ಬೆಳಗಾವಿ, ಮಹಾರಾಷ್ಟ್ರದ ಗಡಿಭಾಗ ಮತ್ತು ಕರಾವಳಿಯಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಚಿತ್ರದ ಬಗ್ಗೆ ಮಾತನಾಡುವ ನಿರ್ದೇಶಕ ಸಂದೇಶ್, ‘ಹಿಂದೆ ಸಾಂಭಾಜಿ ಮಹಾರಾಜರು ಬಳುವಳಿಯಾಗಿ ಕೊಟ್ಟ ಊರು, ಅಲ್ಲಿನ ಜನರನ್ನು ಇನಾಮ್ದಾರ್ ಎನ್ನುತ್ತಾರೆ. ಅವರ ಕಥೆಯೂ ಚಿತ್ರದಲ್ಲಿದೆ. ಹೀಗಾಗಿ ಇದೊಂದು ರೀತಿಯ ಸೆಮಿ ಹಿಸ್ಟಾರಿಕಲ್ ಚಿತ್ರ ಎನ್ನಬಹುದು.
70ರಷ್ಟು ಕಾಡಿನಲ್ಲಿ, ಗುಡ್ಡಗಾಡು ಪ್ರದೇಶದಲ್ಲಿ, ಮಳೆಯಲ್ಲಿ ಚಿತ್ರೀಕರಿಸಿದ್ದೇವೆ. ಕಾಡಿನಲ್ಲಿಯೇ 15 ಮನೆಗಳ ಸೆಟ್ ಹಾಕಿದ್ದೆವು. 150 ಜನ ಜೂನಿಯರ್ಸ್ ಪ್ರತಿದಿನ ಇರುತ್ತಿದ್ದರು. ಕರಡಿಕಾಮ, ಕತ್ತಲೆ ಕಾಳಿಂಗ, ಘೋರ, ಕಾಳ, ಮಾಳ ಎಂಬ ಪಾತ್ರಗಳು ಬರುತ್ತವೆ, ಜಾತಿಗಳ ಸಂಘರ್ಷದ ಜತೆ ನಕ್ಸಲಿಸಂ ಕೂಡ ಇದೆ. ಹೀಗೆ ಚಿತ್ರದಲ್ಲಿ ಬೇರೆ ಬೇರೆ ಆಯಾಮಗಳಿವೆ’ ಎಂದು ಮಾಹಿತಿ ನೀಡುತ್ತಾರೆ.
