ರಾಹುಲ್ ಗಾಂಧಿ ಇಂದು ಹೇಳುತ್ತಿರುವುದನ್ನು, ಅರವಿಂದ್ ಕೇಜ್ರಿವಾಲ್ ದೆಹಲಿ ಚುನಾವಣೆಗೆ ಮುಂಚೆಯೆ ಹೇಳಿದ್ದರು, 2024 ರ ಡಿಸೆಂಬರ್ನಲ್ಲಿ ಕೇವಲ 15 ದಿನಗಳಲ್ಲಿ, ನವದೆಹಲಿಯಲ್ಲಿ ಸುಮಾರು ಶೇ 10% ಹೊಸ ಮತದಾರರನ್ನು ಪಟ್ಟಿಗೆ ಸೇರಿಸಲಾಗಿದೆ ಎಂದು ಎಎಪಿ ಹೇಳಿಕೊಂಡಿದೆ. ಮತಕಳ್ಳತನ ಮತ್ತು ಮತದಾರರ ಪಟ್ಟಿಯ ಸಾಮೂಹಿಕ ಕುಶಲತೆಯ ಬಗ್ಗೆ ಪಾರದರ್ಶಕ ತನಿಖೆಗೆ ಆಮ್ ಆದ್ಮಿ ಪಕ್ಷ ಒತ್ತಾಯಿಸಿದೆ. ಕಳೆದ 11 ವರ್ಷಗಳಿಂದ ದೇಶಾದ್ಯಂತ ನಕಲಿ ಮತ ಕಡಿತ ನಡೆಯುತ್ತಿದ್ದು, ಪ್ರಜಾಪ್ರಭುತ್ವವನ್ನು ಕೊಲೆ ಮಾಡಲು ಪ್ರಯತ್ನಗಳು ನಡೆಯುತ್ತಿವೆ, ಅರವಿಂದ್ ಕೇಜಿವಾಲ್ ಈ ವಿಷಯವನ್ನು ಬಹಿರಂಗಪಡಿಸಿದ ನಂತರ ಇದು ರಾಷ್ಟ್ರದಾದ್ಯಂತ ಚರ್ಚೆಗೆ ನಾಂದಿ ಹಾಡಿತು. ಚುನಾವಣಾ ಆಯೋಗವು ಮತ ಕಡಿತಕ್ಕೆ ಅರ್ಜಿ ಸಲ್ಲಿಸಿದವರನ್ನು ಕರೆಯುವುದಾಗಿ ಘೋಷಿಸಿತು. ಸಭೆಯಲ್ಲಿ, 11 ಜನರು ಮುಂದೆ ಬಂದು ಯಾರ ಮತ ಕಡಿತಗೊಳಿಸುವಂತೆ ಮನವಿ ಮಾಡಿಲ್ಲ ಎಂದು ಸ್ಪಷ್ಟಪಡಿಸಿದರು. ನಮ್ಮ ದೂರುಗಳ ಹೊರತಾಗಿಯೂ, ಆಗಿನ ಮುಖ್ಯ ಚುನಾವಣಾ ಆಯುಕ್ತ ರಾಜೀವ್ ಕುಮಾರ್ ಯಾವುದೇ ತನಿಖೆ ನಡೆಸಲಿಲ್ಲ ಮತ್ತು ಕ್ರಮ ಕೈಗೊಳ್ಳಲಿಲ್ಲ, ಬದಲಿಗೆ ಕಳಪೆ ಕವಿತೆಯನ್ನು ವಾಚಿಸಿದರು ಎಂದು ಭಾರದ್ವಾಜ್ ವ್ಯಂಗ್ಯವಾಡಿದರು.
