ಇದೇ ವೇಳೆ, ವರದಕ್ಷಿಣೆ ಸಮಸ್ಯೆ ಕುರಿತು ಅವರು ಮಾತನಾಡಿದರು. ಇದೊಂದು ದೊಡ್ಡ ಸಮಸ್ಯೆಯಾಗಿದ್ದು, ಹೆಣ್ಣುಮಕ್ಕಳ ಬಾಳು ಹಾಳಾಗುತ್ತಿದೆ ಎಂದು ವಿಷಾದಿಸಿದರು. ವರದಕ್ಷಿಣೆ ತೆಗೆದುಕೊಳ್ಳುವುದು ಅತ್ಯಂತ ನಿಷ್ಪ್ರಯೋಜಕ ನಡೆ. ಇಂಥ ಪದ್ಧತಿ ಹೋಗಬೇಕಿದೆ ಎಂದ ಅವರು, ಮದುವೆಯ ವಿಶೇಷತೆಯನ್ನು ಹೇಳಿದರು. ನೋಡಿ ಹೆಣ್ಣು-ಗಂಡು ಮದುವೆಯಾದರಷ್ಟೇ ಮಕ್ಕಳು ಹುಟ್ಟುವುದು, ಹೀಗೆ ವರದಕ್ಷಿಣೆ ಎಂದು ಹೋದರೆ ಹೆಣ್ಣುಮಕ್ಕಳು ಮದುವೆಗೆ ಹಿಂದೇಟು ಹಾಕುತ್ತಾರೆ. ಮುಂದೆ ಗಂಡು-ಗಂಡು ಮಕ್ಕಳೇ ಮದುವೆಯಾಗಬೇಕಾಗುತ್ತದೆ. ಇಬ್ಬರು ಪುರುಷರು ಮದ್ವೆಯಾದರೆ ಮಕ್ಕಳು ಹುಟ್ಟುತ್ತಾರಾ? ಯೋಚನೆ ಮಾಡಿ, ಸುಮ್ಮನೆ ವರದಕ್ಷಿಣೆ ಹಿಂದೆ ಬಿದ್ದು ಜೀವನ ವ್ಯರ್ಥ ಮಾಡಿಕೊಳ್ಳಬೇಡಿ ಎಂದು ಬುದ್ಧಿಮಾತು ಹೇಳಿದರು.
