ಕಮಲಾ ಹ್ಯಾರಿಸ್ ಗೆಲುವಿಗಾಗಿ ತಮಿಳುನಾಡಿನಲ್ಲಿ ವಿಶೇಷ ಪೂಜೆ, ಅಭಿಷೇಕ...

ತಿರುವರೂರು​: ಇಂದು ಅಮೆರಿಕ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಚುನಾವಣೆ ನಡೆಯುತ್ತಿದ್ದು. ಇಡೀ ಜಗತ್ತು ಮತ ಎಣಿಕೆ ದಿನಕ್ಕಾಗಿ ಕಾಯುತ್ತಿದೆ.

ಹೀಗಿರುವಾಗ ಅಮೆರಿಕ ಉಪಾಧ್ಯಕ್ಷೀಯ ಚುನಾವಣೆಯ ಡೆಮಾಕ್ರಟಿಕ್​ ಪಕ್ಷದ ಅಭ್ಯರ್ಥಿ ಕಮಲಾ ಹ್ಯಾರೀಸ್​ ಗೆಲುವಿಗಾಗಿ ತಮಿಳುನಾಡಿನ ತಿರುವರೂರು​ ಜಿಲ್ಲೆಯ ಪೈಂಗನಾಡು ಗ್ರಾಮದ ಧರ್ಮಸ್ಥ ದೇವಾಲಯದಲ್ಲಿ ಇಂದು ಬೆಳಗ್ಗೆ ವಿಶೇಷ ಪೂಜೆ, ಅಭಿಷೇಕ ನಡೆಸಲಾಯಿತು.

ಹ್ಯಾರಿಸ್ ಮೂಲತಃ ಭಾರತದವರು. ಅವರ ಅಜ್ಜ ಪಿ.ವಿ.ಗೋಪಾಲನ್​ ತಮಿಳುನಾಡಿನ ಪೈಂಗನಾಡು ಗ್ರಾಮದವರು. ಇದೇ ಕಾರಣಕ್ಕೆ ಕಮಲಾ ಹ್ಯಾರಿಸ್ ಗೆಲುವಿಗಾಗಿ ಇಲ್ಲಿನ ಜನರು ದೇವರಿಗೆ ಪೂಜೆ ಮಾಡುತ್ತಿದ್ದಾರೆ.

ಪೈಂಗನಾಡು ಗ್ರಾಮ ಮೊದಲು ಅಷ್ಟೊಂದು ಖ್ಯಾತಿಗಳಿಸಿರಲಿಲ್ಲ. ಆದರೆ ಅಮೆರಿಕ ಉಪಾಧ್ಯಕ್ಷೀಯ ಚುನಾವಣೆಗೆ ಕಮಲಾ ಹ್ಯಾರಿಸ್​ ನಾಮನಿರ್ದೇಶನಗೊಂಡ ಬಳಿಕ ಈ ಗ್ರಾಮ ಅತ್ಯಂತ ಪ್ರಸಿದ್ಧಿಯಾಗಿದೆ. ಇದನ್ನೂ ಒದಿ: Web Exclusive | ಅರಣ್ಯ ರಕ್ಷಣೆಗೆ ಶಕ್ತಿ ತುಂಬಿದ ನೇಮಕಾತಿ…

ಕಮಲಾ ಹ್ಯಾರಿಸ್​ ಅವರ ಪೂರ್ವಜರು ಈ ಗ್ರಾಮವನ್ನು ತೊರೆದಿದ್ದರೂ ಇಲ್ಲಿನ ದೇವಸ್ಥಾನದೊಂದಿಗೆ ಸಂಪರ್ಕ ಇಟ್ಟುಕೊಂಡಿದ್ದಾರೆ. ದೇಗುಲ ನವೀಕರಣಕ್ಕಾಗಿ ಕಮಲಾ ಅವರ ಅಜ್ಜ, ಕುಟುಂಬದ ಇತರ ಸದಸ್ಯರು ದೇಣಿಗೆಗಳನ್ನೂ ನೀಡಿದ್ದಾರೆ.

ಕಮಲಾ ಹ್ಯಾರಿಸ್​ ಅವರು, ಅಮೆರಿಕದ ಉಪಾಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುತ್ತಿರುವ ಮೊದಲ ಭಾರತೀಯ ಮೂಲದ ಮಹಿಳೆಯಾಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/us-presidential-election-2020-donald-trump-vs-joe-biden/