ಕೇರಳದ ಶಬರಿಮಲೆಯಲ್ಲಿ ಮಕರ ಸಂಕ್ರಾಂತಿಗೆ ಮೂರು ತಿಂಗಳ ಮುಂಚೆಯೇ ಶಬರಿ ಮಲೆಯಾತ್ರೆ ಆರಂಭವಾಗುತ್ತದೆ. ಕರ್ನಾಟಕ, ತೆಲಂಗಾಣ, ಆಂಧ್ರ, ತಮಿಳುನಾಡು ಸೇರಿ ದೇಶದ ನಾನಾ ಭಾಗಗಳಿಂದ ಅಯ್ಯಪ್ಪ ಮಾಲೆ ಧರಿಸಿದ ಭಕ್ತರು ಆಗಮಿಸುತ್ತಾರೆ. ಭಕ್ತರು 18 ಮೆಟ್ಟಿಲು ಏರಿ ಅಯ್ಯಪ್ಪ ಸ್ವಾಮಿಗೆ ಪೂಜೆ ಸಲ್ಲಿಸುವುದು ವಾಡಿಕೆ. ಇದು ಹಲವಾರು ವರ್ಷಗಳಿಂದ ನಡೆದುಕೊಂಡು ಬಂದಿದೆ.ಇದರ ಜತೆಗೆ ಶಬರಿ ಮಲೆಯಲ್ಲಿ ಸಂಕ್ರಾಂತಿಗೆ ಪ್ರತಿ ವರ್ಷ ನಡೆಯುವ ವಿಶೇಷ ಪೂಜೆ ಮಕರವಿಳಕ್ಕು ಅಥವಾ ಮಕರ ಜ್ಯೋತಿ ಪ್ರಾಧಾನ್ಯತೆ ಪಡೆದುಕೊಂಡಿದೆ. ಮಕರ ಜ್ಯೋತಿಯ ದಿನ ಲಕ್ಷಾಂತರ ಭಕ್ತರು ಶಬರಿ ಮಲೆಯಲ್ಲಿ ಕಾದು ಕುಳಿತಿರುತ್ತಾರೆ. ಜ್ಯೋತಿ ದರ್ಶನ ಅಮೃತ ಕ್ಷಣ ಎಂದೇ ಭಕ್ತರು ಭಾವಿಸುತ್ತಾರೆ.
