ನಿಮಗಿದು ಗೊತ್ತಾ? ಜಗತ್ತಿನಲ್ಲಿ ಈ 5 ದೇಶಗಳ ಮುಖ್ಯಸ್ಥರು ಭಾರತ ಮೂಲದವರು!

ಬೆಂಗಳೂರು: ಹೌದು! ಈಗ ಇಡೀ ಜಗತ್ತಿನಲ್ಲಿ ಒಟ್ಟು ಐದು ದೇಶಗಳ ಮುಖ್ಯಸ್ಥರು ಭಾರತ ಮೂಲದವರಾಗಿದ್ದಾರೆ. ಇದೀಗ 5ನೇ ದೇಶವಾಗಿ ಬ್ರಿಟನ್​ ಈ ಪಟ್ಟಿಗೆ ಸೇರಿದೆ. ಈ ಐದು ದೇಶಗಳ ವಿವರ ನಿಮಗೆ ಗೊತ್ತಾ?...

ಮಾರಿಷಸ್: ಭಾರತದ ನೈರುತ್ಯಕ್ಕೆ ಇರುವ ಈ ಪುಟ್ಟ ರಾಷ್ಟ್ರದ ಅಧ್ಯಕ್ಷ ಪೃಥ್ವಿರಾಜ್​ ಸಿಂಗ್​ ರೂಪುನ್​ ಎಂದು. ಇವರು ಭಾರತ ಮೂಲದ ವ್ಯಕ್ತಿಯಾಗಿದ್ದು ಇದೀಗ ಮಾರಿಷಸ್​ನ ಅಧ್ಯಕ್ಷರಾಗಿದ್ದಾರೆ. ಇನ್ನೂ ಕುತೂಹಲಕಾರಿ ಸಂಗತಿ ಏನೆಂದರೆ ಅಲ್ಲಿನ ಪ್ರಧಾನಿಯೂ ಭಾರತ ಮೂಲದವರೇ!

ಬ್ರಿಟನ್​: ರಿಷಿ ಸುನಕ್​ ಯುಕೆ ಪ್ರಧಾನಿ ಆಗಿ ಆಯ್ಕೆ ಆಗಿದ್ದಾರೆ. ಎಲ್ಲರಿಗೂ ತಿಳಿದಿರುವಂತೆ ಇವರು ಇನ್ಫೋಸಿಸ್ ಮುಖ್ಯಸ್ಥ ನಾರಾಯಣ ಮೂರ್ತಿ ಅಳಿಯ. ಇವರು ಭಾರತ ಹಾಗೂ ಆಫ್ರಿಕಾ ಹಿನ್ನೆಲೆ ಉಳ್ಳವರು.

ಗುಯಾನಾ: ಆಫ್ರಿಕಾ ಖಂಡದ ಉತ್ತರ ಭಾಗದಲ್ಲಿ ಇರುವ ಈ ಪುಟ್ಟ ರಾಷ್ಟ್ರದ ಅಧ್ಯಕ್ಷ ಡಾ| ಇರ್ಫಾನ್ ಅಲಿ. ಇವರು ಲೆನೊರಾದ ಇಂಡೋ-ಗುಯನೀಸ್​ ಕುಟುಂಬಕ್ಕೆ ಸೇರಿದವರು.

ಸೇಶೆಲ್ಸ್​: ಹಿಂದೂ ಮಹಾಸಾಗರದಲ್ಲಿ ಇರುವ ಆಫ್ರಿಕನ್ ದೇಶದ ಅಧ್ಯಕ್ಷ ವೇವಲ್​ ರಾಮಕಲಾವನ್​. ಇವರ ತಾತ ಬಿಹಾರ ಮೂಲದವರು ಎಂದು ತಿಳಿದುಬಂದಿದೆ.

ಸುರಿನಮೆ: ಇದು ಗುಯಾನಾ ದೇಶದ ಪಕ್ಕದಲ್ಲೇ ಇರುವ ಮತ್ತೊಂದು ಸಣ್ಣ ಆಫ್ರಿಕನ್​ ದೇಶ . ಇಲ್ಲಿ ಚಾನ್​ ಸಂತೋಕಿ ಎಂಬುವವರು ಅಧ್ಯಕ್ಷರಾಗಿದ್ದಾರೆ. ಇವರ ಪೂರ್ತಿ ಹೆಸರು ಚಂದ್ರಿಕಪೆರ್ಸಾದ್​ ಸಂತೋಕಿ ಎಂದು

ಸಿಂಗಾಪುರ್​: ಜಗತ್ತಿನ ಅತೀ ಶ್ರೀಮಂತ ರಾಷ್ಟ್ರಗಳಲ್ಲಿ ಒಂದು ಎಂದು ಕರೆಯಿಸಿಕೊಳ್ಳುವ ಈ ಪುಟ್ಟ ರಾಷ್ಟ್ರದ ಅಧ್ಯಕ್ಷೆಯ ತಂದೆ ಭಾರತ ಮೂಲದವರು. ಅಂದ ಹಾಗೆ ಇವರ ಹೆಸರು ಹಲಿಮಾ ಯಕೂಬ್. ಇವರು ಸಿಂಗಾಪುರದ 8ನೇ ಅಧ್ಯಕ್ಷರಾಗಿದ್ದಾರೆ.

ಇತ್ತೀಚೆಗೆ ಜಗತ್ತಿನಾದ್ಯಂತ ಭಾರತೀಯ ಮೂಲ ಹೊಂದಿರುವ ಅಧ್ಯಕ್ಷರ ಸಂಖ್ಯೆ ಹೆಚ್ಚಾಗುತ್ತಿದೆ. ಇದು ಕಾಕತಾಳೀಯ ಹಾಗೂ ಕುತೂಹಲಾಕರಿ ಸಂಗತಿಯಾಗಿದೆ.

https://www.vijayavani.net/sunak-chitta-towards-volume-formation/

https://www.vijayavani.net/katapadi-ravi-related-special-article/

https://www.vijayavani.net/these-are-the-hero-and-heroines-of-dhonis-first-film/