'ದಿ ಆರ್ಚೀಸ್' ಮುಖೇನ ಚಿತ್ರರಂಗಕ್ಕೆ ಶಾರೂಖ್​ ಪುತ್ರಿ ಎಂಟ್ರಿ!; ಸುಹಾನಾಗೆ ಹರಿದುಬಂತು ವ್ಯಾಪಕ ಅಭಿನಂದನೆ

ಮುಂಬೈ: ಬಾಲಿವುಡ್​ನ ಕಿಂಗ್​ ಖಾನ್​, ನಟ ಶಾರೂಖ್​ ಖಾನ್​ ಪುತ್ರಿ ಸುಹಾನಾ ಖಾನ್​ ಇದೀಗ ಒಟಿಟಿ ಸಿನಿಮಾದ ಮುಖೇನ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದು, ಇಂದು 'ದಿ ಆರ್ಚೀಸ್' ಟ್ರೇಲರ್ ಅಧಿಕೃತವಾಗಿ​ ಯೂಟ್ಯೂಬ್​ನಲ್ಲಿ ಬಿಡುಗಡೆಗೊಂಡಿತು. ಈ ಸಿನಿಮಾದ ಮುಖೇನ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಶಾರೂಖ್​ ಪುತ್ರಿಗೆ ಇದೀಗ ಸಿನಿಪ್ರೇಕ್ಷಕರಿಂದ ವ್ಯಾಪಕ ಮೆಚ್ಚುಗೆ, ಅಭಿನಂದನೆ ವ್ಯಕ್ತವಾಗುತ್ತಿದೆ.

ಇದನ್ನೂ ಓದಿ: ನ.11ರಂದು ಕುದ್ರೋಳಿ ಕ್ಷೇತ್ರದಲ್ಲಿ 24 ನೇ ವರ್ಷದ ನಮ ್ಮಕುಡ್ಲ ಗೂಡುದೀಪ ಸ್ಪರ್ಧೆಗುಣಪಾಲ ಕಡಂಬ, ರೋಹನ್ ಮೊಂತೆರೋ, ದಿನೇಶ್ ಕೋಡಪದವುಗೆ ಪ್ರಶಸ್ತಿ ಪ್ರದಾನ

ತಮ್ಮ ಪುತ್ರಿ ಸುಹಾನಾ ಖಾನ್ ಅಭಿನಯದ 'ದಿ ಆರ್ಚೀಸ್' ಟ್ರೇಲರ್​ ನೋಡಿದ ಶಾರೂಖ್​ ಖಾನ್​, ಮಗಳ ನಟನೆಯನ್ನು ಶ್ಲಾಘಿಸಿ, ಜೋಯಾ ಅಖ್ತರ್ ಅವರು 'ಚಿತ್ರಕ್ಕೆ ಮುಗ್ಧ ಮತ್ತು ಪ್ರಾಚೀನ ಗುಣಮಟ್ಟವನ್ನು ಸೃಷ್ಟಿಸಿದ್ದಾರೆ' ಎಂದು ಹೇಳಿದ್ದಾರೆ. ಸದ್ಯ ಚಿತ್ರದ ಟ್ರೇಲರ್​ಗೆ ಪಾಸಿಟಿವ್​ ರೆಸ್ಪಾನ್ಸ್​ ವ್ಯಕ್ತವಾಗುತ್ತಿದೆ. ಚಿತ್ರದಲ್ಲಿ ಸುಹಾನಾ ಖಾನ್, ಖುಷಿ ಕಪೂರ್, ಅಗಸ್ತ್ಯ ನಂದಾ, ವೇದಂಗ್ ರೈನಾ ಮುಂತಾದವರು ಕಾಣಿಸಿಕೊಂಡಿದ್ದಾರೆ.

'ದಿ ಆರ್ಚೀಸ್' ಟ್ರೇಲರ್​ ವೀಕ್ಷಿಸಿ, ಟ್ವೀಟ್​ ಮಾಡಿದ ಶಾರೂಖ್, ಇದೊಂದು ಸಮಕಾಲೀನ ವಿಷಯ. ಜೋಯಾ ಚಲನಚಿತ್ರಕ್ಕೆ ಅಂತಹ ಮುಗ್ಧ ಮತ್ತು ಪ್ರಾಚೀನ ಗುಣಮಟ್ಟವನ್ನು ಸೃಷ್ಟಿಸಿದ್ದಾರೆ. ಈ ಸಿಹಿ ಮತ್ತು ಅರ್ಥಪೂರ್ಣ ಮೋಜಿನ ಚಿತ್ರದಲ್ಲಿ ತೊಡಗಿಸಿಕೊಂಡಿರುವ ಇಡೀ ತಂಡಕ್ಕೆ ಆಲ್ ದಿ ಬೆಸ್ಟ್ ಎಂದು ಶುಭಕೋರಿದ್ದಾರೆ.

ಇದನ್ನೂ ಓದಿ: ಪ್ರಶ್ನೆಗಾಗಿ ನಗದು ಪ್ರಕರಣ: ಲೋಕಸಭೆಯಿಂದ ಮಹುವಾ ಮೊಯಿತ್ರಾ ಉಚ್ಚಾಟನೆ?

ಈ ಚಿತ್ರದಲ್ಲಿ ಶಾರೂಖ್ ಖಾನ್​ ಅತಿಥಿ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. 'ದಿ ಆರ್ಚೀಸ್' ಚಿತ್ರವನ್ನು ಜೋಯಾ ಅಖ್ತರ್ ನಿರ್ದೇಶಿಸಿದ್ದು, ಅಖ್ತರ್, ರೀಮಾ ಕಾಗ್ತಿ ಮತ್ತು ಆಯೇಶಾ ದೇವಿತ್ರೆ ಧಿಲ್ಲೋನ್ ಕಥೆ ಬರೆದಿದ್ದಾರೆ. ಈ ಚಲನಚಿತ್ರವು ಜನಪ್ರಿಯ ಅಮೇರಿಕನ್ ಕಾಮಿಕ್ ಪುಸ್ತಕ ಸರಣಿಯನ್ನು ಆಧರಿಸಿದೆ.

'ದಿ ಆರ್ಚೀಸ್' ಇದೇ ಡಿಸೆಂಬರ್ 7, 2023 ರಂದು ನೆಟ್​​ಫ್ಲಿಕ್ಸ್​ನಲ್ಲಿ ಬಿಡುಗಡೆಯಾಗಲಿದೆ. ಈಗಾಗಲೇ ಸಿನಿಮಾದ ಎರಡು ಹಾಡುಗಳನ್ನು ಚಿತ್ರ ತಯಾರಕರು ಸಾಮಾಜಿಕ ಜಾಲತಾಣದಲ್ಲಿ ಬಿಡುಗಡೆಗೊಳಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/diwali-special-recipes-akki-payasa-and-laddu