'ಭಾರತದ ರಾಜಧಾನಿ ಯಾವುದು'? ಬುದ್ಧಿವಂತ ಮಗ ಎಂದ ಅಪ್ಪನಿಗೆ ಎದುರಾಗಿದ್ದು ಭಾರೀ ಮುಖಭಂಗ!

ನವದೆಹಲಿ: ತಂದೆಯೊಬ್ಬರು ತನ್ನ ಪುತ್ರ ಅತೀ ಬುದ್ಧಿವಂತ, ತರಗತಿಯಲ್ಲಿ ಟಾಪರ್​, ಅವನ ಬುದ್ಧಿಶಕ್ತಿ ನಿಜಕ್ಕೂ ಊಹೆಗೂ ಮೀರಿದ್ದು. ನೀವು ಎಂತಹ ಪ್ರಶ್ನೆಯನ್ನು ಬೇಕಾದರೂ ಕೇಳಿ, ಹಿಂದಿ ಅಥವಾ ಇಂಗ್ಲಿಷ್ ಭಾಷೆಯಲ್ಲಿಯಾದರೂ ಕೇಳಿ ನೋಡಿ, ಅವನು ಉತ್ತರಿಸುತ್ತಾನೆ ಎಂದೆಲ್ಲಾ ಮಗನನ್ನು ಕೊಂಡಾಡಿದ್ದಾರೆ. ಈ ವೇಳೆ ಅಲ್ಲೇ ಇದ್ದ ಪತ್ರಕರ್ತರೊಬ್ಬರ ಜತೆ ಮಾತನಾಡಿದ ಬಾಲಕ, ತಂದೆ ಕೇಳಿದ ಪ್ರಶ್ನೆಗೆ ಉತ್ತರಿಸಲು ಹೆಣಗಾಡಿದ ದೃಶ್ಯ ಇದೀಗ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ರಸ್ತೆಗುಂಡಿ ಮುಚ್ಚಲು ಜೆಟ್ ಪ್ಯಾಚರ್ ಯಂತ್ರ ಬಳಸಿದ ಬಿಬಿಎಂಪಿ

ನನ್ನ ಮಗ ತರಗತಿಯಲ್ಲಿ ಟಾಪರ್, ಸರ್ಕಾರಿ ಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿರುವ ಇವನು ಚೆನ್ನಾಗಿ ಓದುತ್ತಾನೆ, ಹಲವು ವಿಷಯಗಳನ್ನು ಅರಿತುಕೊಂಡಿದ್ದಾನೆ ಎಂದು ಬಾಲಕನ ತಂದೆ ಬಹಳ ಸಂತೋಷದಿಂದ, ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ. ಈ ವೇಳೆ ಮಗನ ಬುದ್ಧಿಶಕ್ತಿ ಎಷ್ಟಿದೆ ಎಂದು ಸಾಬೀತುಪಡಿಸಲು ಮುಂದಾದ ತಂದೆ, 'ಭಾರತದ ರಾಜಧಾನಿ ಯಾವುದು' ಎಂದು ಪ್ರಶ್ನಿಸುತ್ತಾರೆ. ಇದಕ್ಕೆ ಉತ್ತರಿಸದ ಬಾಲಕ, ಎಷ್ಟು ಬಾರಿ ಕೇಳಿದರೂ ಸಹ ಹೇಳದೆ ಅಪ್ಪನ ಮುಜುಗರಕ್ಕೆ ಕಾರಣನಾಗಿದ್ದಾನೆ.

ತಂದೆ-ಮಗನ ಈ ಪ್ರಶ್ನೆ-ಉತ್ತರ ದೃಶ್ಯ ಅಲ್ಲೇ ಇದ್ದ ಪತ್ರಕರ್ತರ ಕ್ಯಾಮರಾದಲ್ಲಿ ಸೆರೆಯಾಗಿದೆ.  ಸದ್ಯ ಈ ವಿಡಿಯೋ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆಗಳು ಹರಿದುಬಂದಿವೆ,(ಏಜೆನ್ಸೀಸ್).

https://www.vijayavani.net/no-increment-in-10-years-says-senior-doctor