ಕೋವಿಡ್​ ಜಾಗೃತಿಯ ಕಾಲರ್ ಟ್ಯೂನ್​ಗೆ ಅಮಿತಾಭ್​ ಧ್ವನಿ ಬೇಡ ಎಂದು ಹೈಕೋರ್ಟ್​ಗೆ ಅರ್ಜಿ

ನವದೆಹಲಿ: ನಾವು ಯಾರಿಗಾದರೂ ಫೋನ್​ನಿಂದ ಕರೆ ಮಾಡಿದಾಗ ಕೋವಿಡ್ -19 ಜಾಗೃತಿ ಕುರಿತು ಕಾಲರ್ ಟ್ಯೂನ್​ನಲ್ಲಿ ಅಮಿತಾಭ್​ ಬಚ್ಚನ್​ ಅವರ ಧ್ವನಿ ಕೇಳಿಸುತ್ತದೆ. ಕೋವಿಡ್​ ಕುರಿತು ಜಾಗೃತಿ ತೆಗೆದುಕೊಳ್ಳುವಂತೆ ಅದರಲ್ಲಿ ಅಮಿತಾಭ್​ ಹೇಳಿದ್ದಾರೆ. ಆದರೆ ಇದನ್ನು ತೆಗೆದುಹಾಕುವಂತೆ ಕೋರಿ ದೆಹಲಿ ಹೈಕೋರ್ಟ್‌ಗೆ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ (ಪಿಐಎಲ್​) ಸಲ್ಲಿಸಲಾಗಿದೆ.

ಸಾಮಾಜಿಕ ಕಾರ್ಯಕರ್ತ ಎಂದು ಹೇಳಿಕೊಂಡಿರುವ ರಾಕೇಶ್ ಎಂಬ ವ್ಯಕ್ತಿ ಈ ಅರ್ಜಿ ಸಲ್ಲಿಸಿದ್ದಾರೆ.

ಅಮಿತಾಭ್​ ಬಚ್ಚನ್​ ಅವರ ಧ್ವನಿಗೆ ಈ ಪರಿಯ ಆಕ್ಷೇಪ ಏಕೆ ಎಂದು ಅರ್ಜಿಯಲ್ಲಿ ನಮೂದಿಸಿರುವ ರಾಕೇಶ್​ ಅವರು, ಅಮಿತಾಭ್​ ಅವರಿಗೆ ಈ ಧ್ವನಿಗಾಗಿ ಪ್ರಧಾನಿ ನರೇಂದ್ರ ಮೋದಿ ಸರ್ಕಾರವು ಶುಲ್ಕವನ್ನು ಪಾವತಿಸುತ್ತದೆ. ಆದರೆ ರಾಷ್ಟ್ರಕ್ಕೆ ಶ್ರೇಷ್ಠ ಸೇವೆ ಸಲ್ಲಿಸುತ್ತಿರುವ ಕೆಲವು ಕರೊನಾ ವಾರಿಯರರ್ಸ್​ ಅನ್ನು ನಿರ್ಲಕ್ಷಿಸಿ ಅಮಿತಾಭ್​ ಬಚ್ಚನ್​ ಅವರಿಗೆ ಹಣ ನೀಡುವ ಮೂಲಕ ಈ ರೀತಿ ಜಾಗೃತಿ ಮೂಡಿಸುತ್ತಿರುವುದು ಸರಿಯಲ್ಲ ಎಂದಿದ್ದಾರೆ.

ಕರೊನಾದ ಈ ಸಮಯದಲ್ಲಿ ಎಷ್ಟೋ ಬಡವರಿಗೆ ಹಣಕಾಸಿನ ಅಗತ್ಯವಿದೆ. ಕೋವಿಡ್​ ವಾರಿಯರ್ಸ್​ ಅಮೋಘ ಕೊಡುಗೆಗಳನ್ನು ನೀಡುತ್ತಿದ್ದಾರೆ. ಕೆಲವು ಕರೊನಾ ವಾರಿಯರ್ಸ್​ ತಮ್ಮ ದುಡುಮೆಯ ಹಣವನ್ನು ಅಗತ್ಯ ಇರುವವರಿಗೆ ನೀಡುತ್ತಿದ್ದಾರ. ಇಂಥವರಿಗೆ ನೆರವಾಗುವ ಬದಲು ನಟನಿಗೆ ಈ ರೀತಿ ಶುಲ್ಕವನ್ನು ಪಾವತಿಸುವುದು ಸರಿಯಲ್ಲ ಎನ್ನುವುದು ಅರ್ಜಿದಾರರ ವಾದ.

ಆದರೆ ನಟ ಅಮಿತಾಭ್​ ಬಚ್ಚನ್​ ಸಮಾಜ ಸೇವಕರಾಗಿ ರಾಷ್ಟ್ರಕ್ಕೆ ಸೇವೆ ಸಲ್ಲಿಸುತ್ತಿಲ್ಲ, ಇವರು ಕರೊನಾ ವಾರಿಯರ್ಸ್​ ಕೂಡ ಅಲ್ಲ. ಆದ್ದರಿಂದ ಅವರ ಧ್ವನಿ ಏಕೆ ಎಂದು ಅರ್ಜಿದಾರರು ಪ್ರಶ್ನಿಸಿದ್ದಾರೆ.

ಅರ್ಜಿದಾರರ ಪರವಾಗಿ ವಕೀಲರಾದ ಎ.ಕೆ. ದುಬೆ ಮತ್ತು ಪವನ್ ಕುಮಾರ್ ವಾದ ಮಂಡಿಸುತ್ತಿದ್ದಾರೆ. ನ್ಯಾಯಮೂರ್ತಿ ಡಿ.ಎನ್. ಪಟೇಲ್ ಮತ್ತು ನ್ಯಾಯಮೂರ್ತಿ ಜ್ಯೋತಿ ಸಿಂಗ್ ಅವರ ನ್ಯಾಯಪೀಠದ ಮುಂದೆ ಈ ಅರ್ಜಿ ಇಂದು ವಿಚಾರಣೆಗೆ ಬಂದಿತ್ತು. ವಿಚಾರಣೆಯನ್ನು ಕೋರ್ಟ್​ ಜನವರಿ 18ಕ್ಕೆ ಮುಂದೂಡಿದೆ.

https://www.vijayavani.net/s-koppala-executive-engineer-love-story/

https://www.vijayavani.net/s-daughter-from-1st-wife-said-i-should-remarry-manoj-tiwari/

https://www.vijayavani.net/s-nyayadevate-ibbaru-makkala-will-07-010-2020/

https://www.vijayavani.net/s-bihar-cm-nitish-kumar-on-bharat-ratna-to-sonia-gandhi/