ಈ ಪಕ್ಷ ಅಧಿಕಾರಕ್ಕೆ ಬಂದರೆ... ಹೆಣ್ಣುಮಕ್ಕಳಿಗೆ ಉಚಿತ ಸ್ಕೂಟಿ, ವಿದ್ಯುತ್ ಬಿಲ್ ರಿಯಾಯಿತಿ​, ರೈತರ ಸಾಲ ಮನ್ನಾ!

ಲಖನೌ: 2022ರ ಮೊದಲ ಭಾಗದಲ್ಲಿ ನಡೆಯಲಿರುವ ಉತ್ತರಪ್ರದೇಶದ ವಿಧಾನಸಭಾ ಚುನಾವಣೆಗಾಗಿ ಕಾಂಗ್ರೆಸ್ ತನ್ನ ಪ್ರಣಾಳಿಕೆಯನ್ನು ಹೊರಬಿಟ್ಟಿದೆ. ಇಂದು ಯುಪಿಯ ಬಾರಾಬಂಕಿಯಲ್ಲಿ ಪಕ್ಷದ 'ಪ್ರತಿಗ್ಯಾ ಯಾತ್ರಾ'ಗೆ ಚಾಲನೆ ನೀಡಿದ ಕಾಂಗ್ರೆಸ್​ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕ ಗಾಂಧಿ, ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದರೆ ಹತ್ತುಹಲವು ಸೌಲಭ್ಯಗಳನ್ನು ನೀಡುವ ಭರವಸೆಗಳುಳ್ಳ ಚುನಾವಣಾ ಪ್ರಣಾಳಿಕೆಯನ್ನು ಬಿಡುಗಡೆ ಮಾಡಿದರು.

"ನಮ್ಮ ಪ್ರಣಾಳಿಕೆಯ ಕೆಲವು ಮುಖ್ಯ ವಾಯ್ದೆಗಳೆಂದರೆ ಶಾಲೆಗೆ ಹೋಗುವ ಹೆಣ್ಣುಮಕ್ಕಳಿಗೆ ಉಚಿತ ಈ-ಸ್ಕೂಟಿ ಮತ್ತು ಮೊಬೈಲ್​ ಫೋನುಗಳ ವಿತರಣೆ, ರೈತರ ಸಾಲ ಮನ್ನಾ, ಬಡಕುಟುಂಬಗಳಿಗೆ ಪ್ರತಿವರ್ಷ 25 ಸಾವಿರ ರೂಪಾಯಿ ನೀಡಿಕೆ, ಎಲ್ಲರಿಗೂ ಅರ್ಧಪಟ್ಟು ವಿದ್ಯುತ್ ಬಿಲ್ ಮತ್ತು ಕೋವಿಡ್ ಅವಧಿಯ ಎಲ್ಲಾ ಬಾಕಿ ವಿದ್ಯುತ್ ಬಿಲ್​ಗಳನ್ನು ಮನ್ನಾ ಮಾಡುವುದು" ಎಂದು ಪ್ರಿಯಾಂಕ ಹೇಳಿದರು.

ಇದನ್ನೂ ಓದಿ: ರಸ್ತೆ ಗುಂಡಿಗಳ ವಿರುದ್ಧ ಎಎಪಿ ಕಾರ್ಯಪಡೆ, ವಾಟ್ಸಾಪ್ ಸಹಾಯವಾಣಿ

ಇವೆಲ್ಲದರೊಂದಿಗೆ 20 ಲಕ್ಷ ಉದ್ಯೋಗಗಳನ್ನು ಸೃಷ್ಟಿಸುವ ಭರವಸೆಯನ್ನೂ ನೀಡಿರುವ ಕಾಂಗ್ರೆಸ್​​ ಪ್ರಣಾಳಿಕೆಯು, ಬಹುತೇಕ ಸಮಾಜ ಕಲ್ಯಾಣ ಯೋಜನೆಗಳಿಗೇ ಆದ್ಯತೆ ನೀಡಿದೆ. ಅಕ್ಕಿ ಮತ್ತು ಗೋಧಿಗೆ ಕ್ವಿಂಟಾಲ್​​ಗೆ 2500 ರೂಪಾಯಿ ಎಂಎಸ್​ಪಿ ಮತ್ತು ಕಬ್ಬಿಗೆ 400 ರೂ. ಎಂಎಸ್​ಪಿ ನೀಡುವುದಾಗಿಯೂ ಕಾಂಗ್ರೆಸ್​ ಆಶ್ವಾಸನೆ ನೀಡಿದೆ.

ಆಡಳಿತಾರೂಢ ಬಿಜೆಪಿ ಮತ್ತು ವಿರೋಧಪಕ್ಷವಾದ ಸಮಾಜವಾದಿ ಪಾರ್ಟಿಗಳು ಇನ್ನೂ ಚುನಾವಣಾ ಪ್ರಣಾಳಿಕೆ ಪ್ರಕಟಿಸಿಲ್ಲ. ಈ ಕೆಲಸ ಮಾಡಿದ ಮೊದಲಿಗ ಪಕ್ಷವಾಗಿ ಕಾಂಗ್ರೆಸ್​ ಮತದಾರರ ಒಲವು ಸೆಳೆಯುವತ್ತ ಗಮನ ಕೇಂದ್ರೀಕರಿಸಿದೆ. (ಏಜೆನ್ಸೀಸ್)

https://www.vijayavani.net/cji-says-courts-functioning-in-dilapidated-buildings/

https://www.vijayavani.net/lakhimpur-kheri-case-3-more-people-arrested/