಂಗ ಸಚಿವರು ಮಂಗಳವಾರ ಮಹತ್ವದ ಸಭೆ ನಡೆಸಿದ್ದಾರೆ. ಈ ಸಭೆಯಲ್ಲಿ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಚೀನಾಗೆ ಪರೋಕ್ಷವಾಗಿ ಚಾಟಿ ಬೀಸಿದರು. ನಾಜಿಗಳ ವಿರುದ್ಧ ರಷ್ಯಾ ಎರಡನೇ ಮಹಾಯುದ್ಧ ಗೆದ್ದ 75ನೇ ವರ್ಷಾಚರಣೆಯ ವಿಜಯೋತ್ಸವದ ಹಿನ್ನೆಲೆಯಲ್ಲಿ ಈ ತ್ರಿಪಕ್ಷಿಯ ಸಭೆ ನಡೆದಿದೆ.

ಗಲ್ವಾನ್ ಘರ್ಷಣೆ ಕುರಿತಂತೆ ಜೂನ್ 17ರಂದು ನಡೆದ ಮಾತುಕತೆ ವೇಳೆ ಚೀನಾದ ವಿದೇಶಾಂಗ ವಾಂಗ್ ಯಿ ಅವರ ಬೆವರಿಳಿಸಿದ್ದ ಜೈಶಂಕರ್, ಈಗ ವಿಡಿಯೋ ಕಾನ್ಪರೆನ್ಸ್ ಮೂಲಕ ಮೊದಲ ಬಾರಿಗೆ ವಾಗ್ ಯಿರನ್ನು ಮುಖಾಮುಖಿಯಾಗಿದ್ದರು. ಭದ್ರತಾ ಸುರಕ್ಷತೆ, ಆರ್ಥಿಕ ಸ್ಥಿರತೆಗೆ ಸಂಬಂಧಿಸಿದಂತೆ ವಿಶ್ವದ ಪ್ರಸ್ತುತ ಪ್ರಮುಖ ಸವಾಲುಗಳ ಬಗ್ಗೆ ಸಭೆಯಲ್ಲಿ ರ್ಚಚಿಸಲಾಗಿದೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: ಮತ್ತೆ 20 ದಿನ ದೇಶಾದ್ಯಂತ ಕಂಪ್ಲೀಟ್​ ಲಾಕ್​ಡೌನ್​?

ಗಲ್ವಾನ್ ಘಟನೆ ಬಳಿಕ ರಷ್ಯಾದ ಜತೆಗೆ ಸಚಿವರ ಮಟ್ಟದಲ್ಲಿ ನಡೆದ ಮೊದಲ ಸಭೆ ಇದಾಗಿದ್ದರೂ ಘರ್ಷಣೆಗೂ ಮೊದಲು ರಾಜ ತಾಂತ್ರಿಕ ಮಟ್ಟದಲ್ಲಿ ಎರಡು ಬಾರಿ ಭಾರತ-ರಷ್ಯಾ ನಡುವೆ ಗಡಿ ಉದ್ವಿಗ್ನತೆ ಕುರಿತು ಮಾಹಿತಿ ವಿನಿಯಮಯವಾಗಿದೆ. ಜೂನ್ 15ರ ಘಟನೆ ಬಳಿಕ ರಷ್ಯಾದ ಉಪವಿದೇಶಾಂಗ ಸಚಿವರ ಮಧ್ಯೆ ಮಾತುಕತೆ ನಡೆದಿತ್ತು.

ಇದನ್ನೂ ಓದಿ: 10,000ದ ಸನಿಹಕ್ಕೆ ಕೋವಿಡ್-19 ಕೇಸ್​: ಬೆಂಗಳೂರಿನಲ್ಲೇ ಅಧಿಕ 107 ಪ್ರಕರಣ

ಚೀನಾಕ್ಕೆ ಬೆಂಬಲ ನೀಡುವ ರಷ್ಯಾ?: ಭಾರತ ಮತ್ತು ಚೀನಾ ಆರ್​ಐಸಿ ಸಭೆಯಲ್ಲಿ ರಷ್ಯಾ ಮೂಲಕ ಮುಖಾಮುಖಿಯಾಗಿದ್ದರೂ ಗಡಿ ಬಿಕ್ಕಟ್ಟಿನ ವಿಷಯದಲ್ಲಿ ರಷ್ಯಾದ ಪಾತ್ರ ಭಾರತದ ಪರವಾಗಿರುವುದು ಅನುಮಾನವಾಗಿದೆ. ಏಕೆಂದರೆ ಕಳೆದ ಕೆಲ ವರ್ಷಗಳಿಂದ ರಷ್ಯಾ ಮತ್ತು ಚೀನಾ ನಡುವೆ ವ್ಯಾಪಾರ, ಹೂಡಿಕೆ ಹೆಚ್ಚಿದೆ ಹಾಗೂ ಕರೊನಾ ವೈರಸ್​ನ ಕಾರಣ ಚೀನಾ ವಿರುದ್ಧ ಅಮೆರಿಕ ತಿರುಗಿ ಬಿದ್ದಿದ್ದಾಗಲೂ ರಷ್ಯಾ ಚೀನಾದ ಬೆಂಬಲಕ್ಕಿತ್ತು ಎಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ರಾಜನಾಥ್ ರಷ್ಯಾ ಭೇಟಿ: ಮೂರು ದಿನಗಳ ರಷ್ಯಾ ಪ್ರವಾಸದಲ್ಲಿರುವ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಸೋಮವಾರ ತಡರಾತ್ರಿ ಮಾಸ್ಕೊ ತಲುಪಿದ್ದಾರೆ. ರಷ್ಯಾದ ರಕ್ಷಣಾ ಸಚಿವರೊಂದಿಗೆ ಮಹತ್ವದ ಸಭೆ ನಡೆಸಲಿದ್ದು, ಉಭಯ ದೇಶಗಳ ನಡುವೆ ರಕ್ಷಣಾ ಸಹಭಾಗಿತ್ವವನ್ನು ಹೆಚ್ಚಿಸುವ ಕುರಿತು ಮಾತುಕತೆ ನಡೆಸಲಿದ್ದಾರೆ ಎಂದು ತಿಳಿದುಬಂದಿದೆ. ಜತೆಗೆ ಮುಂದಿನ ಕೆಲ ತಿಂಗಳಲ್ಲಿ ರಷ್ಯಾದಿಂದ ಭಾರತಕ್ಕೆ ಬರುವ ಶಸ್ತ್ರಾಸ್ತ್ರಗಳ ಬಗ್ಗೆಯೂ ಚರ್ಚೆಯಾಗಲಿದೆ. 2ನೇ ಮಹಾಯುದ್ಧದ ಜಯಗಳಿಸಿದ 75ನೇ ವರ್ಷಾಚರಣೆ ಹಿನ್ನೆಲೆ ಬುಧವಾರ ನಡೆಯಲಿರುವ ಪರೇಡ್​ನಲ್ಲಿ ರಾಜನಾಥ್ ಸಿಂಗ್ ಭಾಗಿಯಾಗಲಿದ್ದಾರೆ. ಈ ವೇಳೆ ಚೀನಾದ ರಕ್ಷಣಾ ಸಚಿವ ಜನರಲ್ ವೀ ಫೆಂಗ್ ಕೂಡ ಭಾಗವಹಿಸಲಿದ್ದಾರೆ ಎಂದು ತಿಳಿದುಬಂದಿದೆ.

https://www.vijayavani.net/science-behind-suicides/