670 ಅಂಕ ಇಳಿಕೆ ಕಂಡ ಸೆನ್ಸೆಕ್ಸ್; ಜಾಗತಿಕ ಮಾರುಕಟ್ಟೆಗಳಲ್ಲಿನ ದುರ್ಬಲ ಪ್ರವೃತ್ತಿಯ ಹಿನ್ನೆಲೆ ಕಾರಣ?

ಮುಂಬೈ: ಜಾಗತಿಕ ಮಾರುಕಟ್ಟೆಗಳಲ್ಲಿನ ದುರ್ಬಲ ಪ್ರವೃತ್ತಿಯ ಹಿನ್ನೆಲೆಯಲ್ಲಿ ಸೋಮವಾರ ಭಾರತದ ಷೇರು ಸೂಚ್ಯಂಕ ಇಳಿಕೆ ಕಂಡಿದೆ. ಸೆನ್ಸೆಕ್ಸ್​ 670.93 ಪಾಯಿಂಟ್​ ಕುಸಿದು 71,355.22ಕ್ಕೆ ಸ್ಥಿರವಾಯಿತು. ದಿನದ ಅವಧಿಯಲ್ಲಿ ಇದು 725.11 ಪಾಯಿಂಟ್​ ಕುಸಿದು 71,301.04ಕ್ಕೆ ತಲುಪಿತ್ತು.

ನಿಫ್ಟಿ 197.80 ಪಾಯಿಂಟ್​ ಕುಸಿದು 21,513ಕ್ಕೆ ತಲುಪಿದೆ. ಮೊದಲ ತೆಮಾಸಿಕದಲ್ಲಿ ಕಂಪನಿಗಳ ಆರ್ಥಿಕ ವರದಿ ಮೇಲಿನ ನಿರೀಕ್ಷೆ, ಬಡ್ಡಿದರಗಳಲ್ಲಿ ಕಡಿತದ ನಿರೀಕ್ಷೆಯ ನಡುವೆ ಜಾಗತಿಕ ಷೇರುಗಳಲ್ಲೂ ಸೋಮವಾರ ಇಳಿಕೆ ಕಂಡುಬಂತು.

ಸ್ಟೇಟ್​ ಬ್ಯಾಂಕ್​ ಆಫ್​ ಇಂಡಿಯಾ, ಐಟಿಸಿ, ನೆಸ್ಲೆ, ಏಷ್ಯನ್​ ಪೇಂಟ್​, ಟೆಕ್​ ಮಹೀಂದ್ರಾ, ಮಹೀಂದ್ರಾ ಮತ್ತು ಮಹೀಂದ್ರಾ, ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್​, ಹಿಂದುಸ್ತಾನ್​ ಯೂನಿಲಿವರ್​ ಇಳಿಕೆ ಕಂಡವು. ಎಚ್​ಸಿಎಲ್​ ಟೆಕ್ನಾಲಜೀಸ್​, ಪವರ್​ ಗ್ರಿಡ್​, ಸನ್​ ಫಾರ್ಮಾ, ಎನ್​ಟಿಪಿಸಿ, ಬಜಾಜ್​ ಫೈನಾನ್ಸ್​ ಮತ್ತು ಟೈಟಾನ್​ ಷೇರುಗಳು ಲಾಭ ಗಳಿಸಿದವು. ಜಾಗತಿಕ ತೈಲ ಮಾನದಂಡ ಬ್ರೆಂಟ್​ ಕಚ್ಚಾ ತೈಲವು ಬ್ಯಾರೆಲ್​ಗೆ 1.21 ರಷ್ಟು ಕುಸಿದು, 77.81 ಡಾಲರ್​ ತಲುಪಿದೆ.

ಚಿನ್ನ 250 ರೂಪಾಯಿ ಇಳಿಕೆ

ಸೋಮವಾರ ರಾಷ್ಟ್ರ ರಾಜಧಾನಿಯಲ್ಲಿ ಪ್ರತಿ 10 ಗ್ರಾಂ ಚಿನ್ನದ ಬೆಲೆ 250 ರೂ. ಇಳಿಕೆ ಕಂಡು 63,200 ರೂ.ಗೆ ತಲುಪಿದೆ. ಬೆಳ್ಳಿ ಕೂಡ ಪ್ರತಿ ಕಿಲೋಗ್ರಾಂಗೆ 400 ರೂ. ಕುಸಿದು 76,300 ರೂ. ತಲುಪಿದೆ.

https://www.vijayavani.net/income-inequality-has-been-falling-for-a-while-now

https://www.vijayavani.net/indian-expat-stranded-without-documents-in-uae-returns-home-after-18-yrs