ಮುಂಬೈ: ಷೇರುಪೇಟೆಯ ವಾರದ ವಹಿವಾಟಿನ ಕೊನೆಯ ದಿನವಾದ ಶುಕ್ರವಾರ ಷೇರು ಸೂಚ್ಯಂಕ ಗಮನಾರ್ಹ ಏರಿಕೆಯೊಂದಿಗೆ ಅಂತ್ಯಗೊಂಡಿದೆ. ದೇಶೀಯ ಮತ್ತು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಬೃಹತ್ ಔಷಧಗಳನ್ನು ತಯಾರಿಸಿ, ಸರಬರಾಜು ಮಾಡುವ ಕಂಪನಿಯಾಗಿದೆ ನ್ಯೂಲ್ಯಾಂಡ್ ಲಾಬರೋಟರೀಸ್ ಲಿಮಿಟೆಡ್ (Neuland Laboratories Ltd,). ಈ ಕಂಪನಿಯ ಡಿಸೆಂಬರ್ ತ್ರೈಮಾಸಿಕ (Q3FY24) ಫಲಿತಾಂಶಗಳ ಪ್ರಕಟಣೆಯ ನಂತರ, ಖರೀದಿದಾರರು ಈ ಮಲ್ಟಿಬ್ಯಾಗರ್ ಸ್ಟಾಕ್ ಖರೀದಿಗೆ ಮುಗಿಬಿದ್ದರು. ಈ ಸ್ಟಾಕ್ ಶುಕ್ರವಾರ ಇಂಟ್ರಾ ಡೇ ವಹಿವಾಟಿನಲ್ಲಿ 5 ಪ್ರತಿಶತದಷ್ಟು ಹೆಚ್ಚಾಯಿತು. ಮುಕುಲ್ ಅಗರ್ವಾಲ್ ಮತ್ತು ವಿಜಯ್ ಕೇಡಿಯಾ ಅವರಂತಹ ಸ್ಟಾರ್ ಹೂಡಿಕೆದಾರರು ಈ ಕಂಪನಿಯಲ್ಲಿ ಲಕ್ಷಾನುಗಟ್ಟಲೇ ಷೇರುಗಳನ್ನು ಖರೀದಿಸಿದ್ದಾರೆ.
