ಸಮಾಧಿಯಿಂದ ಹುಡುಗಿಯ ಶವ ಹೊರತೆಗೆದು ಅತ್ಯಾಚಾರ? ಆರೋಪಿಗಳಿಬ್ಬರ ಬಂಧನ, ಜನರ ಆಕ್ರೋಶ! Dead body

ರಾಂಚಿ: ಹುಡುಗಿಯ ಶವ ( Dead body ) ದ ಮೇಲೆ ಅತ್ಯಾಚಾರ ಎಸಗಿದ್ದಾರೆ ಎನ್ನಲಾಗದ ಆಘಾತಕಾರಿ ಘಟನೆ ಜಾರ್ಖಂಡ್ ರಾಜ್ಯದ ರಾಜ್‌ಗಂಜ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಭಾನುವಾರ ರಾತ್ರಿ ಬೆಳಕಿಗೆ ಬಂದಿದೆ.

ಘಟನೆಗೆ ಸಂಬಂಧಿಸಿದಂತೆ ದೊರೆತ ಮಾಹಿತಿಯ ಪ್ರಕಾರ, ಹುಡುಗಿಯ ಮೃತದೇಹವನ್ನು ರಾಜ್‌ಗಂಜ್ ಪ್ರದೇಶದ ಸ್ಮಶಾನದಲ್ಲಿ ಹೂಳಲಾಗಿತ್ತು. ಶವವನ್ನು ಸಮಾಧಿಯಿಂದ ಹೊರತೆಗೆದು ಇಬ್ಬರು ಹುಡುಗರು ಅತ್ಯಾಚಾರ ಎಸಗಿದ್ದಾರೆ ಎನ್ನಲಾಗಿದೆ. ಈ ವಿಚಾರವಾಗಿ ಸ್ಥಳೀಯರು ಭಾರೀ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಮಾಹಿತಿ ಪಡೆದ ತಕ್ಷಣ ರಾಜಗಂಜ್ ಪೊಲೀಸರು ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದು, ತನಿಖೆ ಆರಂಭಿಸಿದ್ದಾರೆ.

ಇದನ್ನೂ ಓದಿ: ಕೆಲ್ಸಕ್ಕಿಂತ ರೀಲ್ಸ್​ ಮೂಲಕವೇ ಸದ್ದು ಮಾಡಿದ IAS ಅಧಿಕಾರಿ! ಇವರನ್ನು ಕಂಡ್ರೆ ಹಿರಿಯ ಅಧಿಕಾರಿಗಳಿಗೆ ಹೊಟ್ಟೆಕಿಚ್ಚಂತೆ | Oshin Sharma

ಈ ಪ್ರಕರಣದಲ್ಲಿ ಇಬ್ಬರು ಆರೋಪಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳದ ಹೊರತು ತಮ್ಮ ಆಕ್ರೋಶ ನಿಲ್ಲುವುದಿಲ್ಲ ಎಂದು ಜನರು ಪ್ರತಿಭಟನೆ ನಡೆಸಿದರು. ಪೊಲೀಸರು ಎಲ್ಲರನ್ನು ಸಮಾಧಾನಪಡಿಸಿ ಮನೆಗೆ ಕಳುಹಿಸಿದ್ದಾರೆ. ಘಟನೆಯಲ್ಲಿ ಭಾಗಿಯಾಗಿರುವ ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಪೊಲೀಸರು ಕೂಡ ಜನರಿಗೆ ಭರವಸೆ ನೀಡಿದ್ದಾರೆ.

ಈ ಘಟನೆ ಕುರಿತು ಎಸ್‌ಡಿಪಿಒ ಪುರುಷೋತ್ತಮ್ ಸಿಂಗ್ ಕೂಡ ಹೇಳಿಕೆ ನೀಡಿದ್ದಾರೆ. ರಾಜ್‌ಗಂಜ್ ಪೊಲೀಸ್ ಠಾಣೆಯಲ್ಲಿರುವ ಸಮಾಧಿಯನ್ನು ಹಾಳು ಮಾಡಿರುವ ಬಗ್ಗೆ ನಮಗೆ ಮಾಹಿತಿ ಬಂದಿತು. ಕೂಡಲೇ ಸ್ಥಳಕ್ಕೆ ತಲುಪಿದೆವು ಮತ್ತು ಅಲ್ಲಿಗೆ ಹೋದಾಗ ಸಮಾಧಿಯಿಂದ ಸ್ವಲ್ಪ ಮಣ್ಣನ್ನು ತೆಗೆದಿರುವುದನ್ನು ನೋಡಿದೆವು. ಮೃತದೇಹ ಕೂಡ ಇನ್ನೂ ಸಮಾಧಿಯಲ್ಲಿದೆ. ಆದರೆ, ಮೃತದೇಹವನ್ನು ತಿರುಚಲಾಗಿದೆ ಮತ್ತು ಬಲತ್ಕಾರ ನಡೆದಿದೆ ಎಂದು ಪ್ರತಿಭಟನಾಕಾರರು ಆರೋಪಿಸಿದ್ದು, ಈ ಬಗ್ಗೆ ತನಿಖೆ ನಡೆಸುತ್ತಿದ್ದೇವೆ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/kichcha-sudeepa-angry-bigg-boss-organizers-agree-to-correct-mistakes

https://www.vijayavani.net/actress-ranjitha-on-sex-tape-controversy-used-bedroom-scenes-to-make-fun-of-her-mentally