ಕಾರು- ಟ್ರಕ್‌ ಮುಖಾಮುಖಿ: 10 ಮಂದಿಯ ದಾರುಣ ಸಾವು- ನಜ್ಜುಗುಜ್ಜಾದ ದೇಹ ಹೊರತೆಗೆಯಲು ಹರಸಾಹಸ

ಆನಂದ್ (ಗುಜರಾತ್‌): ಕಾರಿಗೆ ಟ್ರಕ್​ ಡಿಕ್ಕಿ ಹೊಡೆದ ಪರಿಣಾಮ ಒಂದೇ ಕುಟುಂಬದ 10 ಮಂದಿ ಸ್ಥಳದಲ್ಲಿಯೇ ಮೃತಪಟ್ಟಿರುವ ಘಟನೆ ಗುಜರಾತ್‌ನ ಆನಂದ್ ಜಿಲ್ಲೆಯ ಇಂದ್ರನಾಜ್ ಗ್ರಾಮದ ಬಳಿ ನಡೆದಿದೆ.

ಆನಂದ್ ಜಿಲ್ಲೆಯ ತಾರಾಪುರದಿಂದ ಅಹಮದಾಬಾದ್ ಜಿಲ್ಲೆಯ ವಟಮನ್ ಗೆ ಸಂಪರ್ಕ ಕಲ್ಪಿಸುವ ರಾಜ್ಯ ಹೆದ್ದಾರಿಯಲ್ಲಿ ಈ ಅಪಘಾತ ನಡೆದಿದೆ. ಕಾರು ಮತ್ತು ಟ್ರಕ್​ ಮುಖಾಮುಖಿಯಾಗಿ ಡಿಕ್ಕಿಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕಾರು ವಾಟಾಮನ್​​ಗೆ ಹೋಗುತ್ತಿತ್ತು..ಟ್ರಕ್​ ವಾಟಾಮನ್​ ಕಡೆಯಿಂದ ಬರುತ್ತಿತ್ತು. ಎರಡೂ ವಾಹನಗಳ ಮುಖಾಮುಖಿ ಡಿಕ್ಕಿಯಾಗಿ ಈ ಅಪಘಾತ ಸಂಭವಿಸಿದೆ. ಕಾರಿನಲ್ಲಿದ್ದ 10 ಮಂದಿ ಸ್ಥಳದಲ್ಲೇ ಮೃತಪಟ್ಟರು. ಮೃತದೇಹಗಳು ನಜ್ಜುಗುಜ್ಜಾಗಿವೆ. ಕಾರಿನ ಹೊರತೆಗೆಯಲು ಮತ್ತು ಮೃತರನ್ನು ಗುರುತಿಸುವ ಕೆಲಸ ನಡೆಯುತ್ತಿದೆ.

ಶವ ಹೊರತೆಗೆಯುವುದೇ ಸವಾಲಿನ ಕೆಲಸವಾಗಿತ್ತು. ಹಾಗೇ, ಮೃತರ ಗುರುತು ಪತ್ತೆಹಚ್ಚುವ ಕೆಲಸವೂ ನಡೆಯುತ್ತಿದೆ ಎಂದು ಪೊಲೀಸರು ಹೇಳಿದ್ದಾರೆ.

https://www.vijayavani.net/s-alahabad-hc-on-marriage-issue/

https://www.vijayavani.net/s-isrelstrikes-in-gaza-after-arson-balloons-launched/

https://www.vijayavani.net/s-liquorshop-open-pooja-by-lover/