ವೋಟ್ ಬ್ಯಾಂಕ್ ರಾಜಕೀಯದಲ್ಲಿ ತೊಡಗಿರುವ ಟ್ರುಡೊ ಸರ್ಕಾರಕ್ಕೆ ಶ್ರೀಲಂಕಾ ತರಾಟೆ!

ಕೊಲಂಬೊ: ಲಿಬರೇಶನ್ ಟೈಗರ್ಸ್ ಆಫ್ ತಮಿಳ್ ಈಳಂ (ಎಲ್‌ಟಿಟಿಇ) ವಿರುದ್ಧದ ಜನಾಂಗೀಯ ಸಂಘರ್ಷದ ಬಗ್ಗೆ ಸತತವಾಗಿ ಅಪಪ್ರಚಾರ ಮಾಡುವ ಮೂಲಕ ವೋಟ್ ಬ್ಯಾಂಕ್ ರಾಜಕೀಯದಲ್ಲಿ ತೊಡಗಿರುವ ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೊ ಅವರನ್ನು ಶ್ರೀಲಂಕಾ ಸರ್ಕಾರ ಮತ್ತೊಮ್ಮೆ ತರಾಟೆಗೆ ತೆಗೆದುಕೊಂಡಿದೆ.

ಇದನ್ನೂ ಓದಿ: ನಾಯಿ ಉಪಚಾರ: ರತನ್ ಟಾಟಾಗೆ ನಟಿ ರೂಪಾಲಿ ಗಂಗೂಲಿ ಶ್ಲಾಘನೆ

ಈ ವಾರದ ಆರಂಭದಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದಲ್ಲಿ ಕೆನಡಾದ ಅಂತರರಾಷ್ಟ್ರೀಯ ಅಭಿವೃದ್ಧಿಯ ಉಪ ಮಂತ್ರಿ ಕ್ರಿಸ್ಟೋಫರ್ ಮ್ಯಾಕ್ಲೆನ್ನನ್ ಅವರೊಂದಿಗಿನ ಸಭೆಯಲ್ಲಿ, ಲಂಕಾದ ವಿದೇಶಾಂಗ ಕಾರ್ಯದರ್ಶಿ ಅರುಣಿ ವಿಜೆವರ್ಧನೆ ಕಳವಳವನ್ನು ವ್ಯಕ್ತಪಡಿಸಿದರು.

ಶ್ರೀಲಂಕಾದೊಂದಿಗೆ ಕೆನಡಾ ರಚನಾತ್ಮಕ ರೀತಿಯಲ್ಲಿ ತೊಡಗಿಸಿಕೊಳ್ಳಬೇಕು. ಸಮನ್ವಯವನ್ನು ಸುಲಭಗೊಳಿಸಲು ಇಂತಹ ಸುಳ್ಳು ಆರೋಪಗಳನ್ನು ಮಾಡುವುದನ್ನು ನಿಲ್ಲಿಸಬೇಕು ಎಂದು ಕೆನಡಾವನ್ನು ವಿದೇಶಾಂಗ ಕಾರ್ಯದರ್ಶಿ ವಿಜೆವರ್ಧನೆ ವಿನಂತಿಸಿದರು.

ಇದಕ್ಕೆ ಪ್ರತಿಕ್ರಿಯೆಯಾಗಿ, ಕೆನಡಾದ ಉಪ ಸಚಿವರು ಶ್ರೀಲಂಕಾದ ಸಮನ್ವಯ ಪ್ರಯತ್ನಗಳನ್ನು ಶ್ಲಾಘಿಸಿದರು. ದ್ವೀಪರಾಷ್ಟ್ರದ ಕಳವಳವನ್ನು ಕೆನಡಾದ ಸಂಬಂಧಿತ ಅಧಿಕಾರಿಗಳಿಗೆ ತಿಳಿಸುವ ಭರವಸೆ ನೀಡಿದರು.

ಕೆನಡಾದ ಹೈಕಮಿಷನರ್ ಎರಿಕ್ ವಾಲ್ಷ್, ಕೆನಡಾದ ಹೈಕಮಿಷನ್ ಅಧಿಕಾರಿಗಳು ಮತ್ತು ವಿದೇಶಾಂಗ ಸಚಿವಾಲಯದ ಹಿರಿಯ ಅಧಿಕಾರಿಗಳು ಸಭೆಯಲ್ಲಿ ಉಪಸ್ಥಿತರಿದ್ದರು.

ಶ್ರೀಲಂಕಾದಲ್ಲಿ 15 ವರ್ಷ ರಕ್ತಸಿಕ್ತ ಅಂತರ್ಯುದ್ಧ ನಡೆದಿದ್ದನ್ನು ಗುರುತಿಸುವ ಮೂಲಕ ಟ್ರೂಡೊ ಮೇ 18 ಅನ್ನು 'ತಮಿಳು ನರಮೇಧದ ನೆನಪಿನ ದಿನ' ಎಂದು ಗೊತ್ತುಪಡಿಸಿದ್ದರು.

"ಎರಡು ವರ್ಷಗಳ ಹಿಂದೆ, ಕೆನಡಾದ ಸಂಸತ್ತು ಮೇ 18 ಅನ್ನು ತಮಿಳು ಜನಾಂಗೀಯ ಹತ್ಯೆಯ ಸ್ಮರಣಾರ್ಥ ದಿನವೆಂದು ಗುರುತಿಸಲು ಸರ್ವಾನುಮತದಿಂದ ಮತ ಹಾಕಿತ್ತು. ಸಂಘರ್ಷದ ಸಮಯದಲ್ಲಿ ಮಾಡಿದ ಅಪರಾಧಗಳಿಗೆ ನ್ಯಾಯ ಮತ್ತು ಹೊಣೆಗಾರಿಕೆಗಾಗಿ ನಾವು ಯಾವಾಗಲೂ ಪ್ರತಿಪಾದಿಸುತ್ತೇವೆ. ಹಾಗೆಯೇ ಶ್ರೀಲಂಕಾದಲ್ಲಿ ಎಲ್ಲರೂ ಎದುರಿಸುತ್ತಿರುವ ಕಷ್ಟಗಳಿಗೆ ಎಂದು ಕೆನಡಾ ಸರ್ಕಾರ ಹೇಳಿತ್ತು.

ಕೊಲಂಬೊ ತಕ್ಷಣವೇ "ಜನಾಂಗೀಯ ಹತ್ಯೆ"ಯ ಆರೋಪಗಳಿಗೆ ಪ್ರತಿಕ್ರಿಯಿಸಿತು ಮತ್ತು ಕೆನಡಾದ ಪ್ರಧಾನಿ "ಚುನಾವಣಾ ಮತ ಬ್ಯಾಂಕ್ ರಾಜಕೀಯ" ದಲ್ಲಿ ತೊಡಗಿದ್ದಾರೆ ಎಂದು ಆರೋಪಿಸಿತು.

ಕೆನಡಾದ ಪ್ರಧಾನಿ ವಿರುದ್ಧವೂ ಭಾರತವು ಇದೇ ರೀತಿಯ ಆರೋಪಗಳನ್ನು ಮಾಡಿತ್ತು. ಆ ದೇಶವು ಖಾಲಿಸ್ತಾನಿ ಪ್ರತ್ಯೇಕತಾವಾದಿಗಳಿಗೆ ಬೆಂಬಲನೀಡುವುದನ್ನು ಮುಂದುವರೆಸಿದೆ.

https://www.vijayavani.net/rbi-moves-1-lakh-kg-of-gold-from-uk-back-to-india