ನವದೆಹಲಿ: ಇಂದು ಜಾಗತಿಕ ಮಟ್ಟದಲ್ಲಿ ಡಿಜಿಟಲ್ ಪೇಮೆಂಟ್ಗಳು (Digital Payments) ಹೆಚ್ಚು ಚಾಲ್ತಿಯಲ್ಲಿವೆ. ಆನ್ಲೈನ್ ಪಾವತಿಗಳು ಇಂದಿನ ಕಾಲಘಟ್ಟಕ್ಕೆ ಹೇಳಿ ಮಾಡಿಸಿದ್ದು, ಜನಸಾಮಾನ್ಯರ ದೈನಂದಿನ ಕೆಲಸಗಳನ್ನು ಮತ್ತಷ್ಟು ಸರಳ ಹಾಗೂ ಸುಲಭವಾಗಿಸಿದೆ. ಶರವೇಗದಲ್ಲಿ ಸಾಗುತ್ತಿರುವ ಡಿಜಿಟಲ್ ಯುಗದಲ್ಲಿ (UPI) ಹೊಚ್ಚ ಹೊಸ ಟೆಕ್ನಾಲಜಿಗಳಿಗೆ ಒಗ್ಗಲು ಸಾರ್ವಜನಿಕರು ಇಂದಿಗೂ ಹಿಂದುಳಿಯುತ್ತಿದ್ದಾರೆ. ಗೂಗಲ್ ಪೇ, ಫೋನ್ ಪೇ ಹೀಗೆ ನಾನಾ ಆನ್ಲೈನ್ ಪೇಮೆಂಟ್ಗಳು ಜನಗಳ ಕೈಬೆರಳಿಗೆ ತಲುಪಿದ್ದರೂ ಸಹ ಅದರ ಸದುಪಯೋಗ ಮಾತ್ರ ಅಷ್ಟಾಗಿ ಬಳಕೆಯಾಗುತ್ತಿಲ್ಲ ಎಂಬುದು ಸದ್ಯ ಬೇಸರದ ಸಂಗತಿ. ಇದೇ ವಿಷಯಕ್ಕೆ ಸಂಬಂಧಿಸಿದಂತೆ ಗೂಗಲ್ ಪೇ (Google Pay) ಉತ್ಪನ್ನ ನಿರ್ವಹಣೆಯ ನಿರ್ದೇಶಕರಾದ ಶರತ್ ಬುಲುಸು (Sharath Bulusu) ಮಾತನಾಡಿದ್ದು, ಡಿಜಿಟಲ್ ಪಾವತಿ ಕುರಿತು ಒಂದಷ್ಟು ವಿಷಯಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ.
